ചലച്ചിത്ര പഠനക്യാന്പ് 16-ന് ആരംഭിക്കും
തേഞ്ഞിപ്പലം: ഫിപ്രെസ്കി ഇന്ത്യയും കേരള ചലച്ചിത്ര അക്കാഡമിയും വൈക്കം മുഹമ്മദ് ബഷീർ ചെയറും സംയുക്തമായി നടത്തുന്ന ത്രിദിന സിനിമാപഠന കളരി 16ന് കാലിക്കട്ട് സർവകലാശാലാ ഇഎംഎസ് സെമിനാർ കോംപ്ലക്സിൽ ആരംഭിക്കും. സിനിമാനിരൂപക ഇത്താമി ബോർഹൻ (ക്രൊയേഷ്യ) ഉദ്ഘാടനം ചെയ്യും. മൂന്ന് ദിവസത്തെ ക്യാന്പിൽ കമൽ, ടി.വി ചന്ദ്രൻ, എം.കെ. രാഘവേന്ദ്ര, ദീദി ദാമോദരൻ, ഐ. ഷണ്മുഖദാസ്, എൻ. വിദ്യാശങ്കർ, മധു ഇറവങ്കര, പ്രോംചന്ദ്, വി.കെ. ജോസഫ്, അനു പാപ്പച്ചൻ, ജി.പി. രാമചന്ദ്രൻ, ആർ.വി.എം. ദിവാകരൻ, കെ. എസ്.മാധവൻ, കെഇഎൻ തുടങ്ങിയവർ പങ്കെടുക്കും. വൈകുന്നേരം അഞ്ച് മുതൽ ഒന്പത് വരെ ഓപ്പണ് ഫോറവും സിനിമാ പ്രദർശനവും ഉണ്ടാകും.