Play Audio

ജ​ഡ്ജി​മാ​രു​ടെ വാ​ക്കും പ്ര​വൃ​ത്തി​യും വി​ശ്വാ​സ്യ​ത​യെ വ​ധി​ക്ക​രു​ത്
Monday, September 30, 2024 12:00 AM IST
ജ​ഡ്ജി​മാ​ർ സം​ഘ​പ​രി​വാ​ർ ഭാ​ഷ​യി​ൽ പ​രാ​മ​ർ​ശ​ങ്ങ​ൾ ന​ട​ത്തു​ന്ന​തും വി​ര​മി​ച്ചാ​ലു​ട​നെ സ​ർ​ക്കാ​ർ വ​ച്ചു​നീ​ട്ടു​ന്ന സ്ഥാ​ന​മാ​ന​ങ്ങ​ൾ ഏ​റ്റെ​ടു​ക്കു​ന്ന​തും രാ​ഷ്‌​ട്രീ​യ പാ​ർ​ട്ടി​ക​ളി​ൽ ചേ​രു​ന്ന​തു​മൊ​ക്കെ നീ​തി​ന്യാ​യ സം​വി​ധാ​ന​ത്തി​ന്‍റെ നി​ഷ്പ​ക്ഷ​ത​യെ​ന്ന പ​ര​മോ​ന്ന​ത മൂ​ല്യ​ത്തെ സം​ശ​യ​നി​ഴ​ലി​ലാ​ക്കു​ന്നു​ണ്ട്.

സം​ഘ​പ​രി​വാ​റി​ന്‍റെ ഭാ​ഷ​യി​ൽ ത​ങ്ങ​ൾ സം​സാ​രി​ച്ചാ​ൽ ആ​ഹ്ലാ​ദി​ക്കു​ന്ന​ത് വ​ർ​ഗീ​യ​ശ​ക്തി​ക​ള​ല്ലേ​യെ​ന്ന് ന്യാ​യാ​ധി​പ​ന്മാ​ർ പ​ല​വ​ട്ടം ആ​ലോ​ചി​ക്കേ​ണ്ട​താ​ണ്. കീ​ഴ്ക്കോ​ട​തി​ക​ളു​ടെ അ​ത്ത​രം പ​രാ​മ​ർ​ശ​ങ്ങ​ൾ സു​പ്രീം​കോ​ട​തി​ക്കു തി​രു​ത്തേ​ണ്ടി​വ​രു​ന്ന​ത് വ്യാ​പ​ക​മ​ല്ലെ​ങ്കി​ലും ഒ​റ്റ​പ്പെ​ട്ട സം​ഭ​വ​മ​ല്ലാ​താ​യി​ട്ടു​ണ്ട്.

മ​ത​പ​രി​വ​ർ​ത്ത​നം ത​ട​ഞ്ഞി​ല്ലെ​ങ്കി​ൽ രാ​ജ്യ​ത്തെ ഭൂ​രി​പ​ക്ഷം ന്യൂ​ന​പ​ക്ഷ​മാ​കു​മെ​ന്ന് അ​ലാ​ഹാ​ബാ​ദ് ഹൈ​ക്കോ​ട​തി ന​ട​ത്തി​യ പ​രാ​മ​ർ​ശ​വും സു​പ്രീം​കോ​ട​തി​ക്കു നീ​ക്കം​ചെ​യ്യേ​ണ്ടി​വ​ന്നി​രി​ക്കു​ന്നു.

ജ​ഡ്ജി​മാ​ർ സം​ഘ​പ​രി​വാ​ർ ഭാ​ഷ​യി​ൽ പ​രാ​മ​ർ​ശ​ങ്ങ​ൾ ന​ട​ത്തു​ന്ന​തും വി​ര​മി​ച്ചാ​ലു​ട​നെ സ​ർ​ക്കാ​ർ വ​ച്ചു​നീ​ട്ടു​ന്ന സ്ഥാ​ന​മാ​ന​ങ്ങ​ൾ ഏ​റ്റെ​ടു​ക്കു​ന്ന​തും രാ​ഷ്‌​ട്രീ​യ പാ​ർ​ട്ടി​ക​ളി​ൽ ചേ​രു​ന്ന​തു​മൊ​ക്കെ നീ​തി​ന്യാ​യ സം​വി​ധാ​ന​ത്തി​ന്‍റെ നി​ഷ്പ​ക്ഷ​ത​യെ​ന്ന പ​ര​മോ​ന്ന​ത മൂ​ല്യ​ത്തെ സം​ശ​യ​നി​ഴ​ലി​ലാ​ക്കു​ന്നു​ണ്ട്.

ജൂ​ലൈ ഒ​ന്നി​നാ​ണ് ഉ​ത്ത​ർ​പ്ര​ദേ​ശി​ലെ നി​ർ​ബ​ന്ധി​ത മ​തം​മാ​റ്റം ത​ട​യ​ൽ നി​യ​മ​പ്ര​കാ​രം അ​റ​സ്റ്റി​ലാ​യ കൈ​ലാ​ഷ് എ​ന്ന​യാ​ൾ​ക്ക് ജാ​മ്യം നി​ഷേ​ധി​ച്ചു​കൊ​ണ്ട് അ​ലാ​ഹാ​ബാ​ദ് ഹൈ​ക്കോ​ട​തി ജ​ഡ്ജി രോ​ഹി​ത് ര​ഞ്ജ​ൻ അ​ഗ​ർ​വാ​ൾ, ഇ​ങ്ങ​നെ പോ​യാ​ൽ ന്യൂ​ന​പ​ക്ഷം ഭൂ​രി​പ​ക്ഷ​മാ​കു​മെ​ന്നു പ​റ​ഞ്ഞ​ത്.

ജാ​മ്യാ​പേ​ക്ഷ പ​രി​ഗ​ണി​ക്കു​ന്പോ​ൾ ഇ​തു​പോ​ലു​ള്ള നി​രീ​ക്ഷ​ണ​ങ്ങ​ൾ പാ​ടി​ല്ലെ​ന്നും ഒ​രു കേ​സി​ലും അ​തു​ണ്ടാ​ക​രു​തെ​ന്നും സു​പ്രീം​കോ​ട​തി വ്യ​ക്ത​മാ​ക്കി. നീ​ണ്ട ക​സ്റ്റ​ഡി കാ​ലാ​വ​ധി പ​രി​ഗ​ണി​ച്ച് കു​റ്റാ​രോ​പി​ത​നു സു​പ്രീം​കോ​ട​തി ജാ​മ്യം അ​നു​വ​ദി​ക്കു​ക​യും ചെ​യ്തു.

പ്ര​തി, ആ​ളു​ക​ളെ ഉ​ത്ത​ർ​പ്ര​ദേ​ശി​ൽ​നി​ന്നു ഡ​ൽ​ഹി​യി​ലെ​ത്തി​ച്ച് മ​ത​പ​രി​വ​ർ​ത്ത​നം ന​ട​ത്തു​ന്നു എ​ന്നാ​യി​രു​ന്നു കേ​സ്. രാ​ജ്യ​ത്തെ ക്രൈ​സ്ത​വ​രു​ടെ ജ​ന​സം​ഖ്യ വ​ർ​ധി​ച്ചി​ട്ടി​ല്ലെ​ന്ന ക​ണ​ക്കു​ക​ൾ നി​ല​വി​ലു​ള്ള​പ്പോ​ഴും മ​ത​പ​രി​വ​ർ​ത്ത​ന നി​രോ​ധ​ന നി​യ​മ​ങ്ങ​ൾ യു​പി​യി​ൽ ഉ​ൾ​പ്പെ​ടെ ദു​രു​പ​യോ​ഗി​ക്ക​പ്പെ​ടു​ക​യാ​ണ്.

ഇ​ക്ക​ഴി​ഞ്ഞ ഓ​ഗ​സ്റ്റി​ൽ ഉ​ത്ത​ർ​പ്ര​ദേ​ശി​ലെ ഖൊ​ര​ക്പു​ർ സ്വ​ദേ​ശി അ​ഭി​ഷേ​ക് ഗു​പ്ത​യും തി​രി​ച്ച​റി​യാ​ത്ത എ​ട്ടു​പേ​രും ചേ​ർ​ന്ന് ബി​ച്ച​പു​ർ ഗ്രാ​മ​ത്തി​ൽ 40 പേ​രെ പ്ര​ലോ​ഭി​പ്പി​ച്ച് മ​ത​പ​രി​വ​ർ​ത്ത​നം ന​ട​ത്തി​യെ​ന്ന ഹി​ന്ദു ജാ​ഗ​ര​ൺ മ​ഞ്ച് യു​വ വാ​ഹി​നി​യു​ടെ പ്ര​വ​ർ​ത്ത​ക​നെ​ന്നു സ്വ​യം വി​ശേ​ഷി​പ്പി​ക്കു​ന്ന ഹി​മാ​ൻ​ഷു പ​ട്ടേ​ലി​ന്‍റെ പ​രാ​തി അ​ടി​സ്ഥാ​ന​ര​ഹി​ത​മാ​ണെ​ന്നു ക​ണ്ടെ​ത്തി​യ ബ​റേ​ലി അ​ഡീ​ഷ​ണ​ൽ സെ​ഷ​ൻ​സ് ജ​ഡ്ജി ജ്ഞാ​നേ​ന്ദ്ര ത്രി​പാ​ഠി കേ​സ് റ​ദ്ദാ​ക്കി​യി​രു​ന്നു.

വ​ർ​ഗീ​യ​ചി​ന്ത​കൊ​ണ്ടോ വ്യ​ക്തി​പ​ര​മാ​യ ശ​ത്രു​ത​കൊ​ണ്ടോ ആ​ർ​ക്കും ദു​രു​പ​യോ​ഗി​ക്കാ​വു​ന്ന സ്ഥി​തി​യി​ലേ​ക്കു മ​ത​പ​രി​വ​ർ​ത്ത​ന നി​രോ​ധ​ന നി​യ​മം ഉ​പ​യോ​ഗി​ക്ക​പ്പെ​ടു​ന്നെ​ന്ന വി​മ​ർ​ശ​ന​മു​ണ്ട്. ഇ​ത്ത​രം സാ​ഹ​ച​ര്യ​ങ്ങ​ൾ നി​ല​വി​ലി​രി​ക്കെ​യാ​ണ് കോ​ട​തി​ക​ൾ​പോ​ലും അ​നാ​വ​ശ്യ പ​രാ​മ​ർ​ശ​ങ്ങ​ൾ ന​ട​ത്തി സ്ഥി​തി വ​ഷ​ളാ​ക്കു​ന്ന​ത്.

ബം​ഗ​ളൂ​രു​വി​ൽ മു​സ്‌​ലിം​ക​ൾ കൂ​ടു​ത​ലാ​യി താ​മ​സി​ക്കു​ന്ന ഗോ​രി പാ​ല്യ എ​ന്ന പ്ര​ദേ​ശ​ത്തെ “പാ​ക്കി​സ്ഥാ​ൻ” എ​ന്നു വി​ശേ​ഷി​പ്പി​ച്ച ക​ർ​ണാ​ട​ക ഹൈ​ക്കോ​ട​തി​യി​ലെ ജ​സ്റ്റീ​സ് വേ​ദ​വ്യാ​സ​ച​ർ ശ്രീ​ശ​ന​ന്ദ​യ്ക്കെ​തി​രേ സു​പ്രീം​കോ​ട​തി​ക്കു നി​ല​പാ​ടെ​ടു​ക്കേ​ണ്ടി​വ​ന്ന​ത് ദി​വ​സ​ങ്ങ​ൾ​ക്കു മു​ന്പാ​ണ്.

ഇ​ന്ത്യ​യി​ലെ ഒ​രു പ്ര​ദേ​ശ​ത്തെ​യും പാ​ക്കി​സ്ഥാ​ൻ എ​ന്നു മു​ദ്ര​കു​ത്താ​നാ​വി​ല്ലെ​ന്നും അ​ത് രാ​ജ്യ​ത്തി​ന്‍റെ അ​ഖ​ണ്ഡ​ത​യെ ബാ​ധി​ക്കു​ന്ന കാ​ര്യ​മാ​ണെ​ന്നും ചീ​ഫ് ജ​സ്റ്റീ​സ് ഡി.​വൈ. ച​ന്ദ്ര​ചൂ​ഡ് അ​ധ്യ​ക്ഷ​നാ​യ അ​ഞ്ചം​ഗ ബെ​ഞ്ച് വ്യ​ക്ത​മാ​ക്കി​യി​രു​ന്നു.

യു​പി മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​നെ “ത​ത്ത്വ​ചി​ന്ത​ക​നാ​യ രാ​ജാ​വ്” എ​ന്നു വാ​ഴ്ത്തി​ക്കൊ​ണ്ട്, ഒ​രു മ​ത​വി​ശ്വാ​സി അ​ധി​കാ​ര​ത്തി​ലി​രി​ക്കു​മ്പോ​ൾ ന​ല്ല ഫ​ല​ങ്ങ​ൾ ഉ​ണ്ടാ​കു​മെ​ന്നു പ​റ​ഞ്ഞ ബ​റേ​ലി​യി​ലെ അ​ഡീ​ഷ​ണ​ൽ സെ​ഷ​ൻ​സ് ജ​ഡ്ജി ര​വി​കു​മാ​ർ ദി​വാ​ക​റി​ന്‍റെ പ​രാ​മ​ർ​ശം ഹൈ​ക്കോ​ട​തി ഒ​ഴി​വാ​ക്കി​യ​ത് ക​ഴി​ഞ്ഞ മാ​ർ​ച്ചി​ലാ​ണ്.

ക​ൽ​ക്ക​ട്ട ഹൈ​ക്കോ​ട​തി ജ​ഡ്ജി അ​ഭി​ജി​ത് ഗം​ഗോ​പാ​ധ്യാ​യ രാ​ജി​വ​ച്ച് തം​ലു​ക് മ​ണ്ഡ​ല​ത്തി​ൽ ബി​ജെ​പി​യു​ടെ സ്ഥാ​നാ​ർ​ഥി​യാ​യ​ത് ഇ​ക്ക​ഴി​ഞ്ഞ ലോ​ക്സ​ഭാ തെ​ര​ഞ്ഞെ​ടു​പ്പി​ൽ അ​പ്ര​തീ​ക്ഷി​ത വാ​ർ​ത്ത​യാ​യി​രു​ന്നു. പ​ക്ഷേ, അ​ദ്ദേ​ഹം രാ​ജ്യ​ത്തെ ന​ടു​ക്കി​യ​ത്, പി​ന്നീ​ട് ഒ​രു ടെ​ലി​വി​ഷ​ൻ പ​രി​പാ​ടി​യി​ൽ ന​ട​ത്തി​യ പ​രാ​മ​ർ​ശ​മാ​ണ്.

ഗാ​ന്ധി - ഗോ​ഡ്‌​സെ ഇ​വ​രി​ല്‍ ആ​രെ തെ​ര​ഞ്ഞെ​ടു​ക്കു​മെ​ന്ന ചോ​ദ്യ​ത്തി​ന് അ​ദ്ദേ​ഹ​ത്തി​ന്‍റെ മ​റു​പ​ടി, ആ​ലോ​ചി​ക്കാ​തെ പ​റ​യാ​നാ​കി​ല്ല എ​ന്നാ​യി​രു​ന്നു! ഗാ​ന്ധി​ജി​യാ​ണോ അ​ദ്ദേ​ഹ​ത്തി​ന്‍റെ ഘാ​ത​ക​നാ​യ ഗോ​ഡ്സെ​യാ​ണോ ത​നി​ക്കു വേ​ണ്ട​പ്പെ​ട്ട​യാ​ൾ എ​ന്നു തീ​രു​മാ​നി​ക്കാ​ൻ പ​റ്റാ​തെ​പോ​യ അ​ദ്ദേ​ഹം ഇ​പ്പോ​ൾ എം​പി​യാ​ണെ​ന്ന​തും മ​റ​ക്ക​രു​ത്.

പ​ല ജ​ഡ്ജി​മാ​രും വി​ര​മി​ച്ചാ​ലു​ട​നെ ബി​ജെ​പി​യി​ൽ ചേ​രു​ന്ന​തും സ​ർ​ക്കാ​രി​ന്‍റെ സ്ഥാ​ന​മാ​ന​ങ്ങ​ൾ ഏ​റ്റെ​ടു​ക്കു​ന്ന​തും അ​പൂ​ർ​വ​മ​ല്ല. കേ​ര​ള​ത്തി​ൽ ഉ​ൾ​പ്പെ​ടെ വി​ര​മി​ച്ച ജ​ഡ്ജി​മാ​ർ ബി​ജെ​പി​യി​ൽ ചേ​ർ​ന്നി​ട്ടു​ണ്ട്.

ഇ​ക്ക​ഴി​ഞ്ഞ ഏ​പ്രി​ലി​ൽ പ്ര​ധാ​ന​മ​ന്ത്രി​ക്ക് വ്യ​ക്തി​പ​ര​മാ​യി എ​ഴു​തി​യ ക​ത്തി​ൽ, സു​പ്രീം​കോ​ട​തി ബാ​ർ അ​സോ​സി​യേ​ഷ​ൻ പ്ര​സി​ഡ​ന്‍റ് ആ​ദി​ഷ് സി. ​അ​ഗ​ർ​വാ​ല, മു​ൻ ജ​ഡ്ജി​മാ​ർ പ​ദ​വി​യൊ​ഴി​ഞ്ഞ് കു​റ​ഞ്ഞ​ത് ര​ണ്ടു വ​ർ​ഷ​മെ​ങ്കി​ലും രാ​ഷ്‌​ട്രീ​യ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ന്ന​തി​ൽ​നി​ന്നു വി​ല​ക്കു​ന്ന​തി​ന് നി​യ​മം കൊ​ണ്ടു​വ​ര​ണ​മെ​ന്ന് പ​റ​ഞ്ഞി​രു​ന്നു.

സം​ഘ​പ​രി​വാ​ർ സം​ഘ​ട​ന​യാ​യ വി​ശ്വ​ഹി​ന്ദു പ​രി​ഷ​ത്തി​ന്‍റെ യോ​ഗ​ത്തി​ൽ സു​പ്രീം​കോ​ട​തി, ഹൈ​ക്കോ​ട​തി മു​ൻ ജ​ഡ്ജി​മാ​രാ​യ മു​പ്പ​തോ​ളം പേ​ർ പ​ങ്കെ​ടു​ത്തെ​ന്ന വാ​ർ​ത്ത വ​ന്ന​തും ഈ ​മാ​സ​മാ​ണ്. സം​ഘ​പ​രി​വാ​റി​നു കോ​ട​തി​ക​ളെ​പ്പോ​ലും സ്വാ​ധീ​നി​ക്കാ​നാ​കു​മെ​ന്ന വി​മ​ർ​ശ​ന​ങ്ങ​ൾ​ക്കി​ടെ​യാ​ണ് വി​എ​ച്ച്പി​യു​ടെ നി​യ​മ​വി​ഭാ​ഗ​മാ​യ ‘വി​ധി പ്ര​കോ​ഷ്ഠി’​ന്‍റെ യോ​ഗ​ത്തി​ൽ വി​ര​മി​ച്ച ന്യാ​യാ​ധി​പ​ർ പ​ങ്കെ​ടു​ത്ത​ത്.

ഭ​രി​ക്കു​ന്ന പാ​ർ​ട്ടി​യോ​ട് ന്യാ​യാ​ധി​പ​ന്മാ​ർ കാ​ണി​ക്കു​ന്ന ആ​വേ​ശോ​ജ്വ​ല​മാ​യ ഈ ​പു​തി​യ ഇ​ഷ്ടം മ​തേ​ത​ര ഇ​ന്ത്യ​ക്കു സം​ശ​യ​ത്തോ​ടെ മാ​ത്ര​മേ വീ​ക്ഷി​ക്കാ​നാ​കൂ. 2014ൽ ​ബി​ജെ​പി അ​ധി​കാ​ര​ത്തി​ലെ​ത്തി​യ​ശേ​ഷം ഏ​റ്റ​വും കൂ​ടു​ത​ൽ ഉ​പ​യോ​ഗി​ക്കേ​ണ്ടി​വ​ന്നി​ട്ടു​ള്ള വാ​ക്കു​ക​ളി​ൽ മ​തേ​ത​ര​ത്വ​മു​ണ്ട്; ഭീ​ഷ​ണി​ത​ന്നെ​യാ​ണ് കാ​ര്യം.

അ​പ്പോ​ഴൊ​ക്കെ ജ​ന​ങ്ങ​ളു​ടെ പ്ര​തീ​ക്ഷ കോ​ട​തി​ക​ളി​ലാ​യി​രു​ന്നു. അ​തും അ​സ്ഥാ​ന​ത്താ​കും എ​ന്ന തോ​ന്ന​ൽ​പോ​ലും ഉ​ണ്ടാ​കാ​ൻ പാ​ടി​ല്ലാ​ത്ത​താ​ണ്. അ​ന്വേ​ഷ​ണ ഏ​ജ​ൻ​സി​ക​ൾ, തി​രു​ത്ത​ൽ ച​രി​ത്ര​കാ​ര​ന്മാ​ർ എ​ന്നി​വ​ർ​ക്കൊ​പ്പം കു​റ​ച്ചെ​ങ്കി​ലും ന്യാ​യാ​ധി​പ​ന്മാ​രും ചേ​രു​ന്ന​ത് ഭ​യ​ത്തോ​ടെ മാ​ത്ര​മേ കാ​ണാ​നാ​കൂ.

ജ​ഡ്ജി​മാ​രു​ടെ വാ​ക്കും പ്ര​വൃ​ത്തി​യും കോ​ട​തി​ക​ളു​ടെ വി​ശ്വാ​സ്യ​ത​യ്ക്കു വ​ധ​ശി​ക്ഷ വി​ധി​ക്ക​രു​തേ​യെ​ന്നു നീ​തി-​ന്യാ​യ സ​മ​ക്ഷം ബോ​ധി​പ്പി​ക്ക​ട്ടെ.