നീ​തി​ന്യാ​യ​ത്തി​ലെ തി​രു​ത്തെ​ഴു​ത്തു​ക​ൾ
Saturday, August 5, 2023 1:45 AM IST
അ​​പ​​കീ​​ർ​​ത്തി കേ​​സി​​ൽ ന​​ൽ​​കാ​​വു​​ന്ന പ​​ര​​മാ​​വ​​ധി ശി​​ക്ഷ​​യാ​​യ ര​​ണ്ടു​​ വ​​ർ​​ഷം ത​​ട​​വു ന​​ൽ​​കി​​യ​​തി​​ൽ സു​​പ്രീം​​കോ​​ട​​തി എ​​തി​​ർ​​പ്പ് പ്ര​​ക​​ടി​​പ്പി​​ച്ചു. അ​​ത് രാ​​ഹു​​ലി​​ന്‍റെ പൊ​​തു​​ജീ​​വി​​ത​​ത്തെ​​യും അ​​ദ്ദേ​​ഹ​​ത്തി​​ന്‍റെ ലോ​​ക്സ​​ഭാ മ​​ണ്ഡ​​ല​​മാ​​യ വ​​യ​​നാ​​ടി​​ന്‍റെ പ്ര​​വ​​ർ​​ത്ത​​ന​​ങ്ങ​​ളെ​​യും ബാ​​ധി​​ക്കു​​മെ​​ന്നും കോ​​ട​​തി നി​​രീ​​ക്ഷി​​ച്ചു.‌

ഇ​​ന്ത്യ​ൻ രാ​ഷ്‌​ട്രീ​യ​ത്തെ അ​പ​ച​യ​ത്തി​ന്‍റെ തൊ​ഴു​ത്തി​ൽ കെ​ട്ടാ​നു​ള്ള ശ്ര​മ​ങ്ങ​ൾ​ക്ക് കോ​ട​തി​യും കു​ട​പി​ടി​ക്കു​ക​യാ​ണോ​യെ​ന്ന അ​ട​ക്കം​പ​റ​ച്ചി​ലു​ക​ൾ​ക്കി​ട​യി​ൽ സു​പ്രീം​കോ​ട​തി തി​രു​ത്ത​ൽ ശ​ക്തി​യാ​യി​രി​ക്കു​ന്നു. മോ​ദി പ​രാ​മ​ർ​ശ​ത്തി​ന്‍റെ പേ​രി​ലു​ള്ള അ​പ​കീ​ർ​ത്തി​ക്കേ​സി​ൽ രാ​ഹു​ൽ ഗാ​ന്ധി​ക്ക് പ​ര​മാ​വ​ധി ശി​ക്ഷ ന​ൽ​കി​യ സൂ​റ​ത്ത് കോ​ട​തി​യു​ടെ അ​സാ​ധാ​ര​ണ വി​ധി സു​പ്രീം കോ​ട​തി സ്റ്റേ ​ചെ​യ്തി​രി​ക്കു​ന്നു. ഇ​തോ​ടെ, കീ​ഴ്കോ​ട​തി വി​ധി​യെ തു​ട​ർ​ന്നു ന​ഷ്ട​മാ​യ എം​പിസ്ഥാ​നം രാ​ഹു​ലി​നു തി​രി​കെ ല​ഭി​ക്കും.

രാ​ഷ്‌​ട്രീ​യ എ​തി​രാ​ളി​ക​ളെ നി​ശ​ബ്ദ​രാ​ക്കാ​ൻ അ​ന്വേ​ഷ​ണ ഏ​ജ​ൻ​സി​ക​ളെ ബി​ജെ​പി ഉ​പ​യോ​ഗി​ക്കു​ന്നു​വെ​ന്ന ആ​രോ​പ​ണ​ങ്ങ​ൾ​ക്കി​ടെ​യാ​ണ് ഗു​ജ​റാ​ത്തി​ലെ വി​ചാ​ര​ണ​ക്കോ​ട​തി​യു​ടെ​യും ഹൈ​ക്കോ​ട​തി​യു​ടെ​യും നി​ല​പാ​ടു​ക​ൾ വി​വാ​ദ​ങ്ങ​ളി​ൽ ഇ​ടംപി​ടി​ച്ച​ത്. അ​ത്ത​ര​മൊ​രു കോ​ട​തി​വി​ധി​യെ സു​പ്രീംകോ​ട​തി വി​മ​ർ​ശി​ക്കു​ക​യും മ​ര​വി​പ്പി​ക്കു​ക​യും ചെ​യ്തി​രി​ക്കു​ന്നു. ഇ​തു ബി​ജെ​പി​യു​ടെ​യും കോ​ൺ​ഗ്ര​സി​ന്‍റെ​യും പാ​ർ​ട്ടി​ക്കാ​ര്യ​മാ​യി ഒ​തു​ങ്ങി​ല്ല. കോ​ട​തി​ക​ൾ രാ​ഷ്‌​ട്രീ​യ താ​ത്പ​ര്യ​ങ്ങ​ളു​ടെ ചാ​ല​ക ശ​ക്തി​യാ​കു​ന്ന​തി​നെ​ക്കു​റി​ച്ചു ച​ർ​ച്ച​ക​ൾ ഉ​ണ്ടാ​കു​ന്പോ​ഴൊ​ക്കെ ഈ ​കേ​സ് ഇ​നി​യു​ള്ള കാ​ലം പ​രാ​മ​ർ​ശി​ക്ക​പ്പെ​ടും.

2019 ഏ​പ്രി​ലി​ൽ ക​ർ​ണാ​ട​ക​യി​ലെ കോ​ലാ​റി​ൽ തെ​ര​ഞ്ഞെ​ടു​പ്പു പ്ര​ചാ​ര​ണ യോ​ഗ​ത്തി​ലാ​ണ് മോ​ഷ്ടാ​ക്ക​ൾ​ക്കെ​ല്ലാം മോ​ദി​യെ​ന്ന പേ​ര് എ​ന്തു​കൊ​ണ്ടാ​ണെ​ന്നു രാ​ഹു​ൽ ചോ​ദി​ച്ച​ത്. ഈ ​പ​രാ​മ​ർ​ശ​മാ​ണ് കേ​സി​ന് കാ​ര​ണ​മാ​യ​ത്. ഗു​ജ​റാ​ത്തി​ലെ ബി​ജെ​പി എം​എ​ൽ​എ പൂ​ർ​ണേ​ഷ് മോ​ദി​യാ​ണ് രാ​ഹു​ലി​ന് എ​തി​രെ പ​രാ​തി ന​ൽ​കി​യ​ത്. മാ​ർ​ച്ച് 23ന് ​സൂ​റ​ത്ത് മ​ജി​സ്ട്രേ​റ്റ് കോ​ട​തി ജ​ഡ്ജി എ​ച്ച്. എ​ച്ച്. വ​ർ​മ രാ​ഹു​ലി​ന് ര​ണ്ടു വ​ർ​ഷം ത​ട​വും പി​ഴ​യും വി​ധി​ച്ചു.

ശി​ക്ഷ സ്റ്റേ ​ചെ​യ്യ​ണ​മെ​ന്ന ആ​വ​ശ്യം ഹൈ​ക്കോ​ട​തി​യും ത​ള്ളി​യ​തോ​ടെ​യാ​ണ് രാ​ഹു​ൽ സു​പ്രീം​കോ​ട​തി​യെ സ​മീ​പി​ച്ച​ത്. അ​പ​കീ​ർ​ത്തി കേ​സി​ൽ ന​ൽ​കാ​വു​ന്ന പ​ര​മാ​വ​ധി ശി​ക്ഷ​യാ​യ ര​ണ്ടു​വ​ർ​ഷം ത​ട​വു ന​ൽ​കി​യ​തി​ൽ സു​പ്രീം​കോ​ട​തി എ​തി​ർ​പ്പു പ്ര​ക​ടി​പ്പി​ച്ചു. അ​ത് രാ​ഹു​ലി​ന്‍റെ പൊ​തു​ജീ​വി​ത​ത്തെ​യും അ​ദ്ദേ​ഹ​ത്തി​ന്‍റെ ലോ​ക്സ​ഭാ മ​ണ്ഡ​ല​മാ​യ വ​യ​നാ​ടി​ന്‍റെ പ്ര​വ​ർ​ത്ത​ന​ങ്ങ​ളെ​യും ബാ​ധി​ക്കു​മെ​ന്നും കോ​ട​തി നി​രീ​ക്ഷി​ച്ചു.‌ പ​ര​മാ​വ​ധി ശി​ക്ഷ​യി​ലൂ​ടെ രാ​ഹു​ൽ ഗാ​ന്ധി​യു​ടെ എം​പി സ്ഥാ​നം ഇ​ല്ലാ​താ​ക്കി രാ​ഷ്‌​ട്രീ​യ പ്ര​വ​ർ​ത്ത​നം ത​ട​യു​ക എ​ന്ന ബി​ജെ​പി ല​ക്ഷ്യ​ത്തി​നു സൂ​റ​ത്ത് കോ​ട​തി കൂ​ട്ടു​നി​ന്നു എ​ന്ന ആ​രോ​പ​ണം കോ​ൺ​ഗ്ര​സ് മാ​ത്ര​മാ​യി​രു​ന്നി​ല്ല ഉ​ന്ന​യി​ച്ച​ത്. ആ ​ആ​രോ​പ​ണ​ത്തെ ത​ള്ളി​ക്ക​ള​യു​ന്നി​ല്ല സു​പ്രീം​കോ​ട​തി​യെ​ന്നു വി​ല​യി​രു​ത്തേ​ണ്ടി​വ​രും.

രാ​ഹു​ലി​ന്‍റെ എം​പിസ്ഥാ​നം ഒ​ഴി​വാ​ക്കു​ക​യും തൊ​ട്ടു​പി​ന്നാ​ലെ ഔ​ദ്യോ​ഗി​ക വ​സ​തി​യി​ൽ​നി​ന്ന് അ​ദ്ദേ​ഹ​ത്തെ പു​റ​ത്താ​ക്കു​ക​യും ചെ​യ്ത് വി​ജ​യാ​ഹ്ലാ​ദ​ത്തി​ലാ​യി​രു​ന്ന ബി​ജെ​പി​യു​ടെ ഇ​ര​ട്ട​ച്ച​ങ്കി​ലൊ​രു പ്ര​ഹ​ര​മാ​യി​ട്ടു​ണ്ട് സു​പ്രീംകോ​ട​തി​യു​ടെ സ്റ്റേ. ​ജോ​ഡോ യാ​ത്ര​യി​ലൂ​ടെ​യും ക​ർ​ണാ​ട​ക വി​ജ​യ​ത്തി​ലൂ​ടെ​യും മ​ണി​പ്പു​ർ സ​ന്ദ​ർ​ശ​ന​ത്തി​ലൂ​ടെ​യും ജ​ന​ഹൃ​ദ​യ​ങ്ങ​ളെ കീ​ഴ​ട​ക്കി​യ രാ​ഹു​ൽ, ഗോ​ലി​യാ​ത്തി​ന്‍റെ പോ​ർ​വി​ളി​യു​യ​രു​ന്ന പൊ​തു​തെ​ര​ഞ്ഞെ​ടു​പ്പു ഗോ​ദാ​യി​ൽ ദാ​വീ​ദി​ന്‍റെ പ​രി​വേ​ഷ​മ​ണി​ഞ്ഞി​രി​ക്കു​ന്നു. സു​പ്രീം​കോ​ട​തി​യു​ടെ ഇ​ട​പെ​ട​ൽ പ്ര​തി​പ​ക്ഷ സ​ഖ്യ​മാ​യ "ഇ​ന്ത്യ'​യു​ടെ കു​തി​ക്ക​ലി​ന് കു​തി​ര​ശ​ക്തി​യു​മേ​കി​യി​ട്ടു​ണ്ട്.

പ​ക്ഷേ, ഈ ​കോ​ട​തി​വി​ധി​യു​ടെ ച​രി​ത്ര​പ​ര​മാ​യ പ്രാ​ധാ​ന്യം മ​റ്റൊ​ന്നാ​ണ്. രാ​ഷ്‌​ട്രീ​യ പാ​ർ​ട്ടി​ക​ളു​ടെ​യും, ഭ​ര​ണ​ക​ക്ഷി​ക്കു​വേ​ണ്ടി അ​വ​ർ ആ​ഗ്ര​ഹി​ക്കു​ന്ന​തെ​ല്ലാം ന​ട​ത്തി​ക്കൊ​ടു​ക്കു​ന്ന സ​ർ​ക്കാ​ർ ഏ​ജ​ൻ​സി​ക​ളു​ടെ​യും പാ​ത​യ​ല്ല കോ​ട​തി​ക​ൾ അ​വ​ലം​ബി​ക്കേ​ണ്ട​ത് എ​ന്ന പാ​ഠ​മാ​ണ​ത്. പ്ര​തി​പ​ക്ഷ​വും മാ​ധ്യ​മ​ങ്ങ​ളും നി​യ​മ​വി​ദ​ഗ്ധ​രും ചൂ​ണ്ടി​ക്കാ​ണി​ച്ച കാ​ര്യ​ങ്ങ​ൾ​ത​ന്നെ​യാ​ണ് സു​പ്രീം കോ​ട​തി​യും പ​രി​ഗ​ണി​ച്ചി​രി​ക്കു​ന്ന​ത്. ഈ ​കേ​സി​ൽ താ​ൻ മാ​പ്പു പ​റ​യി​ല്ലെ​ന്ന് സു​പ്രീം കോ​ട​തി​യി​ൽ സ​മ​ർ​പ്പി​ച്ച എ​തി​ർ​സ​ത്യ​വാ​ങ്മൂ​ല​ത്തി​ൽ രാ​ഹു​ൽ വ്യ​ക്ത​മാ​ക്കി​യി​രു​ന്നു. നി​ശ്ച​യ​ദാ​ർ​ഢ്യ​ത്തോ​ടെ​യു​ള്ള ആ ​വാ​ക്കു​ക​ൾ​ക്കു പി​ന്നാ​ലെ​യെ​ത്തി​യ വി​ജ​യം അ​ദ്ദേ​ഹ​ത്തെ കൂ​ടു​ത​ൽ ക​രു​ത്ത​നാ​ക്കി​യി​ട്ടു​ണ്ട്.

പ​പ്പു​വെ​ന്നു വി​ളി​ച്ചും നെ​ഹ്‌​റു​വി​നെ​യും ഇ​ന്ദി​ര​യെ​യും സോ​ണി​യ​യെ​യും ഉ​ൾ​പ്പെ​ടെ​യു​ള്ള കു​ടും​ബാം​ഗ​ങ്ങ​ളെ​യെ​ല്ലാം പ​രി​ഹ​സി​ച്ചും ഒ​ടു​വി​ൽ കേ​സി​ൽ പെ​ടു​ത്തി​യും രാ​ഹു​ൽ ഗാ​ന്ധി​യെ അ​വ​ഹേ​ളി​ക്കാ​നും നി​സാ​ര​വ​ത്ക​രി​ക്കാ​നും ന​ട​ത്തി​യ ശ്ര​മ​ങ്ങ​ളെ​ല്ലാം ബി​ജെ​പി അ​ദ്ദേ​ഹ​ത്തെ ഭ​യ​പ്പെ​ടു​ന്നു​ണ്ടെ​ന്ന​തി​ന്‍റെ ല​ക്ഷ​ണ​മാ​യി​രു​ന്നു. ഒ​ടു​വി​ൽ അ​ദാ​നി​യു​മാ​യി ബ​ന്ധ​പ്പെ​ടു​ത്തി മോ​ദി​യോ​ട് അ​ദ്ദേ​ഹം ആ​വ​ർ​ത്തി​ച്ചു ചോ​ദി​ച്ച ചോ​ദ്യ​ങ്ങ​ൾ ബി​ജെ​പി​യു​ടെ വി​ശ്വാ​സ്യ​ത​യെ വെ​ല്ലു​വി​ളി​ക്കു​ന്ന​താ​യി​രു​ന്നെ​ങ്കി​ലും മോ​ദി​ക്കു മ​റു​പ​ടി ന​ൽ​കാ​നാ​യി​ല്ല.

നി​ർ​ണാ​യ​ക സ​മ​യ​ത്താ​ണ് രാ​ഹു​ലി​ന്‍റെ കോ​ട​തി വി​ജ​യം. തി​ങ്ക​ളാ​ഴ്ച ലോ​ക്സ​ഭ​യി​ലെ​ത്തി​യാ​ൽ മ​ണി​പ്പു​ർ വി​ഷ​യ​ത്തി​ലു​ൾ​പ്പെ​ടെ രാ​ഹു​ൽ ആ​ഞ്ഞ​ടി​ക്കും. വി​ദ്വേ​ഷ​ത്തി​ന്‍റെ ച​ന്ത​യി​ൽ സ്നേ​ഹ​ത്തി​ന്‍റെ ക​ട തു​റ​ക്കു​മെ​ന്ന പ്ര​ഖ്യാ​പ​ന​വു​മാ​യി മു​ന്നേ​റു​ന്ന രാ​ഹു​ലി​ന് വാ​ക്കു​ക​ളി​ൽ കൂ​ടു​ത​ൽ പ​ക്വ​ത കാ​ണി​ക്കാ​നു​ള്ള മു​ന്ന​റി​യി​പ്പു​കൂ​ടി​യാ​ണ് കോ​ട​തി​വി​ധി. ഇ​ന്ന​ലെ ന​ട​ത്തി​യ പ​ത്ര​സ​മ്മേ​ള​ന​ങ്ങ​ളി​ൽ ബി​ജെ​പി​ക്കോ മോ​ദി​ക്കോ എ​തി​രേ ഒ​ര​ക്ഷ​രം പ​റ​യാ​തെ ത​ന്‍റെ രാ​ഷ്‌​ട്ര​ത​ന്ത്ര​ജ്ഞ​ത അ​ദ്ദേ​ഹം പു​റ​ത്തെ​ടു​ത്തു. കോ​ട​തി​യു​ടെ ഇ​ട​പെ​ട​ലി​ന​പ്പു​റം മ​റ്റൊ​രു മ​റു​പ​ടി ന​ൽ​കാ​തെ ത​ത്കാ​ലം ബി​ജെ​പി​യെ രാ​ഹു​ൽ ജ​ന​ങ്ങ​ൾ​ക്കു മു​ന്നി​ലി​ട്ടു​കൊ​ടു​ത്തി​രി​ക്കു​ന്നു.

ഭ​രി​ക്കു​ന്ന​വ​ർ സ​ർ​ക്കാ​രെ​ന്ന കു​തി​ര​പ്പു​റ​ത്താ​യി​രി​ക്കാം. പ​ക്ഷേ, പ്ര​തി​പ​ക്ഷ​വും സ്വ​ത​ന്ത്ര​മാ​യ മാ​ധ്യ​മ​ങ്ങ​ളും അ​ന്വേ​ഷ​ണ ഏ​ജ​ൻ​സി​ക​ളും എ​ല്ലാ​ത്തി​ലു​മു​പ​രി നി​ഷ്പ​ക്ഷ​മാ​യ കോ​ട​തി​ക​ളു​മാ​ണ് ജ​നാ​ധി​പ​ത്യ​ത്തെ അ​ട​യാ​ള​പ്പെ​ടു​ത്തേ​ണ്ട​ത്. അ​തു ബോ​ധ്യ​പ്പെ​ടു​ത്തു​ന്ന​താ​ണ് കീ​ഴ്കോ​ട​തി​യെ തി​രു​ത്തി​യ സു​പ്രീം​കോ​ട​തി വി​ധി. എ​ന്നാ​ൽ, ഗു​ജ​റാ​ത്തി​ലെ കോ​ട​തി​ക​ളു​ടെ മ​നോ​ഭാ​വം രാ​ജ്യ​ത്തെ കൂ​ടു​ത​ൽ കോ​ട​തി​ക​ളി​ലേ​ക്കു വ്യാ​പി​ച്ചാ​ൽ എ​ളു​പ്പ​മാ​കു​മോ സു​പ്രീംകോ​ട​തി​യു​ടെ ഇ​ട​പെ​ട​ലു​ക​ൾ എ​ന്ന ചോ​ദ്യം പ​ല​രും ഉ​ന്ന​യി​ച്ചു​തു​ട​ങ്ങി​യി​ട്ടു​ണ്ട്.
Copyright @ 2022 , Rashtra Deepika Ltd.