കു​ട്ടി​ക​ളെ ചേ​ർ​ത്തു​നി​ർ​ത്തി ആ​ത്മ​വി​ശ്വാ​സം പ​ക​രാം
കു​ട്ടി​ക​ളി​ൽ ആ​ത്മ​വി​ശ്വാ​സ​വും ധൈ​ര്യ​വും വ​ള​ർ​ത്തു​ന്ന​തി​നു​ള്ള ന​ട​പ​ടി​ക​ൾ വി​ദ്യാ​ഭ്യാ​സ​ത്തി​ന്‍റെ ഭാ​ഗ​മാ​യി ഉ​ണ്ടാ​ക​ണം. ഭാ​വി​യി​ലെ പ്ര​ശ്ന​ങ്ങ​ളും മു​ന്നി​ൽ​ക്ക​ണ്ട് കു​ട്ടി​ക​ളു​ടെ സ​മ​ഗ്ര​മാ​യ മാ​ന​സി​കാ​രോ​ഗ്യ​ വ​ള​ർ​ച്ച​യ്ക്ക് ആ​വ​ശ്യ​മാ​യ പ​ദ്ധ​തി​ക​ൾ ആ​വി​ഷ്ക​രി​ക്ക​ണം.

കോ​വി​ഡ്-19 പോ​ലെ മ​നു​ഷ്യ​ജീ​വി​ത​ത്തി​ന്‍റെ താ​ളം​തെ​റ്റി​ച്ച ഒ​രു സം​ഭ​വം ഇ​ന്ന​ത്തെ ത​ല​മു​റ​യു​ടെ ഓ​ർ​മ​യി​ൽ വേ​റെ​യു​ണ്ടാ​വി​ല്ല. ജീ​വി​ത​ത്തോ​ടു​ള്ള മ​നോ​ഭാ​വ​വും സ​മീ​പ​ന​വു​മെ​ല്ലാം കു​റേ​യെ​ങ്കി​ലും മാ​റ്റാ​ൻ മ​ഹാ​മാ​രി​യു​ടെ പ്ര​ത്യാ​ഘാ​ത​ങ്ങ​ൾ എ​ല്ലാ​വ​രെ​യും ത​ന്നെ നി​ർ​ബ​ന്ധി​ത​രാ​ക്കി. കോ​വി​ഡി​നെ തു​ട​ർ​ന്നു​ള്ള സാ​ന്പ​ത്തി​ക പ​രാ​ധീ​ന​തക​ളും പ്രാ​രാ​ബ്ധ​ങ്ങ​ളും ആ​ബാ​ല​വൃ​ദ്ധം ജ​ന​ങ്ങ​ളെ​യും ബാ​ധി​ച്ചു. ചി​ല​ർ​ക്കു ജീ​വി​ത​ത്തി​ന്‍റെ മു​ന്നോ​ട്ടു​പോ​ക്കു​ത​ന്നെ പ്ര​തി​സ​ന്ധി​യി​ലാ​യി. അ​തി​ന്‍റെ പി​രി​മു​റു​ക്ക​ങ്ങ​ൾ കു​ടും​ബ​ങ്ങ​ളി​ലും പ്ര​തി​ഫ​ലി​ച്ച​പ്പോ​ൾ കു​ട്ടി​ക​ൾ​ക്കും അ​തി​ലൊ​രു പ​ങ്ക് ഏ​റ്റു​വാ​ങ്ങേ​ണ്ടി​വ​ന്നു. കോ​വി​ഡ് കാ​ലം കു​ട്ടി​ക​ളെ പ​ല​വി​ധ മാ​ന​സി​ക സ​മ്മ​ർ​ദ​ങ്ങ​ൾ​ക്കു വി​ധേ​യ​രാ​ക്കി​യെ​ന്നു മ​നഃ​ശാ​സ്ത്ര വി​ദ​ഗ്ധ​ർ വി​ല​യി​രു​ത്തി​യി​ട്ടു​ണ്ട്. പ​ല​ർ​ക്കും ജീ​വി​തംത​ന്നെ മ​ടു​ത്ത അ​വ​സ്ഥ​യു​ണ്ടാ​യി. 2020 മാ​ർ​ച്ച് 25 മു​ത​ൽ ജൂ​ലൈ ഒ​ന്പ​തു​വ​രെ 18 വ​യ​സി​നു താ​ഴെ​യു​ള്ള 66 കുട്ടി​ക​ൾ ജീ​വ​നൊ​ടു​ക്കി​യെ​ന്ന ഞെ​ട്ടി​ക്കു​ന്ന വാ​ർ​ത്ത​യാ​ണു പു​റ​ത്തു​വ​ന്നി​രി​ക്കു​ന്ന​ത്.

കേ​ര​ള​ത്തി​ൽ ലോ​ക്ക്ഡൗ​ണ്‍ കാ​ല​ത്തും അ​തി​നു​ശേ​ഷ​വും കു​ട്ടി​ക​ൾ​ക്കു നേ​രി​ടേ​ണ്ടി​വ​ന്ന മാ​ന​സി​ക സ​മ്മ​ർ​ദ​ത്തെ​ക്കു​റി​ച്ചു യൂ​ണി​സെ​ഫി​ന്‍റെ ആ​ഭി​മു​ഖ്യ​ത്തി​ൽ പ​ഠ​നം ന​ട​ക്കു​ന്നു​ണ്ട്്. കു​ട്ടി​ക​ളു​ടെ ആ​ത്മ​ഹ​ത്യ​യെ​ക്കു​റി​ച്ചു പ​ഠി​ക്കാ​ൻ സം​സ്ഥാ​ന സ​ർ​ക്കാ​ർ ഡി​ജി​പി ആ​ർ. ശ്രീ​ലേ​ഖ​യു​ടെ നേ​തൃ​ത്വ​ത്തി​ൽ സ​മി​തി രൂ​പ​വ​ത്ക​രി​ച്ചു. ഇ​ത്ത​രം പ​ഠ​ന​ങ്ങ​ളു​ടെ ഗു​ണ​ഫ​ലം കു​ട്ടി​ക​ളി​ലെ​ത്തു​ക​യും അ​തി​ന്‍റെ പ്ര​യോ​ജ​നം സ​മൂ​ഹ​ത്തി​നു ല​ഭി​ക്കു​ക​യും ചെ​യ്യു​മെ​ന്നു പ്ര​തീ​ക്ഷി​ക്കാം.

ഭൗ​തി​ക​രം​ഗ​ത്തു വ​ലി​യ വി​ക​സ​നം നേ​ടി​യെ​ന്ന് അ​വ​കാ​ശ​പ്പെ​ടു​ന്പോ​ഴും ഇ​ന്ന​ത്തെ സ​മൂ​ഹ​ത്തി​ന്‍റെ മാ​ന​സി​കാ​രോ​ഗ്യം അ​തി​ന​നു​സ​രി​ച്ചു വ​ള​ർ​ന്നി​ട്ടു​ണ്ടോ​യെ​ന്ന സം​ശ​യം അ​സ്ഥാ​ന​ത്ത​ല്ല. ഈ ​വ​ള​ർ​ച്ച​ക്കു​റ​വി​ന്‍റെ ചി​ല ല​ക്ഷ​ണ​ങ്ങ​ളാ​ണു സ​മൂ​ഹ​ത്തി​ന്‍റെ പ​രി​ച്ഛേ​ദ​മാ​യ കു​ട്ടി​ക​ളി​ലും കാ​ണു​ന്ന​ത്. സം​സ്ഥാ​ന​ത്തു കോ​വി​ഡ് മ​ര​ണ​ത്തേ​ക്കാ​ൾ കൂ​ടു​ത​ൽ ജീ​വ​ന​ഷ്ട​ങ്ങ​ൾ കു​ട്ടി​ക​ളു​ടെ ആ​ത്മ​ഹ​ത്യ മൂ​ല​മു​ണ്ടാ​യി എ​ന്ന​ത് എ​ല്ലാ​വ​രേ​യും ഇ​രു​ത്തി​ച്ചി​ന്തി​പ്പി​ക്ക​ണം. മ​റ്റു​ള്ള​വ​ർ കേ​ട്ടാ​ൽ ചി​രി​ക്കു​ന്ന നി​സാ​ര​പ്ര​ശ്ന​ങ്ങ​ൾ​ക്കാ​ണ് ഇ​ന്നു പ​ല​രും ആ​ത്മ​ഹ​ത്യ​യി​ലൂ​ടെ പ​രി​ഹാ​രം ക​ണ്ടെ​ത്താ​ൻ ശ്ര​മി​ക്കു​ന്ന​ത്. പ​രീ​ക്ഷ​യി​ൽ തോ​റ്റെ​ന്നു കേ​ട്ടാ​ലു​ട​ൻ കു​ട്ടി​ക​ൾ ജീ​വ​നൊ​ടു​ക്കാ​ൻ ശ്ര​മി​ക്കു​ന്നു. അ​തെ​ന്തി​നാ​ണെ​ന്ന് ഇ​ന്ന​ത്തെ​പ്പോ​ലെ പ​രീ​ക്ഷ​യ്ക്കു കൂ​ളിം​ഗ് ടൈ​മോ മൂ​ല്യ​നി​ർ​ണ​യ​ത്തി​ൽ മോ​ഡ​റേ​ഷ​നു​ക​ളോ ഇ​ല്ലാ​തി​രു​ന്ന കാ​ല​ത്ത് എ​സ്എ​സ്എ​ൽ​സി​യും മ​റ്റു പ​രീ​ക്ഷ​ക​ളും എ​ഴു​തി ജ​യി​ക്കു​ക​യോ തേ​ാൽ​ക്കു​ക​യോ ചെ​യ്തി​ട്ടു​ള്ള മാ​താ​പി​താ​ക്ക​ൾ​ക്കു മ​ന​സി​ലാ​ക്കാ​ൻ ബു​ദ്ധി​മു​ട്ടാ​ണ്.

അ​നു​ദി​ന ജീ​വി​ത​ത്തി​ലെ പ്ര​യാ​സ​ങ്ങ​ളൊ​ന്നു​മ​റി​യാ​തെ, മൊ​ബൈ​ൽ ഫോ​ണി​ലെ ന​ല്ല​തും ചീ​ത്ത​യു​മാ​യ വി​വി​ധ സാ​ധ്യ​ത​ക​ളി​ൽ അ​ഭി​ര​മി​ച്ച്, സോ​ഷ്യ​ൽ മീ​ഡി​യ​യു​ടെ ച​ങ്ങ​ല​പ്പൂ​ട്ടു​ക​ളി​ൽ ത​ള​ച്ചി​ട​പ്പെ​ടു​ന്ന​വ​രാ​ണ് ഇ​ന്ന​ത്തെ കു​ട്ടി​ക​ളി​ൽ ന​ല്ലൊ​രു പ​ങ്ക്. വി​വ​ര​സാ​ങ്കേ​തി​ക വി​ദ്യ തു​റ​ന്നു​വ​യ്ക്കു​ന്ന വാ​താ​യ​ന​ങ്ങ​ളി​ലൂ​ടെ സാ​ഹ​സി​ക​യാ​ത്ര ന​ട​ത്താ​നി​ഷ്ട​പ്പെ​ടു​ന്ന അ​വ​ർ​ക്ക്് ആ​ത്മീ​യ​ത​യി​ലും ധാ​ർ​മി​ക​മൂ​ല്യ​ങ്ങ​ളി​ലു​മു​ള്ള വി​ശ്വാ​സം കു​റ​ഞ്ഞു​വ​രു​ന്ന​തും ശ്ര​ദ്ധി​ക്ക​പ്പെ​ടാ​തെ പോ​വി​ല്ല. സൗ​ഹൃ​ദ​വും ക​രു​ത​ലു​മേ​കി​യി​രു​ന്ന അ​യ​ൽ​പ​ക്ക ബ​ന്ധ​ങ്ങ​ൾ​ക്ക് ഇ​ന്നു പ​ണ്ട​ത്തെ ദൃ​ഢ​ത​യി​ല്ല. ഇ​ത്ത​രം സാ​ഹ​ച​ര്യ​ങ്ങ​ളി​ൽ ജീ​വി​ക്കു​ന്ന കു​ട്ടി​ക​ൾ​ക്കു ജീ​വി​ത​ശൈ​ലി​യി​ൽ സം​ഭ​വി​ക്കു​ന്ന ചെ​റി​യൊ​രു വ്യ​തി​ച​ല​നം പോ​ലും മാ​ന​സി​ക​സം​ഘ​ർ​ഷ​ത്തി​നി​ട​യാ​ക്കു​ന്നു.

അ​റി​വു നേ​ടാ​നു​ള്ള ഉ​പാ​ധി മാ​ത്ര​മ​ല്ല വി​ദ്യാ​ഭ്യാ​സം. ജീ​വി​താ​യോ​ധ​ന​ത്തി​നു​ത​കു​ന്ന​തും സ​മ​ഗ്ര വ്യ​ക്തി​ത്വ വി​ക​സ​ന​ത്തി​നു സ​ഹാ​യി​ക്കു​ന്ന​തു​മാ​ക​ണം അ​ത്. അ​തി​നു​ള്ള വൈ​ഭ​വ​ങ്ങ​ൾ കു​ട്ടി​ക​ൾ ആ​ർ​ജി​ക്കു​ന്ന​തു വീ​ട്ടി​ൽ​നി​ന്നു മാ​ത്ര​മ​ല്ല സ്കൂ​ളി​ൽനി​ന്നും പൊ​തു​സ​മൂ​ഹ​ത്തി​ൽ​നി​ന്നു​മൊ​ക്ക​യാ​ണ്. ആ ​വ​ള​ർ​ച്ച​യെ സ​ഹാ​യി​ക്കു​ന്ന ഘ​ട​ക​ങ്ങ​ളി​ൽ പ്ര​ധാ​ന​പ്പെ​ട്ട​താ​ണ് അ​ധ്യാ​പ​ക​രു​മാ​യു​ള്ള ഇ​ട​പെ​ട​ലു​ക​ളും സ​ഹ​പാ​ഠി​ക​ളു​മാ​യു​ള്ള കൂ​ട്ടു​കൂ​ട​ലും ക​ളി​ക​ളു​മൊ​ക്കെ. കോ​വി​ഡ് കാ​ല​ത്ത് ഇ​തി​നൊ​ന്നും അ​വ​സ​രം കി​ട്ടാ​തെ വീ​ട്ടി​ല​ട​ച്ചി​രു​ന്ന് ഓ​ണ്‍ലൈ​ൻ ക്ലാ​സു​ക​ൾ പി​ന്തു​ട​രാ​ൻ നി​ർ​ബ​ന്ധി​ക്ക​പ്പെ​ടു​ന്ന കു​ട്ടി​ക​ൾ ഉ​ത്സാ​ഹ​ര​ഹി​ത​രും വി​ഷാ​ദ​രോ​ഗി​ക​ളു​മൊ​ക്കെ ആ​കു​ന്നു​ണ്ടെ​ങ്കി​ൽ അ​തി​ൽ അ​ദ്ഭു​ത​പ്പെ​ടേ​ണ്ട​തു​ണ്ടോ?

വേ​ണ്ട​ത്ര മ​നോ​ധൈ​ര്യ​മി​ല്ലാ​ത്ത​വ​രാ​യി കു​ട്ടി​ക​ൾ വ​ള​രു​ന്ന​തി​നു പ​ല കാ​ര​ണ​ങ്ങ​ളും വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു​ണ്ട്. അ​മി​ത​ ലാ​ള​ന പോ​ലു​ള്ള വ​ള​ർ​ത്തു​ദോ​ഷ​ങ്ങ​ൾ, മാ​താ​പി​താ​ക്ക​ളു​ടെ സ്വ​ര​ച്ചേ​ർ​ച്ച​യി​ല്ലാ​യ്മ​യും കു​ടും​ബ​ക​ല​ഹ​ങ്ങ​ളും, ല​ഹ​രി​വ​സ്തു​ക്ക​ളു​ടെ ഉ​പ​യോ​ഗം; ഇ​വ​യൊ​ക്കെ കു​ട്ടി​ക​ളു​ടെ ശ​രി​യാ​യ വ​ള​ർ​ച്ച​യെ​യും പ​ഠ​ന​ത്തെ​യും ബാ​ധി​ക്കും. എ​ല്ലാ​മു​ണ്ടാ​യി​ട്ടും സ​ന്തോ​ഷ​മി​ല്ലാ​യ്മ, എ​ല്ലാം ന​ൽ​കി​യി​ട്ടും വി​ഷാ​ദം, ഒ​ന്നി​ലും തൃ​പ്തി​യി​ല്ല; ഇ​തൊ​ക്കെ ഇ​ന്ന​ത്തെ കുട്ടി​ക​ളി​ൽ ക​ണ്ടു​വ​രു​ന്ന ചി​ല ന്യൂ​ന​ത​ക​ളാ​ണ്. ഇ​തി​നെ​യൊ​ക്കെ മ​റി​ക​ട​ക്കു​ന്ന​തി​നു ശ​രി​യാ​യ മാ​ർ​ഗ​നി​ർ​ദേ​ശം ന​ൽ​കാ​നും ആ​ളി​ല്ലാ​ത്ത സ്ഥി​തി​യു​ണ്ട്. അ​ടു​ത്ത​കാ​ലം വ​രെ അ​ധ്യാ​പ​ക​ർ എ​ല്ലാ​വ​രും​ത​ന്നെ കു​ട്ടി​ക​ളു​ടെ സ്വ​കാ​ര്യ കാ​ര്യ​ങ്ങ​ളും ചോ​ദി​ച്ച​റി​ഞ്ഞ് ആ​വ​ശ്യ​മാ​യ ഉ​പ​ദേ​ശ- നി​ർ​ദേ​ശ​ങ്ങ​ൾ ന​ൽ​കി​യി​രു​ന്നു. എ​ന്നാ​ൽ, പ​ല​വി​ധ നൂ​ലാ​മാ​ല​ക​ളി​ൽ കു​ടു​ങ്ങു​മോ​യെ​ന്ന ചി​ന്ത മൂ​ലം ഇ​ന്ന് അ​വ​രി​ൽ പ​ല​ർ​ക്കും ഇ​ട​പെ​ടാ​ൻ മ​ടി​യാ​ണ്. ബാ​ലാ​വ​കാ​ശ​ങ്ങ​ളു​ടെ​യും മ​റ്റും പേ​രി​ൽ നി​യ​മ​ങ്ങ​ളു​ടെ ദു​രു​പ​യോ​ഗം കു​ട്ടി​ക​ൾ​ക്കുത​ന്നെ വി​ന​യാ​യി മാ​റു​ന്നു​ണ്ടോ​യെന്നു ബ​ന്ധ​പ്പെ​ട്ട​വ​ർ ചി​ന്തി​ക്ക​ണം.

കു​ട്ടി​ക​ളി​ൽ ആ​ത്മ​വി​ശ്വാ​സ​വും ധൈ​ര്യ​വും വ​ള​ർ​ത്തു​ന്ന​തി​നു​ള്ള ന​ട​പ​ടി​ക​ൾ വി​ദ്യാ​ഭ്യാ​സ​ത്തി​ന്‍റെ ഭാ​ഗ​മാ​യി ഉ​ണ്ടാ​ക​ണം. പ്ര​ശ്ന​ങ്ങ​ളി​ൽ ത​ള​ർ​ന്നു​പോ​കു​ന്ന​വ​രെ ചേ​ർ​ത്തു​പി​ടി​ക്ക​ണം. കൗ​ണ്‍സ​ലിം​ഗോ ചി​കി​ത്സ​യോ ആ​വ​ശ്യ​മു​ള്ള​വ​ർ​ക്ക് അ​തു ന​ൽ​ക​ണം. ഭാ​വി​യി​ലെ പ്ര​ശ്ന​ങ്ങ​ളും മു​ന്നി​ൽ​ക്ക​ണ്ട് കു​ട്ടി​ക​ളു​ടെ സ​മ​ഗ്ര​മാ​യ മാ​ന​സി​കാ​രോ​ഗ്യ​ വ​ള​ർ​ച്ച​യ്ക്ക് ആ​വ​ശ്യ​മാ​യ പ​ദ്ധ​തി​ക​ൾ ആ​വി​ഷ്ക​രി​ക്ക​ണം.
Copyright @ 2021 , Rashtra Deepika Ltd.