വിദൂരവിദ്യാഭ്യാസ വിഭാഗം യുജി/പിജി പ്രോഗ്രാമുകളുടെ അഡ്മിഷൻ ആരംഭിച്ചു
വിദൂരവിദ്യാഭ്യാസ വിഭാഗത്തിൽ 202425 അദ്ധ്യയന വർഷം അഞ്ച് ബിരുദ ബിരുദാനന്തര പ്രോഗ്രാമുകൾക്കുള്ള അഡ്മിഷൻ ആരംഭിച്ചു. ലൈബ്രറി സയൻസ്, മാത്തമാറ്റിക്സ് എന്നീ ബിരുദ പ്രോഗ്രാമുകൾക്കും, ലൈബ്രറി സയൻസ്, കന്പ്യൂട്ടർ സയൻസ്, മാത്തമാറ്റിക്സ് എന്നീ ബിരുദാനന്തര ബിരുദ പ്രോഗ്രാമുകൾക്കുമാണ് അഡ്മിഷൻ നടത്തുന്നത്. 31 വരെ ഓണ്‍ലൈനായി അപേക്ഷിക്കാം. അപേക്ഷയുടെ ശരിപകർപ്പും അസ്‌സൽ സർട്ടിഫിക്കറ്റുകളും കാര്യവട്ടം വിദൂരവിദ്യാഭ്യാസ വിഭാഗത്തിൽ ഓഗസ്റ്റ് 14 വൈകുന്നേരം 5 മണിക്ക് മുൻപായി നേരിട്ടോ തപാൽ മാർഗമോ എത്തിക്കണം. ഓണ്‍ലൈനായി അപേക്ഷിക്കുന്നതിനും മറ്റ് വിവരങ്ങൾക്കും വെബ് സൈറ്റ് സന്ദർശിക്കണം.
പിഎച്ച്ഡി. രജിസ്ട്രേഷൻ ജൂലൈ 2024 സെഷൻ ഓണ്‍ലൈൻ അപേക്ഷ
കന്പ്യൂട്ടർ സയൻസ് &എഞ്ചിനീയറിംഗ് വിഷയം ഉൾപ്പെടുത്തുന്നത് കേരളസർവകലാശാലയുടെ ജൂലൈ 2024 സെഷൻ പിഎച്ച്.ഡി. രജിസ്ട്രേഷന് കന്പ്യൂട്ടർ സയൻസ് & എഞ്ചിനീയറിംഗ് വിഷയത്തിൽ ഒരു ഒഴിവ് ഉള്ളതിനാൽ ഓണ്‍ലൈൻ അപേക്ഷ
സമർപ്പിക്കാം.
പരീക്ഷാഫലം
വിദൂരവിദ്യാഭ്യാസ വിഭാഗം 2024 ഏപ്രിൽ/മേയ് മാസങ്ങളിൽ നടത്തിയ അഞ്ച്, ആറ് സെമസ്റ്റർ ബിഎ. സോഷ്യോളജി, ഇംഗ്ലീഷ് പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണ്ണയത്തിനും സൂക്ഷ്മപരിശോധനയ്ക്കും 2024 ജൂലൈ 23 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ. 2024 ജനുവരിയിൽ നടത്തിയ രണ്ടാം സെമസ്റ്റർ എംഎ ഇക്കണോമിക്സ് (ബിഹേവിയറൽ ഇക്കണോമിക്സ് ആൻഡ് ഡാറ്റാ സയൻസ്) റെഗുലർ, ഇംപ്രൂവ്മെന്‍റ് &
സപ്ലിമെന്‍ററി പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് 19 വരെ ഓണ്‍ലൈനായി അപേക്ഷിക്കാം. വിദ്യാർത്ഥികളുടെ അപേക്ഷാഫീസ് ഓണ്‍ലൈൻ പോർട്ടൽ മുഖേന മാത്രമേ സ്വീകരിക്കുകയുള്ളു. വിശദവിവരങ്ങൾ വെബ്സൈറ്റിൽ.
2022 ഒക്ടോബറിൽ നടത്തിയ രണ്ടാം സെമസ്റ്റർ എംടെക് (ഫുൾ ടൈം), നാലാം സെമസ്റ്റർ (പാർട്ട് ടൈം) മേഴ്സിചാൻസ് (2013 സ്കീം) പരീക്ഷാഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
പ്രാക്ടിക്കൽ
വിദൂരവിദ്യാഭ്യാസ വിഭാഗം നടത്തുന്ന മാസ്റ്റർ ഓഫ് ലൈബ്രറി ആൻഡ് ഇൻഫർമേഷൻ സയൻസ് (റെഗുലർ 2022 അഡ്മിഷൻ, സപ്ലിമെന്‍ററി 2020 2021 അഡ്മിഷൻ, മേഴ്സിചാൻസ് 2017 അഡ്മിഷൻ) മെയ് 2024 പരീക്ഷയുടെ പ്രാക്ടിക്കൽ ഇൻഫർമേഷൻ ടെക്നോളജി ആപ്ലിക്കേഷൻസ് പ്രാക്ടിക്കൽ) 2024 ജൂലൈ 22, 23 തീയതികളിൽ കാര്യവട്ടം സെന്‍റർ ഫോർ അണ്ടർ ഗ്രാജ്വേറ്റ് സ്റ്റഡീസിലെ കന്പ്യൂട്ടർ ലാബിൽ വച്ച് നടത്തും. വിശദമായ ടൈംടേബിൾ വെബ്സൈറ്റിൽ.
ടൈംടേബിൾ
2024 ജൂണിൽ നടത്തിയ ജർമ്മൻപരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് 27 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
നാലാം സെമസ്റ്റർ ബി.എ. ഓണേഴ്സ് ഡിഗ്രി പ്രോഗ്രാം ഇൻ ഇംഗ്ലീഷ് ലാംഗ്വേജ് ആന്‍റ് ലിറ്ററേച്ചർ, ജൂലൈ 2024 (റെഗുലർ 2022 അഡ്മിഷൻ, ഇംപ്രൂവ്മെന്‍റ്/സപ്ലിമെന്‍ററി 2021 അഡ്മിഷൻ, സപ്ലിമെന്‍ററി 2019 2020 അഡ്മിഷൻ) പരീക്ഷ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
2024 ജൂലൈ 24 ന് ആരംഭിക്കുന്ന എട്ടാം സെമസ്റ്റർ ഇന്‍റഗ്രേറ്റഡ് പഞ്ചവത്സര ബിഎ/ബികോം/ബിബിഎഎൽഎൽബി പരീക്ഷകളുടെ ടൈംടേബിൾ പ്രസിദ്ധീകരിച്ചു.
വിശദവിവരങ്ങൾ വെബ്സൈറ്റിൽ.
കേരളസർവകലാശാല 23 ന് ആരംഭിക്കുന്ന ഒന്നാം സെമസ്റ്റർ എൽഎൽഎം പരീക്ഷയുടെ വിശദമായ ടൈംടേബിൾ വെബ്സൈറ്റിൽ.
നാലാം സെമസ്റ്റർ കരിയർ റിലേറ്റഡ് ബി.എ./ ബി.എസ്‌സി./ ബി.കോം./ബി.ബി.എ./ബി.സി.എ./ബി.പി.എ./ബി.എം.എസ്./ബി.എസ്.ഡബ്ല്യൂ./ബി.വോക്. എന്നീ സി.ബി.സി.എസ്.എസ്. (സി.ആർ.) (റെഗുലർ 2022 അഡ്മിഷൻ, ഇംപ്രൂവ്മെന്‍റ്/സപ്ലിമെന്‍ററി 2021 അഡ്മിഷൻ, സപ്ലിമെന്‍ററി 2019 &മാു; 2020 അഡ്മിഷൻ, മേഴ്സിചാൻസ് 2013 2016 &2018 അഡ്മിഷൻ) ജൂലൈ 2024 പരീക്ഷ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ്
തുടർവിദ്യാഭ്യാസവ്യാപന കേന്ദ്രം കാര്യവട്ടം യൂണിവേഴ്സിറ്റി കാന്പസിൽ നടത്തുന്ന സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സിന് ഏതാനും സീറ്റുകൾ ഒഴിവുണ്ട്. യോഗ്യത: പ്ലസ് ടു/പ്രീഡിഗ്രി ജയിച്ചിരിക്കണം, കോഴ്സ് കാലാവധി : ആറ് മാസം, ക്ലാസ്‌സുകൾ : ശനി, ഞായർ ദിവസങ്ങളിൽ, കോഴ്സ് ഫീസ് : 9000/, ഉയർന്ന പ്രായപരിധി ഇല്ല. അസ്‌സൽ സർട്ടിഫിക്കറ്റും പകർപ്പും ഒരു ഫോട്ടോയും സഹിതം പിഎംജി ജംഗ്ഷനിലുള്ള സ്റ്റുഡന്‍റ്സ് സെന്‍റർ കാന്പസിലെ ഓഫീസിൽ ഹാജരാകണം. വിശദവിവരങ്ങൾക്ക് : 04712302523.
പിജി സിഎസ്എസ് റാങ്ക് ലിസ്റ്റിൽ ഉൾപ്പെട്ടിട്ടുള്ള സ്പോർട്സ് ക്വാട്ട, ഭിന്നശേഷി വിഭാഗക്കാർക്കുള്ള നിർദ്ദേശങ്ങൾ
പഠന വകുപ്പുകളിൽ ബിരുദാനന്തര ബിരുദ കോഴ്സുകളിലേക്ക് പ്രവേശനം നേടുന്നതിനുള്ള പിജി. സിഎസ്എസ് റാങ്ക് ലിസ്റ്റിൽ ഉൾപ്പെട്ട, ഓണ്‍ലൈൻ ആപ്ലിക്കേഷൻ സമർപ്പണ സമയത്ത് സ്പോർട്സ് ക്വാട്ട വിഭാഗത്തിലുള്ള സംവരണത്തിന് യോഗ്യതയുണ്ടെന്ന് രേഖപ്പെടുത്തിയ വിദ്യാർഥികളും, ഭിന്നശേഷി വിഭാഗത്തിലുള്ള സംവരണത്തിന് യോഗ്യതയുണ്ടെന്ന് രേഖപ്പെടുത്തിയ ഭിന്നശേഷി വിഭാഗത്തിൽ ഉൾപ്പെടുന്ന 40% ത്തിനു മുകളിൽ വൈകല്യമുള്ള വിദ്യാർത്ഥികളും, 2024 17 ന് മുൻപായി ഓണ്‍ലൈൻ ആപ്ലിക്കേഷൻ ഫോമിന്റെ പ്രിന്‍റ്ഔട്ടും യോഗ്യത
തെളിയിക്കുന്നതിനുള്ള രേഖകളുടെ പകർപ്പും (സ്പോർട്സ് ക്വാട്ട വിഭാഗം), സംവരണം
തെളിയിക്കുന്ന രേഖകളുടെ പകർപ്പും (ഭിന്നശേഷി വിഭാഗം) സഹിതം ഡെപ്യൂട്ടി രജിസ്ട്രാർ,
ക്രെഡിറ്റ് ആൻഡ് സെമസ്റ്റർ സിസ്റ്റം, കേരളസർവകലാശാല, കാര്യവട്ടം 695 581 എന്ന വിലാസത്തിൽ നേരിട്ടോ തപാൽ മുഖേനയോ എത്തിക്കണം. കൂടുതൽ വിവരങ്ങൾക്ക്: 04712308328.
ജർമ്മൻ കോഴ്സിന് അപേക്ഷ ക്ഷണിച്ചു
ജർമ്മൻ പഠന വിഭാഗം നടത്തുന്ന ജർമ്മൻ കോഴ്സിന് അപേക്ഷ ക്ഷണിച്ചു. യോഗ്യത: പ്ലസ് ടു, ജർമ്മൻ 1, കോഴ്സ് ഫീ: 9000/, കാലാവധി 80 മണിക്കൂർ (2 മുതൽ 3 മാസം), സമയം: രാവിലെ 7.30 മുതൽ 9 വരെ (തിങ്കൾ മുതൽ വെള്ളി വരെ), ആകെ സീറ്റ് 30. അപേക്ഷാഫീസ് 105/ രൂപ, രജിസ്ട്രേഷൻ ഫീസ് 105/ രൂപ . അപേക്ഷ ഫോം ജർമ്മൻ ഡിപ്പാർട്ട്മെന്‍റ് (യൂണിവേഴ്സിറ്റി) വെബ്സൈറ്റിൽ നിന്നും ഡൗണ്ലോഡ് ചെയ്യാം. പൂരിപ്പിച്ച അപേക്ഷകൾ 22 ന് വൈകുന്നേരം 4 വരെ പാളയം സെനറ്റ് ഹൗസ് കാന്പസിലെ ജർമ്മൻ പഠന വിഭാഗത്തിൽ സ്വീകരിക്കും.