ഗോ​വി​ന്ദ​ന്‍റെ ഇ​ര​ട്ട​ത്താ​പ്പും യെ​ച്ചൂ​രി​യു​ടെ തൊ​ലി​ക്ക​ട്ടി​യും
Tuesday, June 13, 2023 11:52 PM IST
സാ​മൂ​ഹി​ക​മാ​ധ്യ​മ​ങ്ങ​ളി​ലൂ​ടെ സ​ർ​ക്കാ​രി​നെ വി​മ​ർ​ശി​ക്കു​ന്ന ജീ​വ​ന​ക്കാ​രെ നി​യ​ന്ത്രി​ക്കാ​ൻ 1960-ലെ ​പെ​രു​മാ​റ്റ​ച്ച​ട്ടം പ​രി​ഷ്ക​രി​ക്കാ​ൻ ഒ​രു​ങ്ങു​ക​യാ​ണ് സം​സ്ഥാ​ന സ​ർ​ക്കാ​രെ​ന്ന​തും മ​റ​ക്ക​രു​ത്. അ​തി​നി​ടെ​യാ​ണ് ഏ​ഷ്യ​നെ​റ്റി​നെ​തി​രേ​യു​ള്ള ഗൂ​ഢാ​ലോ​ച​ന കേ​സ്. ഇ​നി​യെ​ങ്ങ​നെ​യാ​ണ് സി​പി​എ​മ്മി​ന് ബി​ജെ​പി​യെ വി​മ​ർ​ശി​ക്കാ​നാ​കു​ന്ന​ത്?

കേ ​ന്ദ്രം ഭ​രി​ക്കു​ന്ന ബി​ജെ​പി സ​ർ​ക്കാ​രി​നെ മാ​ത്ര​മ​ല്ല, മാ​ധ്യ​മ​സ്വാ​ത​ന്ത്ര്യ​ത്തി​ന്‍റെ പേ​രി​ൽ ആ​ർ​ക്കെ​തി​രേ​യും വി​മ​ർ​ശ​നം ഉ​ന്ന​യി​ക്കാ​നു​ള്ള അ​വ​കാ​ശം സി​പി​എം കൈ​യൊ​ഴി​ഞ്ഞി​രി​ക്കു​ന്നു. മാ​ത്ര​മ​ല്ല, ഫാ​സി​സ​ത്തോ​ടും ഏ​കാ​ധി​പ​ത്യ​ത്തോ​ടും എ​ത്ര ചേ​ർ​ന്നാ​ണ് ത​ങ്ങ​ൾ നി​ൽ​ക്കു​ന്ന​തെ​ന്ന് അ​വ​ർ​ത​ന്നെ വെ​ളി​പ്പെ​ടു​ത്തു​ക​യും ചെ​യ്തു. ഏ​ഷ്യാ​നെ​റ്റ് റി​പ്പോ​ർ​ട്ട​ർ​ക്കെ​തി​രേ സ​ർ​ക്കാ​രെ​ടു​ത്തി​രി​ക്കു​ന്ന കേ​സ് അ​റി​ഞ്ഞി​ട​ത്തോ​ളം അ​സം​ബ​ന്ധ​മാ​ണ്. ഒ​രു കോ​ള​ജി​ന്‍റെ ഔ​ദ്യോ​ഗി​ക വെ​ബ്സൈ​റ്റി​ലെ വി​വ​ര​ങ്ങ​ൾ വാ​ർ​ത്ത​യി​ലെ​ത്തി​ക്കു​ക മാ​ത്ര​മാ​ണ് റി​പ്പോ​ർ​ട്ട​ർ ചെ​യ്ത​ത്. സി​പി​എം അ​തി​ന്‍റെ ജ​നാ​ധി​പ​ത്യ മേ​ക്ക​പ്പു​ക​ൾ ക​ഴു​കി​ക്ക​ള​ഞ്ഞ് സ​ർ​വാ​ധി​പ​ത്യ മു​ഖം പ്ര​ദ​ർ​ശി​പ്പി​ക്കു​ന്ന കാ​ഴ്ച​യാ​ണ് കേ​ര​ളം കാ​ണു​ന്ന​ത്. പ​ക്ഷേ, അ​തേ​ക്കു​റി​ച്ച് ഒ​ര​ക്ഷ​രം മി​ണ്ടാ​ത്ത പാ​ർ​ട്ടി ജ​ന​റ​ൽ സെ​ക്ര​ട്ട​റി മാ​ധ്യ​മ സ്വാ​ത​ന്ത്ര്യ​ത്തി​ന്‍റെ പേ​രി​ൽ മോ​ദി​യെ കു​റ്റ​പ്പെ​ടു​ത്തു​ന്ന ഡ​ൽ​ഹി ഷോ​യും രാ​ജ്യം ക​ണ്ടു. എ​ന്തൊ​രു തൊ​ലി​ക്ക​ട്ടി!

എ​സ്എ​ഫ്ഐ സം​സ്ഥാ​ന സെ​ക്ര​ട്ട​റി പി.​എം. ആ​ര്‍​ഷോ എ​ഴു​താ​ത്ത പ​രീ​ക്ഷ ജ​യി​ച്ചെ​ന്ന് എ​റ​ണാ​കു​ളം മ​ഹാ​രാ​ജാ​സ് കോ​ള​ജി​ന്‍റെ വെ​ബ്സൈ​റ്റി​ലു​ള്ള​ത് റി​പ്പോ​ർ​ട്ട് ചെ​യ്ത​താ​ണ് കു​റ്റം. അ​തി​ന്‍റെ ഭാ​ഗ​മാ​യി റി​പ്പോ​ർ​ട്ട​ർ ന​ട​ത്തി​യ ഫോ​ൺ വി​ളി​ക​ളാ​ണ് ഗൂ​ഢാ​ലോ​ച​ന കേ​സി​ന്‍റെ ആ​ധാ​രം. അ​ങ്ങ​നെ​യ​ല്ലേ എ​ല്ലാ റി​പ്പോ​ർ​ട്ട​ർ​മാ​രും വാ​ർ​ത്ത ശേ​ഖ​രി​ക്കു​ന്ന​ത്? ഇ​തെ​ത്ര പ​രി​ഹാ​സ്യ​മാ​ണെ​ന്ന് സി​പി​എ​മ്മി​ന് ഇ​നി​യും മ​ന​സി​ലാ​കാ​ഞ്ഞി​ട്ട​ല്ല പാ​ർ​ട്ടി സം​സ്ഥാ​ന സെ​ക്ര​ട്ട​റി റി​പ്പോ​ർ​ട്ട​ർ​ക്കെ​തി​രേ​യു​ള്ള ഗൂ​ഢാ​ലോ​ച​ന​ക്കേ​സി​നെ ന്യാ​യീ​ക​രി​ക്കു​ന്ന​തും സ​ർ​ക്കാ​ർ-​എ​സ്എ​ഫ്ഐ വി​രു​ദ്ധ പ്ര​ചാ​ര​ണ​വു​മാ​യി മാ​ധ്യ​മ​ങ്ങ​ളു​ടെ പേ​രി​ൽ ന​ട​ന്നാ​ൽ കേ​സെ​ടു​ക്കു​മെ​ന്ന​തി​ൽ സം​ശ​യം വേ​ണ്ടെ​ന്നു ഭീ​ഷ​ണി മു​ഴ​ക്കു​ന്ന​തും. ഇ​തു മാ​ധ്യ​മ​സ്വാ​ത​ന്ത്ര്യ​ത്തെ അ​ടി​ച്ച​മ​ർ​ത്ത​ല​ല്ലെ​ങ്കി​ൽ പി​ന്നെ​ന്താ​ണെ​ന്ന് താ​ത്വി​ക അ​വ​ലോ​ക​നം മാ​റ്റി​വ​ച്ച് സാ​ധാ​ര​ണ​ക്കാ​ർ​ക്കു മ​ന​സി​ലാ​കു​ന്ന ഭാ​ഷ​യി​ലൊ​ന്നു പ​റ​ഞ്ഞാ​ലെ​ന്താ?

ബി​ജെ​പി​യു​ടെ അ​ഴി​മ​തി വി​രു​ദ്ധ പോ​രാ​ട്ടം സ്വ​ന്തം പാ​ർ​ട്ടി​ക്കാ​രി​ലേ​ക്കോ മ​റ്റു പാ​ർ​ട്ടി​ക​ളി​ൽ​നി​ന്നു കൂ​റു​മാ​റി​യെ​ത്തു​ന്ന​വ​രി​ലേ​ക്കോ കാ​ര്യ​മാ​യി എ​ത്താ​റി​ല്ല. കേ​ര​ള​ത്തി​ലും ഇ​താ​ണോ ന​ട​ക്കു​ന്ന​ത്? മോ​ൻ​സൻ മാ​വു​ങ്ക​ലു​മാ​യി ബ​ന്ധ​പ്പെ​ട്ടാ​ണ് കോ​ൺ​ഗ്ര​സ് പ്ര​സി​ഡ​ന്‍റ് കെ. ​സു​ധാ​ക​ര​നെ​തി​രേ കേ​സെ​ടു​ത്ത​ത്. മ​ന്ത്രി റോ​ഷി അ​ഗ​സ്റ്റി​ന്‍, മു​ന്‍​മ​ന്ത്രി വി.​എ​സ്. സു​നി​ല്‍​കു​മാ​ര്‍, മു​ന്‍ ഡി​ജി​പി ലോ​ക്‌​നാ​ഥ് ബെ​ഹ്‌​റ, ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​ര്‍ തു​ട​ങ്ങി​യ​വ​ര്‍​ക്കൊ​പ്പ​മു​ള്ള മോ​ൻ​സ​ന്‍റെ ചി​ത്ര​ങ്ങ​ളും പു​റ​ത്തു​വ​ന്നി​രു​ന്നു. എ​ന്നാ​ല്‍ ഇ​വ​ര്‍​ക്കെ​തി​രേ പ്രാ​ഥ​മി​ക അ​ന്വേ​ഷ​ണം​പോ​ലും ഉ​ണ്ടാ​യി​ട്ടി​ല്ല. നി​ല​പാ​ടു​ക​ൾ​ക്കു വി​ശ്വാ​സ്യ​ത​യു​ണ്ടാ​കേ​ണ്ട​ത​ല്ലേ?

ക​ർ​ഷ​ക​സ​മ​രം റി​പ്പോ​ർ​ട്ട് ചെ​യ്യു​ന്ന​വ​രു​ടെ​യും സ​ർ​ക്കാ​രി​നെ വി​മ​ർ​ശി​ക്കു​ന്ന​വ​രു​ടെ​യും അ​ക്കൗ​ണ്ടു​ക​ൾ ബ്ലോ​ക്കു ചെ​യ്യ​ണ​മെ​ന്നും അ​ല്ലാ​ത്ത​പ​ക്ഷം ഇ​ന്ത്യ​യി​ൽ ട്വി​റ്റ​ർ നി​രോ​ധി​ക്കു​മെ​ന്നും ജീ​വ​ന​ക്കാ​രു​ടെ വീ​ടു​ക​ൾ റെ​യ്ഡ് ചെ​യ്യു​മെ​ന്നും കേ​ന്ദ്ര​സ​ർ​ക്കാ​ർ ഭീ​ഷ​ണി​പ്പെ​ടു​ത്തി​യെ​ന്ന് ട്വി​റ്റ​ർ സ​ഹ​സ്ഥാ​പ​ക​നും മു​ൻ സി​ഇ​ഒ​യു​മാ​യ ജാ​ക് ഡോ​ർ​സി യു​ട്യൂ​ബ് ചാ​ന​ലി​ൽ വെ​ളി​പ്പെ​ടു​ത്തി​യ​ത് ഇ​ന്ന​ലെ​യാ​ണ്. ജാ​ക്ക് ഡോ​ർ​സി ക​ള്ളം പ​റ​യു​ക​യാ​ണെ​ന്നാ​ണ് കേ​ന്ദ്ര ഐ​ടി സ​ഹ​മ​ന്ത്രി രാ​ജീ​വ് ച​ന്ദ്ര​ശേ​ഖ​ർ ട്വി​റ്റ​റി​ലൂ​ടെ ഇ​തി​നോ​ടു പ്ര​തി​ക​രി​ച്ച​ത്.

രാ​ജ്യ​ത്തെ സ്വ​ത​ന്ത്ര മാ​ധ്യ​മ​പ്ര​വ​ർ​ത്ത​നം കെ​ട്ടു​കാ​ഴ്ച​യാ​ക്കി​യ കേ​ന്ദ്ര​സ​ർ​ക്കാ​രി​ന്‍റെ ഭാ​ഗ​മാ​യി​രു​ന്ന് അ​തി​നെ ന്യാ​യീ​ക​രി​ക്കു​ന്ന, ഏ​ഷ്യാ​നെ​റ്റി​ന്‍റെ ചെ​യ​ർ​മാ​ൻ കൂ​ടി​യാ​യി​രു​ന്ന അ​ദ്ദേ​ഹ​ത്തി​ന് ഇ​പ്പോ​ഴി​താ ഏ​ഷ്യാ​നെ​റ്റ് റി​പ്പോ​ർ​ട്ട​ർ​ക്കെ​തി​രേ​യു​ള്ള കേ​ര​ള സ​ർ​ക്കാ​ർ ന​ട​പ​ടി​യെ വി​മ​ർ​ശി​ക്കേ​ണ്ടി വ​ന്നി​രി​ക്കു​ന്നു. ഇ​തേ ഇ​ര​ട്ട​ത്താ​പ്പാ​ണ് ബി​ബി​സി​യു​ടെ മാ​ധ്യ​മ​സ്വാ​ത​ന്ത്ര്യ​ത്തി​നു​വേ​ണ്ടി ക​ണ്ണീ​രൊ​ഴു​ക്കു​ക​യും സ്വ​ന്തം നാ​ട്ടി​ലെ മാ​ധ്യ​മ​പ്ര​വ​ർ​ത്ത​ക​രോ​ടു ക​ട​ക്കൂ പു​റ​ത്തെ​ന്നു പ​റ​യു​ക​യും ചെ​യ്യു​ന്ന സി​പി​എ​മ്മി​ന്‍റേ​തും. സ്വ​ന്തം പാ​ർ​ട്ടി ന​ഗ്ന​രാ​യി നി​ൽ​ക്കു​ന്പോ​ഴാ​ണ് ബി​ജെ​പി​ക്ക് ഓ​വ​ർ​ക്കോ​ട്ട് ത​യ്പി​ക്കാ​ൻ യെ​ച്ചൂ​രി ത​യ്യ​ൽ​ക്ക​ട ത​പ്പു​ന്ന​ത്.

2022ൽ ​ആ​ഗോ​ള മാ​ധ്യ​മ​സ്വാ​ത​ന്ത്ര്യ സൂ​ചി​ക​യി​ൽ 180ൽ 150-ാം ​സ്ഥാ​ന​ത്തേ​ക്ക് ഇ​ന്ത്യ അ​ധഃ​പ​തി​ച്ച​പ്പോ​ഴും ക​ഴി​ഞ്ഞ ​ന​വം​ബ​റി​ൽ എ​റ​ണാ​കു​ളം റെ​സ്റ്റ് ഹൗ​സി​ൽ കൈ​ര​ളി, മീ​ഡി​യ വ​ൺ റി​പ്പോ​ർ​ട്ട​ർ​മാ​രെ കേ​ര​ള ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ൻ വാ​ർ​ത്താ​സ​മ്മേ​ള​ന​ത്തി​ൽ​നി​ന്നു പു​റ​ത്താ​ക്കി​യ​പ്പോ​ഴും മാ​ധ്യ​മ​ങ്ങ​ൾ പ്ര​തി​ഷേ​ധി​ക്കു​ക​യും മു​ഖ​പ്ര​സം​ഗ​ങ്ങ​ളെ​ഴു​തു​ക​യും ചെ​യ്തി​രു​ന്നു. അ​പ്പോ​ഴൊ​ന്നും കാ​ണാ​തി​രു​ന്ന കു​റ്റം ഇ​പ്പോ​ൾ പാ​ർ​ട്ടി​യെ വി​മ​ർ​ശി​ച്ച​പ്പോ​ൾ സി​പി​എം കാ​ണു​ന്നു​ണ്ടെ​ങ്കി​ൽ അ​ത് അ​വ​രു​ടെ മാ​ത്രം കു​ഴ​പ്പ​മാ​ണ്. സാ​മൂ​ഹി​ക​മാ​ധ്യ​മ​ങ്ങ​ളി​ലൂ​ടെ സ​ർ​ക്കാ​രി​നെ വി​മ​ർ​ശി​ക്കു​ന്ന ജീ​വ​ന​ക്കാ​രെ നി​യ​ന്ത്രി​ക്കാ​ൻ 1960ലെ ​പെ​രു​മാ​റ്റ​ച്ച​ട്ടം പ​രി​ഷ്ക​രി​ക്കാ​ൻ ഒ​രു​ങ്ങു​ക​യാ​ണ് സം​സ്ഥാ​ന സ​ർ​ക്കാ​രെ​ന്ന​തും മ​റ​ക്ക​രു​ത്.

അ​തി​നി​ടെ​യാ​ണ് ഏ​ഷ്യ​നെ​റ്റി​നെ​തി​രേ​യു​ള്ള ഗൂ​ഢാ​ലോ​ച​ന കേ​സ്. ഇ​നി​യെ​ങ്ങ​നെ​യാ​ണ് സി​പി​എ​മ്മി​ന് ബി​ജെ​പി​യെ വി​മ​ർ​ശി​ക്കാ​നാ​കു​ന്ന​ത്? മാ​ധ്യ​മ​സ്വാ​ത​ന്ത്ര്യ​ത്തി​നെ​തി​രേ​യു​ള്ള ത​ങ്ങ​ളു​ടെ ന​ട​പ​ടി​ക​ളെ ന്യാ​യീ​ക​രി​ക്കാ​ൻ ബി​ജെ​പി ഉ​പ​യോ​ഗി​ക്കാ​നി​രി​ക്കു​ന്ന ആ​യു​ധ​ങ്ങ​ളി​ൽ ഇ​നി​മു​ത​ൽ സി​പി​എ​മ്മി​ന്‍റെ ഇ​പ്പോ​ഴ​ത്തെ ന​ട​പ​ടി​യു​മു​ണ്ടാ​കു​മെ​ന്ന​ത് എ​ത്ര അ​പ​മാ​ന​ക​ര​മാ​ണ്? സി​പി​എം സ്വ​യം വാ​രി​പ്പു​ര​ട്ടി​യ അ​ഴു​ക്കാ​ണി​ത്; ഫാ​സി​സ​ത്തി​ന്‍റെ അ​ഴു​ക്ക്.

മാ​ധ്യ​മ​ങ്ങ​ൾ മു​ഖ​പ്ര​സം​ഗ​മെ​ഴു​തി​യാ​ൽ നി​ല​പാ​ടു മാ​റ്റു​മോ ഇ​ല്ല​യോ എ​ന്ന​ത് സി​പി​എ​മ്മി​ന്‍റെ​യും സെ​ക്ര​ട്ട​റി​യു​ടെ​യും സ്വാ​ത​ന്ത്ര്യ​മാ​ണ്. പ​ക്ഷേ, നി​ങ്ങ​ളോ​ടു​ള്ള നി​ല​പാ​ട് മാ​റ്റാ​ൻ ജ​ന​ങ്ങ​ൾ​ക്കു​മു​ണ്ട് സ്വാ​ത​ന്ത്ര്യം; മ​റ​ക്ക​ണ്ട.