പിജി ഹോമിയോ കോഴ്സുകളിലേക്കുള്ള രണ്ടാം ഘട്ട അലോട്ട്മെന്റ്
തിരുവനന്തപുരം: ബിരുദാനന്തര ബിരുദ ഹോമിയോ (എംഡി) കോഴ്സുകളിലേക്ക് പ്രവേശനത്തിനുള്ള രണ്ടാം ഘട്ട കേന്ദ്രീകൃത അലോട്ട്മെന്റ് നടപടിക്രമങ്ങൾ ഇന്നാരംഭിക്കും. ഈ ഘട്ടത്തിൽ പ്രവേശന നടപടികൾ ഓണ്ലൈനാണ് നടത്തുക. ആദ്യഘട്ട സ്പോട്ട് അലോട്ട്മെന്റിനു ശേഷം വിവിധ ഹോമിയോ കോളജുകളിൽ നിലനിൽക്കുന്ന ഒഴിവുകളിലേക്കായിരിക്കും അലോട്ട്മെന്റ് നടക്കുക.
വിദ്യാർഥികൾക്ക് തിരുവനന്തപുരം, കോഴിക്കോട് ഹോമിയോ മെഡിക്കൽ കോളജുകളിലെ എല്ലാ കോഴ്സുകളിലേക്കും രണ്ടാം ഘട്ടത്തിലും ഓണ്ലൈനായി ഓപ്ഷൻ സമർപ്പിക്കാൻ അവസരം ലഭിക്കും. ആദ്യഘട്ട സ്പോട്ട് അലോട്ട്മെന്റിലൂടെ പ്രവേശനം നേടിയവർക്കും രണ്ടാംഘട്ട അലോട്ട്മെന്റിൽ പങ്കെടുക്കാം. പ്രവേശന പരീക്ഷാ കമ്മീഷണർ പ്രസിദ്ധീകരിച്ച് റാങ്ക് ലിസ്റ്റിൽ ഉൾപ്പെട്ട വിദ്യാർഥികളെ മാത്രം ഉൾപ്പെടുത്തിയാകും അലോട്ട്മെന്റ് പ്രസിദ്ധീകരിക്കുന്നത്.
15 മുതൽ 18 ഉച്ചയ്ക്കു 12 വരെ ഓണ്ലൈനായി ഓപ്ഷനുകൾ രജിസ്റ്റർ ചെയ്യുവാനുള്ള സൗകര്യം ഉണ്ടായിരിക്കും. 19ന് രണ്ടാം കേന്ദ്രീകൃത അലോട്ട്മെന്റ് പ്രസിദ്ധീകരിക്കുന്നതാണ്. അലോട്ട്മെന്റ് ലഭിക്കുന്ന വിദ്യാർഥികൾ 24നകം കോളജുകളിൽ ഹാജരായി പ്രവേശനം നേടേണ്ടതാണ്.
ഫോണ്: 04712339101, 2339102, 103, 104, 2332123.