Play Audio

നെ​ഹ്റു​വി​നെ നോ​ക്കി ഇ​ന്ത്യ​യെ ക​ണ്ടെ​ത്താം
Monday, May 27, 2024 12:00 AM IST
1947 ഓഗ​സ്റ്റ് 15ന് ​ജ​വ​ഹ​ർ​ലാ​ൽ നെഹ്‌റു സ്വ​ത​ന്ത്ര ഇ​ന്ത്യ​യു​ടെ പ്ര​ഥ​മ പ്ര​ധാ​ന​മ​ന്ത്രി​യാ​യി. മ​ത​ത്തെ രാ​ഷ്‌​ട്രീ​യ​ത്തി​ൽ കൈ​ക​ട​ത്താ​ൻ അദ്ദേഹം അ​നു​വ​ദിച്ചില്ല. പാ​ക്കി​സ്ഥാ​നു​ൾ​പ്പെ​ടെ നി​ര​വ​ധി രാ​ജ്യ​ങ്ങ​ൾ മ​ത​ഭ്രാ​ന്തി​നാ​ൽ നാ​ശ​ത്തി​ന്‍റെ പാ​ത​യി​ലേ​ക്കു ക​ട​ന്ന​പ്പോ​ൾ ഇ​ന്ത്യ ലോ​ക​ത്തി​നു മു​ന്നി​ൽ ശക്തിപ്പെട്ടു.

ഇ​ന്ത്യ​ക്കാ​ർ ത​ങ്ങ​ളു​ടെ രാ​ജ്യ​ത്തി​ന്‍റെ വീ​ണ്ടെ​ടു​പ്പി​ന്‍റെ​യും സ്വാ​ത​ന്ത്ര്യ​ത്തി​ന്‍റെ​യും ജ​നാ​ധി​പ​ത്യ​ത്തി​ന്‍റെ​യും ഐ​ക്യ​ത്തി​ന്‍റെ​യും പ്ര​ഭ​വ​കേ​ന്ദ്ര​ത്തി​ലേ​ക്കു തി​രി​ഞ്ഞൊ​ന്നു നോ​ക്കി​യാ​ൽ കാ​ണു​ന്ന മു​ഖ​ങ്ങ​ളി​ൽ പ്ര​മു​ഖ​മാ​യ​ത് ര​ണ്ടാ​ണ്; ഗാ​ന്ധി​ജി​യും നെ​ഹ്റു​വും. ഹി​ന്ദു മ​ത​ഭ്രാ​ന്ത​ൻ ഗാ​ന്ധി​ജി​യെ നേ​ർ​ക്കു​നേ​ർ നി​റ​യൊ​ഴി​ച്ചു​കൊ​ന്നു.

നെ​ഹ്റു മ​ര​ണാ​ന​ന്ത​രം വെ​ടി​യേ​റ്റു​കൊ​ണ്ടി​രി​ക്കു​ന്നു. നി​ല​യ്ക്കാ​ത്ത ആ ​വെ​ടി​യൊ​ച്ച​ക​ൾ​ക്കു മ​ധ്യേ രാ​ജ്യം ഇ​ന്ന് നെ​ഹ്റു​വി​ന്‍റെ 60-ാം ച​ര​മ​വാ​ർ​ഷി​കം ആ​ച​രി​ക്കു​ക​യാ​ണ്. യ​ഥാ​ർ​ഥ ഇ​ന്ത്യ​യെ ക​ണ്ടെ​ത്തു​ക​യും രാ​ജ്യ​ത്തി​ന്‍റെ നാ​നാ​ത്വ​ത്തി​ൽ അ​ന്ത​ർ​ലീ​ന​മാ​യി​രു​ന്ന ഏ​ക​ത്വ​ത്തെ പു​റ​ത്തെ​ടു​ക്കു​ക​യും എ​ല്ലാ പൗ​ര​ന്മാ​രെ​യും തു​ല്യ​രാ​യി കാ​ണു​ക​യും വി​വേ​ച​ന​ത്തി​ന്‍റെ ഭാ​വി​സാ​ധ്യ​ത​ക​ളെ ത​ട​യു​ന്നൊ​രു ആ​മു​ഖം ഭ​ര​ണ​ഘ​ട​ന​യി​ൽ എ​ഴു​തി​വ​യ്ക്കു​ക​യും ചെ​യ്ത മ​ഹാ​നു​ഭാ​വാ വ​ന്ദ​നം..!

1889 ന​വം​ബ​ർ 14ന് ​ബ്രി​ട്ടീ​ഷു​കാ​ർ ഇ​ന്ത്യ​യെ അ​ട​ക്കി​വാ​ണി​രു​ന്ന കാ​ല​ത്താ​ണ് അ​ല​ഹാ​ബാ​ദി​ലെ കാ​ഷ്മീ​രി പ​ണ്ഡി​റ്റ് കു​ടും​ബ​ത്തി​ൽ നെ​ഹ്റു ജ​നി​ച്ച​ത്. മോ​ത്തി​ലാ​ൽ നെ​ഹ്റു​വും സ്വ​രൂ​പ് റാ​ണി തു​സു​വു​മാ​യി​രു​ന്നു മാ​താ​പി​താ​ക്ക​ൾ. സ​ന്പ​ന്ന​നാ​യി​രു​ന്ന മോ​ത്തി​ലാ​ൽ സ്വാ​ത​ന്ത്ര്യ​സ​മ​ര​ത്തി​ൽ പ​ങ്കെ​ടു​ക്കു​ക​യും ഇ​ന്ത്യ​ൻ നാ​ഷ​ണ​ൽ കോ​ൺ​ഗ്ര​സി​ന്‍റെ പ്ര​സി​ഡ​ന്‍റാ​യി പ്ര​വ​ർ​ത്തി​ക്കു​ക​യും ചെ​യ്തി​രു​ന്നു.

അ​ദ്ദേ​ഹ​ത്തി​ന്‍റെ പു​ത്ര​നാ​യ നെ​ഹ്റു​വി​നു പ​റ​യാ​ൻ പ​ട്ടി​ണി​ക്ക​ഥ​ക​ളൊ​ന്നും ഉ​ണ്ടാ​യി​രു​ന്നി​ല്ല. കൊ​ട്ടാ​ര​സ​മാ​ന​മാ​യ ആ​ന​ന്ദ​ഭ​വ​നി​ലാ​യി​രു​ന്നു ജ​ന​നം. 1920ക​ളി​ൽ ഗാ​ന്ധി​ജി ഉ​ൾ​പ്പെ​ടെ സ്വാ​ത​ന്ത്ര്യ​സ​മ​ര നേ​താ​ക്ക​ളു​ടെ സം​ഗ​മ​കേ​ന്ദ്ര​മാ​യി മാ​റി​യ വീ​ട് 1930ൽ ​മോ​ത്തി​ലാ​ൽ നെ​ഹ്റു കോ​ൺ​ഗ്ര​സ് പാ​ർ​ട്ടി​ക്കു സം​ഭാ​വ​ന ചെ​യ്തു.

1970ൽ ​ഇ​ന്ദി​രാ​ഗാ​ന്ധി രാ​ഷ്‌​ട്ര​ത്തി​നു സ​മ​ർ​പ്പി​ച്ച ഭ​വ​നം പി​ന്നീ​ട് മ്യൂ​സി​യ​മാ​യി മാ​റി. ബ്രി​ട്ടീ​ഷു​കാ​ർ​ക്കെ​തി​രേ ഗാ​ന്ധി​ജി​യോ​ടൊ​പ്പ​മു​ള്ള നെ​ഹ്റു കു​ടും​ബ​ത്തി​ന്‍റെ പോ​രാ​ട്ട​ങ്ങ​ളും ജ​യി​ൽ​വാ​സ​വും സ്വ​ത​ന്ത്ര ഇ​ന്ത്യ​യി​ലെ പ്ര​ധാ​ന​മ​ന്ത്രി​മാ​രെ​ന്ന നി​ല​യി​ൽ അ​വ​രു​ടെ വി​ക​സ​നോ​ന്മു​ഖ കാ​ഴ്ച​പ്പാ​ടു​ക​ളും ജ​നാ​ധി​പ​ത്യ​ത്തോ​ടും മ​തേ​ത​ര​ത്വ​ത്തോ​ടും പൗ​ര​സ്വാ​ത​ന്ത്ര്യ​ത്തോ​ടു​മു​ള്ള പ്ര​തി​ബ​ദ്ധ​ത​യും ഇ​ന്ദി​ര​യു​ടെ​യും രാ​ജീ​വി​ന്‍റെ​യും ര​ക്ത​സാ​ക്ഷി​ത്വ​വും രാ​ജ്യ​ത്തി​നു മ​റ​ക്കാ​വു​ന്ന​ത​ല്ല.

സ്വാ​ത​ന്ത്ര്യ​സ​മ​ര​ത്തി​ൽ പ​ങ്കെ​ടു​ത്ത പാ​ര​ന്പ​ര്യ​മി​ല്ലാ​ത്ത​വ​ർ​ക്കും മ​ത​ത്തെ വോ​ട്ടി​നു​ള്ള മാ​ർ​ഗ​മാ​ക്കി​യ​വ​ർ​ക്കും മാ​ത്ര​മേ അ​തി​നെ കു​ടും​ബ​വാ​ഴ്ച​യു​ടെ ആ​രോ​പ​ണ​ങ്ങ​ളാ​ൽ ഇ​ക​ഴ്ത്താ​നാ​കൂ. പ​തി​നാ​റാം വ​യ​സി​ൽ ഇം​ഗ്ല​ണ്ടി​ലേ​ക്കു പോ​യ നെ​ഹ്റു ഹാ​രോ സ്കൂ​ളി​ലും കേം​ബ്രി​ഡ്ജി​ലും പ​ഠി​ച്ചു. 1912-ൽ ​ബാ​രി​സ്റ്റ​ർ പ​രീ​ക്ഷ പാ​സ്സാ​യി ഇ​ന്ത്യ​യി​ൽ മ​ട​ങ്ങി​യെ​ത്തി അ​ല​ഹാ​ബാ​ദി​ൽ വ​ക്കീ​ലാ​യി ജോ​ലി ചെ​യ്തു. 1916ൽ ​ക​മ​ല​യെ വി​വാ​ഹം ചെ​യ്തു.

പി​താ​വ് മോ​ത്തി​ലാ​ലി​നൊ​പ്പം കോ​ൺ​ഗ്ര​സി​ലെ പ്ര​വ​ർ​ത്ത​ന​വും വി​പു​ല​മാ​യ വാ​യ​ന​യും എ​ഴു​ത്തും അ​ദ്ദേ​ഹ​ത്തെ വ​ള​ർ​ത്തി. ബ്രി​ട്ടീ​ഷു​കാ​രെ നേ​രി​ട്ടെ​തി​ർ​ക്കാ​ത്ത മി​ത​വാ​ദി​യാ​യി​രു​ന്ന മോ​ത്തി​ലാ​ലി​നെ​ക്കാ​ൾ ഗാ​ന്ധി​ജി​യു​ടെ നി​സ​ഹ​ക​ര​ണ​പ്ര​സ്ഥാ​നം നെ​ഹ്റു​വി​നെ സ്വാ​ധീ​നി​ച്ചു. താ​മ​സി​യാ​തെ മോ​ത്തി​ലാ​ലും നെ​ഹ്റു​വും ഉ​ൾ​പ്പെ​ടെ ഗാ​ന്ധി​ജി​യു​ടെ സ്വാ​ധീ​ന​ത്തി​ലാ​യി.

സു​ഭാ​ഷ് ച​ന്ദ്ര​ബോ​സു​മാ​യി അ​ടു​ത്ത ബ​ന്ധം പു​ല​ർ​ത്തി​യി​രു​ന്നെ​ങ്കി​ലും സ്വാ​ത​ന്ത്ര്യം നേ​ടു​ന്ന​തി​നു​വേ​ണ്ടി ഫാ​സി​സ്റ്റു​ക​ളു​മാ​യി​പ്പോ​ലും കൈ​കോ​ർ​ക്കാ​മെ​ന്ന അ​ദ്ദേ​ഹ​ത്തി​ന്‍റെ കാ​ഴ്ച​പ്പാ​ടി​നോ​ട് നെ​ഹ്റു​വി​നു യോ​ജി​ക്കാ​നാ​യി​ല്ല. ക​ഠി​ന​മാ​യ പ​ല വി​യോ​ജി​പ്പു​ക​ളു​മു​ണ്ടാ​യി​രു​ന്നെ​ങ്കി​ലും സ്വാ​ത​ന്ത്ര്യ​സ​മ​ര നേ​താ​ക്ക​ളി​ൽ ഗാ​ന്ധി​ജി കൂ​ടു​ത​ൽ പ്ര​തീ​ക്ഷ​വ​ച്ച​ത് നെ​ഹ്റു​വി​ലാ​യി​രു​ന്നു.

1942 ജ​നു​വ​രി 25ന് ​എ​ഐ​സി​സി സ​മ്മേ​ള​ന​ത്തി​ൽ ന​ട​ത്തി​യ പ്ര​സം​ഗ​ത്തി​ൽ ഗാ​ന്ധി​ജി പ​റ​ഞ്ഞ​ത്, ""ജ​വ​ഹ​ർ എ​ന്‍റെ പി​ൻ​ഗാ​മി​യാ​യി​രി​ക്കും. ഞാ​ൻ ഇ​ല്ലാ​താ​യാ​ൽ ഞാ​ൻ ചെ​യ്തു​കൊ​ണ്ടി​രു​ന്ന​ത് അ​ദ്ദേ​ഹം തു​ട​രും. അ​പ്പോ​ൾ അ​ദ്ദേ​ഹം എ​ന്‍റെ ഭാ​ഷ​യി​ൽ സം​സാ​രി​ക്കു​ക​യും ചെ​യ്യും.'' നെ​ഹ്റു​വി​നെ ഒ​ഴി​വാ​ക്കി സ്വാ​ത​ന്ത്ര്യ​സ​മ​ര​ത്തി​ന്‍റെ​യോ ആ​ധു​നി​ക ഇ​ന്ത്യ​യു​ടെ​യോ ച​രി​ത്രം എ​ഴു​താ​നാ​വി​ല്ല.

1947 ഓ​ഗ​സ്റ്റ് 15 ന് ​ജ​വ​ഹ​ർ​ലാ​ൽ നെ​ഹ്‌​റു സ്വ​ത​ന്ത്ര ഇ​ന്ത്യ​യു​ടെ പ്ര​ഥ​മ പ്ര​ധാ​ന​മ​ന്ത്രി​യാ​യി. മ​ത​ത്തെ രാ​ഷ്‌​ട്രീ​യ​ത്തി​ൽ കൈ​ക​ട​ത്താ​ൻ അ​ദ്ദേ​ഹം അ​നു​വ​ദി​ച്ചി​ല്ല. പാ​ക്കി​സ്ഥാ​നു​ൾ​പ്പെ​ടെ നി​ര​വ​ധി രാ​ജ്യ​ങ്ങ​ൾ മ​ത​ഭ്രാ​ന്തി​നാ​ൽ നാ​ശ​ത്തി​ന്‍റെ പാ​ത​യി​ലേ​ക്കു ക​ട​ന്ന​പ്പോ​ൾ ഇ​ന്ത്യ ലോ​ക​ത്തി​നു മു​ന്നി​ൽ ശ​ക്തി​പ്പെ​ട്ടു.

വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, സ്റ്റീ​ൽ പ്ലാ​ന്‍റു​ക​ൾ, വ്യ​വ​സാ​യ​ശാ​ല​ക​ൾ, അ​ണ​ക്കെ​ട്ടു​ക​ൾ തു​ട​ങ്ങി​യ​വ​യി​ലൂ​ടെ വി​ക​സ​ന​ത്തി​നു തു​ട​ക്ക​മി​ട്ടു. പ്രാ​ഥ​മി​ക വി​ദ്യാ​ഭ്യാ​സം സൗ​ജ​ന്യ​മാ​ക്കു​ക​യും ഗ്രാ​മ​ങ്ങ​ൾ​തോ​റും വി​ദ്യാ​ല​യ​ങ്ങ​ൾ സ്ഥാ​പി​ക്കു​ക​യും ചെ​യ്തു. പ​ഞ്ച​വ​ത്സ​ര പ​ദ്ധ​തി​ക​ൾ സ​മ​യ​ബ​ന്ധി​ത​മാ​യ വി​ക​സ​ന​ത്തി​നു കു​തി​പ്പാ​യി.

ജ​ന​സം​ഖ്യാ പെ​രു​പ്പ​വും തൊ​ഴി​ലി​ല്ലാ​യ്മ​യും ദാ​രി​ദ്ര്യ​വും തു​ട​ച്ചു​നീ​ക്കാ​നാ​യി​ല്ലെ​ങ്കി​ലും പ​രി​ഹ​രി​ക്കാ​നു​ള്ള ഉ​ജ്വ​ല ശ്ര​മ​ങ്ങ​ളാ​ണ് അ​ദ്ദേ​ഹം ന​ട​ത്തി​യ​ത്. നെ​ഹ്റു മു​ത​ലാ​ളി​ത്ത​ത്തി​ന്‍റെ വ​ക്താ​വാ​ണെ​ന്ന് ഡി.​ഡി. കൊ​സാം​ബി​യെ​പ്പോ​ലു​ള്ള​വ​ർ വി​മ​ർ​ശി​ച്ച​പ്പോ​ൾ വ്യ​വ​സാ​യ​ന​യ​ങ്ങ​ളി​ലൂ​ടെ ഇ​ന്ത്യ​യെ മ​റ്റൊ​രു ക​മ്യൂ​ണി​സ്റ്റ് രാ​ജ്യ​മാ​ക്കാ​നു​ള്ള ശ്ര​മ​മാ​ണെ​ന്ന് അ​ദ്ദേ​ഹ​ത്തി​ന്‍റെ വി​മ​ർ​ശ​ക​നാ​യി​രു​ന്ന സി. ​രാ​ജ​ഗോ​പാ​ലാ​ചാ​രി പ​റ​ഞ്ഞു.

ര​ണ്ടും തെ​റ്റാ​യി​രു​ന്നെ​ന്നു കാ​ലം തെ​ളി​യി​ച്ചു. ശീ​ത​യു​ദ്ധ​കാ​ല​ത്ത് അ​മേ​രി​ക്ക​യും റ​ഷ്യ​യും ഇ​ന്ത്യ​യെ ത​ങ്ങ​ളു​ടെ ഒ​പ്പം നി​ർ​ത്താ​ൻ ശ്ര​മി​ച്ചെ​ങ്കി​ലും നെ​ഹ്റു രാ​ജ്യ​താ​ത്പ​ര്യ​ത്തെ മു​ൻ​നി​ർ​ത്തി ഇ​രു​കൂ​ട്ട​രെ​യും പി​ണ​ക്കാ​തെ ചേ​രി​ച​രാ സ​മീ​പ​നം കൈ​ക്കൊ​ണ്ടു. 1947 ൽ ​വി​ഭ​ജ​ന​കാ​ല​ത്തും 1955ലും 56​ലും 61ലും ​മ​ഹാ​രാ​ഷ്‌​ട്ര​യി​ൽ വെ​ച്ചും നെ​ഹ്‌​റു​വി​നു​നേ​ർ​ക്കു വ​ധ​ശ്ര​മ​ങ്ങ​ളു​ണ്ടാ​യി.

പ​ക്ഷേ സു​ര​ക്ഷ വ​ർ​ധി​പ്പി​ക്കാ​നോ ത​ന്‍റെ യാ​ത്ര​ക​ൾ മൂ​ലം പൊ​തു​ഗ​താ​ഗ​തം ത​ട​സ​പ്പെ​ടു​ത്താ​നോ നെ​ഹ്‌​റു സ​മ്മ​തി​ച്ചി​രു​ന്നി​ല്ല. വി​ഭ​ജ​ന​കാ​ല​ത്ത് ഔ​ദ്യോ​ഗി​ക​വ​സ​തി​യു​ടെ വ​ള​പ്പി​ൽ അ​ദ്ദേ​ഹം അ​ഭ​യാ​ർ​ഥി​ക​ളെ പാ​ർ​പ്പി​ച്ചു. ക​ലാ​പ​ങ്ങ​ൾ ശ​മി​പ്പി​ക്കാ​ൻ തെ​രു​വു​ക​ളി​ൽ നേ​രി​ട്ടി​റ​ങ്ങി. നെ​ഹ്റു​വി​ന്‍റെ സ​മാ​ധാ​ന​ശ്ര​മ​ങ്ങ​ളെ ചൈ​ന പി​ന്നി​ൽ​നി​ന്നു കു​ത്തി​യ​തും ഇ​ന്ത്യ-​ചൈ​ന യു​ദ്ധ​ത്തി​ലെ വീ​ഴ്ച​ക​ളും ഏ​റെ വി​മ​ർ​ശ​ന​ങ്ങ​ൾ ക്ഷ​ണി​ച്ചു​വ​രു​ത്തി.

അ​ദ്ദേ​ഹ​ത്തി​നും അ​ത് വേ​ദ​നാ​ജ​ന​ക​മാ​യി​രു​ന്നു. 1964 മേ​യ് 27ന് ​ഹൃ​ദ​യാ​ഘാ​ത​ത്തെ തു​ട​ർ​ന്ന് അ​ദ്ദേ​ഹം അ​ന്ത​രി​ച്ചു. ഡ​ൽ​ഹി​യി​ൽ യ​മു​നാ​ന​ദി​ക്ക​ര​യി​ലെ ശാ​ന്തി​വ​ന​ത്തി​ൽ മൃ​ത​ദേ​ഹം സം​സ്ക​രി​ക്കു​ന്പോ​ൾ 15 ല​ക്ഷം പേ​രാ​ണ് നെ​ഹ്റു​വി​ന് ആ​ദ​രാ​ഞ്ജ​ലി അ​ർ​പ്പി​ക്കാ​നെ​ത്തി​യ​ത്.

ഏ​തൊ​രു മ​ഹാ​ന്‍റെ​യും ജീ​വി​ത​ത്തെ സൂ​ക്ഷ്മാ​വ​ലോ​ക​നം ചെ​യ്താ​ൽ ന്യൂ​ന​ത​ക​ൾ ക​ണ്ടു​പി​ടി​ക്കാ​നാ​കും. മ​ഹാ​ത്മാ​ഗാ​ന്ധി​യി​ലും നെ​ഹ്റു​വി​ലും അ​തു ക​ണ്ടെ​ത്തി​യി​ട്ടു​ണ്ട്. പ​ക്ഷേ, ചി​ല​ർ അ​തു മാ​ത്ര​മേ കാ​ണു​ന്നു​ള്ളൂ. അ​വ​രു​ടെ അ​ൽ​പ്പ​ത്ത​വും രേ​ഖ​പ്പെ​ടു​ത്താ​ൻ ച​രി​ത്രം ബാ​ക്കി​യു​ണ്ടാ​കും.

ആ​ധു​നി​ക ഇ​ന്ത്യ​യു​ടെ ശി​ൽ​പി​യെ​ന്ന​റി​യ​പ്പെ​ട്ട നെ​ഹ്റു ആ​രാ​യി​രു​ന്നെ​ന്ന് ഇ​നി​യും തി​രി​ച്ച​റി​യാ​ത്ത​വ​ർ അ​വ​മ തി​പ്പി​ന്‍റെ വ്യാ​ഖ്യാ​ന​ങ്ങ​ളു​ണ്ടാ​ക്കു​ക​യ​ല്ല, അ​ദ്ദേ​ഹ​മെ​ഴു​തി​യ പു​സ്ത​ക​ങ്ങ​ളി​ലെ ദ ​ഡി​സ്ക​വ​റി ഓ​ഫ് ഇ​ന്ത്യ, ഗ്ലിം​പ്സ​സ് ഓ​ഫ് വേ​ൾ​ഡ് ഹി​സ്റ്റ​റി, ലെ​റ്റേ​ഴ്സ് ഫ്രം ​എ ഫാ​ദ​ർ ടു ​ഹി​സ് ‍ഡോ​ട്ട​ർ എ​ന്നി​വ​യെ​ങ്കി​ലും വാ​യി​ക്കു​ക​യാ​ണു വേ​ണ്ട​ത്. അ​തി​ലെ വി​ജ്ഞാ​ന​വും ച​രി​ത്ര​ബോ​ധ​വും അ​ത്ത​ര​മൊ​രു പേ​ജു​പോ​ലും എ​ഴു താ​ൻ ശേ​ഷി​യി​ല്ലാ​ത്ത വ്യാ​ജ ബിം​ബ ങ്ങ​ളെ ത​ച്ചു​ട​യ്ക്കും.

""ആ​രെ​ങ്കി​ലും മ​ത​ത്തി​ന്‍റെ പേ​രി​ൽ മ​റ്റൊ​രാ​ളെ അ​ടി​ക്കാ​ൻ കൈ ​ഉ​യ​ർ​ത്തി​യാ​ൽ, സ​ർ​ക്കാ​രി​ന്‍റെ ത​ല​വ​നാ​യും അ​ല്ലാ​തെ​യും എ​ന്‍റെ അ​വ​സാ​ന ശ്വാ​സം വ​രെ ഞാ​ൻ അ​വ​നോ​ട് പോ​രാ​ടും''​എ​ന്നു പ​റ​ഞ്ഞ പ്ര​ധാ​ന​മ​ന്ത്രി ന​മു​ക്ക് ഉ​ണ്ടാ​യി​രു​ന്നു എ​ന്ന് ഓ​ർ​മി​ക്കു​ന്ന​തു​ത​ന്നെ ഇ​ന്നി​പ്പോ​ൾ എ​ത്ര ആ​ശ്വാ​സ​ക​ര​മാ​ണ്.

അ​തേ, ഇ​ന്ത്യ​യെ ക​ണ്ടെ​ത്തി​യ മ​ഹാ​നാ​യി​രു​ന്നു പ​ണ്ഡി​റ്റ് ജ​വ​ഹ​ർ​ലാ​ൽ നെ​ഹ്റു. ആ ​യാ​ഥാ​ർ​ഥ്യ​ത്തെ മ​ലി​ന പ്ര​ള​യ​ത്തി​ൽ മു​ക്കി​ക്ക​ള​യാ​ൻ സ്ഥാ​പി ത ​താ​ത്പ​ര്യ​ങ്ങ​ളു​ടെ ന്യൂ​ന​മ​ർ​ദ​ങ്ങ​ൾ​ക്കു ക​ഴി​യി​ല്ല.

Copyright @ 2022 , Rashtra Deepika Ltd.