ബലൂചിസ്‌ഥാൻ അനുകൂലികൾ പ്രകടനം നടത്തി
Monday, August 29, 2016 7:02 AM IST
ബർലിൻ: ജർമനിയിലെ ബലൂചിസ്‌ഥാൻ അനുകൂലികൾ ഇന്ത്യയെ പ്രശംസിച്ചും പാക്കിസ്‌ഥാനെ രൂക്ഷമായി വിമർശിച്ചും ജർമനിയിൽ പ്രകടനം നടത്തി.

ലൈപ്സിഷ് നഗരത്തിലായിരുന്നു പ്രകടനം സംഘടിപ്പിച്ചത്. പ്രകടനത്തിലുടനീളം ഇന്ത്യക്ക് അനുകൂലമായും പാക്കിസ്‌ഥാനെതിരേയും ഇവർ മുദ്രാവാക്യം വിളിച്ചു. പലരും ഇന്ത്യൻ പതാകകളും കൈയിൽ കരുതിയിരുന്നു. പ്രധാനമന്ത്രി നരേന്ദ്ര മോദിക്ക് അനുകൂലമായ മുദ്രാവാക്യങ്ങളും മുഴക്കി. നാല്പതോളം പേരാണ് പ്രകടനത്തിൽ പങ്കെടുത്തത്. ബലൂചിസ്‌ഥാനെ സ്വതന്ത്രമാക്കണമെന്നാണ് ഇവരുടെ ആവശ്യം.

<ആ>റിപ്പോർട്ട്: ജോസ് കുമ്പിളുവേലിൽ
Copyright @ 2022 , Rashtra Deepika Ltd.