കൊ​ല​യാ​ളി​യെ വാ​ഴ്ത്തു​ന്ന​ത​ല്ല സ്വാ​ത​ന്ത്ര്യം
ച​രി​ത്ര​ത്തി​ലെ കി​രാ​ത​സം​ഭ​വ​ത്തി​ൽ ഉ​ത്ത​ര​വാ​ദി​ക​ളാ​യ​വ​രെ വെ​ള്ള പൂ​ശാ​നു​ള്ള ശ്ര​മ​ങ്ങ​ൾ സ്വാ​ത​ന്ത്ര്യ​ത്തി​ന്‍റെ ലേ​ബ​ലി​ൽ കെ​ട്ടി​യെ​ഴു​ന്ന​ള്ളി​ക്കാ​ൻ അ​നു​വ​ദി​ക്ക​രു​ത്. കൊ​ല​യാ​ളി​യെ കൊ​ല​യാ​ളി​യെ​ന്നു വി​ളി​ക്കാ​നു​ള്ള അ​വ​കാ​ശ​മാ​ണ് സ്വാ​ത​ന്ത്ര്യം

ക്രൂ​ര​കൊ​ല​പാ​ത​ക​ങ്ങ​ളും വം​ശ​ഹ​ത്യ​യും പോ​ലു​ള്ള ഹീ​ന​കൃ​ത്യ​ങ്ങ​ൾ ചെ​യ്യു​ന്ന​വ​ർ കാ​ല​മെ​ത്ര ക​ഴി​ഞ്ഞാ​ലും ആ​ദ​രി​ക്ക​പ്പെ​ടു​ന്ന​ത് മ​നു​ഷ്യ​വം​ശ​ത്തോ​ടു​ള്ള വെ​ല്ലു​വി​ളി​യാ​ണ്. നാ​സി​ വം​ശ​ഹ​ത്യ​യി​ൽ പ​ങ്കാ​ളി​യാ​യി​ട്ടു​ള്ള സൈ​നി​ക​നെ അ​റി​ഞ്ഞോ അ​റി​യാ​തെ​യോ ആ​ദ​രി​ച്ച കാ​ന​ഡ ലോ​ക​ത്തി​ന്‍റെ വെ​റു​പ്പ് ഏ​റ്റു​വാ​ങ്ങി​യി​രി​ക്കു​ന്നു. നാം ​ചി​ന്തി​ക്കേ​ണ്ട​ത്, മ​ഹാ​പാ​പ​ങ്ങ​ളെ ന്യാ​യീ​ക​രി​ക്കാ​നു​ള്ള പ്ര​വ​ണ​ത കാ​ന​ഡ​യി​ൽ മാ​ത്ര​മു​ള്ള​താ​ണോ എ​ന്നു​കൂ​ടി​യാ​ണ്.

കു​റ്റ​സ​മ്മ​തം ന​ട​ത്തു​ക​യും ന​ട​പ​ടി​യെ​ടു​ക്കു​ക​യും ചെ​യ്തെ​ങ്കി​ലും ഒ​രു നരാധ​മ​നെ പു​ക​ഴ്ത്തി​യ​തി​ന്‍റെ ക​റ കാ​ന​ഡ​യു​ടെ ച​രി​ത്ര​ത്തി​ലു​ണ്ടാ​കും. ഗോ​ഡ്സെ​യെ ന്യാ​യീ​ക​രി​ച്ച് നോ​വ​ലെ​ഴു​താ​ൻ ആ​ഗ്ര​ഹി​ക്കു​ന്ന​വ​രു​ണ്ടെ​ങ്കി​ൽ അ​വ​ർ​ക്ക് അ​തി​നു​ള്ള സ്വാ​ത​ന്ത്ര്യം ഉ​ണ്ടാ​ക​ണ​മെ​ന്നു പ​റ​ഞ്ഞ മ​ല​യാ​ളി എ​ഴു​ത്തു​കാ​ര​നു​ണ്ട്. ഗാ​ന്ധി​ജി​യു​ടെ ചി​ത്ര​ത്തി​ലേ​ക്കു പ്ര​തീ​കാ​ത്മ​ക​മാ​യി നി​റ​യൊ​ഴി​ക്കു​ക​യും ഗോ​ഡ്സെ​യു​ടെ പ്ര​തി​മ​യി​ൽ ഹാ​രാ​ർ​പ്പ​ണം ന​ട​ത്തു​ക​യും ചെ​യ്ത ഹി​ന്ദു​മ​ഹാ​സ​ഭാ നേ​താ​വു​മു​ണ്ട്. ഇ​ത്ത​രം സ്വാ​ത​ന്ത്ര്യസ​ങ്ക​ൽ​പ്പ​ങ്ങ​ൾ, തീ​വ്ര​ത​യി​ൽ വ്യ​ത്യാ​സ​മു​ണ്ടെ​ങ്കി​ലും കു​റ്റ​കൃ​ത്യ​ങ്ങ​ളെ മ​ഹ​ത്വ​വ​ത്ക​രി​ക്ക​ലാ​ണ്. ഇ​തി​നെ​യൊ​ക്കെ എ​തി​ർ​ക്കു​ന്പോ​ൾ മാ​ത്ര​മാ​ണ് നാ​സി കു​റ്റ​വാ​ളി​യെ ആ​ദ​രി​ച്ച കാ​ന​ഡ​യെ വി​മ​ർ​ശി​ക്കാ​ൻ ന​മു​ക്കു സ്വാ​ത​ന്ത്ര്യ​മു​ണ്ടാ​കു​ന്ന​ത്. മേ​ൽ​പ്പ​റ​ഞ്ഞ സ്വാ​ത​ന്ത്ര്യ​ങ്ങ​ളി​ൽ ഏ​തു വേ​ണ​മെ​ന്ന തെ​ര​ഞ്ഞെ​ടു​പ്പ് ന​മ്മു​ടെ ഭാ​വി​യെ നി​ർ​ണ​യി​ക്കു​ന്ന​താ​ണെ​ന്നും മ​റ​ക്ക​രു​ത്.

യാ​രോ​സ്ലാ​വ് ഹു​ങ്ക എ​ന്ന മു​ൻ നാ​സി സൈ​നി​ക​നെ ക​നേ​ഡി​യ​ൽ പാ​ർ​ല​മെ​ന്‍റി​ൽ ആ​ദ​രി​ച്ച​തി​ന്‍റെ പേ​രി​ലാ​ണ് പു​തി​യ കോ​ലാ​ഹ​ലം. യു​ക്രെ​യ്ൻ പ്ര​സി​ഡ​ന്‍റ് വോ​ളോ​ദി​മി​ർ സെ​ല​ൻ​സ്കി എ​ത്തി​യ​പ്പോ​ഴാ​ണ് സ്പീ​ക്ക​ർ ആ​ന്ത​ണി റോ​ട്ട, ഹു​ങ്ക​യെ പാ​ർ​ല​മെ​ന്‍റി​ലേ​ക്ക് ക്ഷ​ണി​ച്ച​ത്. ഹി​റ്റ്‌ലറു​ടെ കൊ​ല​യാ​ളി സം​ഘ​മാ​യി​രു​ന്ന എ​സ്എ​സി​ന്‍റെ ഉ​പ​വി​ഭാ​ഗ​ത്തി​ൽ പെ​ട്ട സൈ​നി​ക​നാ​യി​രു​ന്നു ഹു​ങ്ക. പോ​ള​ണ്ടു​കാ​ര​നാ​യ അ​യാ​ൾ റ​ഷ്യ​ക്കെ​തി​രാ​യ യു​ക്രെ​യ്ൻ പോ​രാ​ട്ട​ത്തെ പി​ന്തു​ണ​യ്ക്കു​ന്നു എ​ന്ന കാ​ര​ണ​ത്താ​ലാ​ണ് പാ​ർ​ല​മെ​ന്‍റി​ലേ​ക്കു ക്ഷ​ണി​ക്ക​പ്പെ​ട്ട​ത്.

ആ​ന്ത​ണി റോ​ട്ട ഹു​ങ്ക​യെ വീ​ര​നെ​ന്ന് വാ​ഴ്ത്തി​യ​തി​നു​പി​ന്നാ​ലെ പാ​ർ​ല​മെ​ന്‍റ് അം​ഗ​ങ്ങ​ൾ എ​ഴു​ന്നേ​റ്റു​ നി​ന്ന് ബ​ഹു​മാ​നം പ്ര​ക​ടി​പ്പി​ക്കു​ക​യും ചെ​യ്തു. ഹു​ങ്ക​യു​ടെ നാ​സി ബ​ന്ധം പു​റ​ത്തു​വ​ന്ന​തോ​ടെ സ്പീ​ക്ക​ർ മാ​പ്പു പ​റ​ഞ്ഞെ​ങ്കി​ലും പ്ര​ശ്നം അ​വ​സാ​നി​ച്ചി​ല്ല. കൂ​ടു​ത​ൽ ന്യാ​യീ​ക​ര​ണ​ത്തി​നൊ​ന്നും മു​തി​രാ​തെ റോ​ട്ട രാ​ജി​വ​ച്ചു. അ​ല്ലാ​യി​രു​ന്നെ​ങ്കി​ൽ ട്രൂ​ഡോ സ​ർ​ക്കാ​ർ​ത​ന്നെ രാ​ജി​വ​യ്ക്കേ​ണ്ടി​വ​രു​മാ​യി​രു​ന്നെ​ന്നാ​ണ് റി​പ്പോ​ർ​ട്ടു​ക​ൾ.

അ​ർ​ജ​ന്‍റീ​ന​യു​ടെ ത​ല​സ്ഥാ​ന​മാ​യ ബു​വ​നേ​സ് ആ​രീ​സി​ൽ ഹി​റ്റ‌്‌ല​റെ പ്ര​കീ​ർ​ത്തി​ക്കു​ന്ന പു​സ്ത​കം വി​ല്പ​ന​യ്ക്കുവ​ച്ച പ്ര​സാ​ധ​കസ്ഥാ​പ​നം അ​ട​ച്ചു​പൂ​ട്ടേ​ണ്ടി​വ​ന്ന​ത് ഇ​ക്ക​ഴി​ഞ്ഞ 13നാ​ണ്. ഉ​ട​മ​യെ വി​വേ​ച​ന വി​രു​ദ്ധ നി​യ​മ​പ്ര​കാ​രം അ​റ​സ്റ്റ് ചെ​യ്യു​ക​യും ചെ​യ്തു. ഹം​ഗ​റി​യി​ൽ പൊ​തു​മ​രാ​മ​ത്ത് -ഗ​താ​ഗ​ത മ​ന്ത്രി ജാ​നോ​സ് ലാ​സ​ർ വി​വാ​ദ​ത്തി​ൽ പെ​ട്ട​ത് ര​ണ്ടാം ലോ​ക​യു​ദ്ധ​കാ​ല​ത്ത് ഹം​ഗ​റി​യു​ടെ സൈ​നി​കോ​ദ്യോ​ഗ​സ്ഥ​നാ​യി​രു​ന്ന മി​ക്ലോ​സ് ഹോ​ർ​തി​യു​ടെ ച​ര​മ​വാ​ർ​ഷി​ക​ത്തി​ൽ അ​യാ​ളെ പ്ര​ശം​സി​ച്ച​തി​നാ​ണ്.

ഹി​റ്റ്‌ലറു​മാ​യി ബ​ന്ധ​മു​ണ്ടാ​ക്കി ഹം​ഗ​റി​യി​ലെ യ​ഹൂ​ദ​രെ നാ​ടു​ക​ട​ത്താ​നും വ​ധി​ക്കാ​നും വ​ഴി​യൊ​രു​ക്കി​യ നി​യ​മം ന​ട​പ്പാ​ക്കി​യ ആ​ളാ​യി​രു​ന്നു ഹോ​ർ​തി എ​ന്ന​താ​യി​രു​ന്നു കാ​ര​ണം. ഹി​റ്റ്‌ലറു​ടെ നാ​ടാ​യ ജ​ർ​മ​നി​യി​ലു​ൾ​പ്പെ​ടെ നാ​സി​സം തി​രു​ച്ചു​വ​രാ​തി​രി​ക്കാ​ൻ സ​ർ​ക്കാ​രു​ക​ളും സം​ഘ​ട​ന​ക​ളും ജ​ന​ങ്ങ​ളും ജാ​ഗ​രൂ​ക​രാ​ണ്. കാ​ന​ഡ​യി​ലെ സം​ഭ​വ​ത്തി​ൽ 98കാ​ര​നാ​യ ഹു​ങ്ക​യെ വി​ട്ടു​കൊ​ടു​ക്ക​ണ​മെ​ന്ന് പോ​ള​ണ്ട് ആ​വ​ശ്യ​പ്പെ​ട്ടുക​ഴി​ഞ്ഞു. കാ​ന​ഡ വി​ശ​ദീ​ക​ര​ണം ന​ൽ​ക​ണ​മെ​ന്ന് റ​ഷ്യ​യും ആ​വ​ശ്യ​പ്പെ​ട്ടു.

ഗോ​ഡ്സെ​യെ പു​ക​ഴ്ത്തി സം​സാ​രി​ച്ച​തി​ന്‍റെ പേ​രി​ല്‍ പാ​ര്‍​ല​മെ​ന്‍റി​ല്‍ മാ​പ്പ് പ​റ​ഞ്ഞ് മൂ​ന്നു വ​ര്‍​ഷ​ത്തി​ന് ശേ​ഷം വീ​ണ്ടും ഗോ​ഡ്സെ​യെ വാ​ഴ്ത്തി​ക്കൊ​ണ്ട് ബി​ജെ​പി എംപി പ്ര​ഗ്യാ സി​ങ് ഠാ​ക്കൂ​ർ ആ​ജ്ത​കി​ന് അ​ഭി​മു​ഖം ന​ൽ​കി​യ​ത് അ​ടു​ത്ത​ിടെ​യാ​ണ്. മ​ഹാ​ത്മാ​ഗാ​ന്ധി​യു​ടെ ര​ക്ത​സാ​ക്ഷി​ദി​ന​ത്തി​ൽ അ​ദ്ദേ​ഹ​ത്തി​ന്‍റെ ചി​ത്ര​ത്തി​ൽ ഹി​ന്ദു​മ​ഹാ​സ​ഭാ ദേ​ശീ​യ സെ​ക്ര​ട്ട​റി പൂ​ജ ശ​കു​ൻ പാ​ണ്ഡെ പ്ര​തീ​കാ​ത്മ​ക​മാ​യി നി​റ​യൊ​ഴി​ച്ച​ത് 2019ലാ​ണ്. തു​ട​ർ​ന്ന് അ​വ​ർ ഗാ​ന്ധിഘാ​ത​ക​നാ​യ ന​ഥു​റാം ഗോ​ഡ്സെ​യു​ടെ ചി​ത്ര​ത്തി​ൽ പൂ​മാ​ല ചാ​ർ​ത്തു​ക​യും ചെ​യ്തു. എ​ന്നി​ട്ടെ​ന്താ​യി? ഇ​ത്ത​ര​ക്കാ​രൊ​ക്കെ ഇ​പ്പോ​ഴും സ്വൈ​ര​വി​ഹാ​രം ന​ട​ത്തു​ക​യാ​ണ്.

ച​രി​ത്ര​ത്തി​ലെ കി​രാ​ത​സം​ഭ​വ​ങ്ങളിൽ ഉ​ത്ത​ര​വാ​ദി​ക​ളാ​യ​വ​രെ വെ​ള്ള പൂ​ശാ​നു​ള്ള ശ്ര​മ​ങ്ങ​ൾ സ്വാ​ത​ന്ത്ര്യ​ത്തി​ന്‍റെ ലേ​ബ​ലി​ൽ കെ​ട്ടി​യെ​ഴു​ന്ന​ള്ളി​ക്കാ​ൻ അ​നു​വ​ദി​ക്ക​രു​ത്. കൊ​ല​യാ​ളി​യെ കൊ​ല​യാ​ളി​യെ​ന്നു വി​ളി​ക്കാ​നു​ള്ള അ​വ​കാ​ശ​മാ​ണ് സ്വാ​ത​ന്ത്ര്യം; മ​ഹ​ത്വ​വ​ത്ക​രി​ക്കു​ന്ന​ത​ല്ല. അ​ത്ത​രം വ്യാ​ഖ്യാ​ന​ങ്ങ​ളു​മാ​യി വ​രു​ന്ന​വ​രെ ക​രു​തി​യി​രി​ക്കാ​നാ​ണ് കാ​ന​ഡാ സം​ഭ​വം ഓ​ർ​മി​പ്പി​ക്കു​ന്ന​ത്.