ഡബ്ല്യുഎംസി ഓസ്ട്രിയ ചിത്ര രചനാ മത്സരം നടത്തി
Thursday, July 21, 2016 7:30 AM IST
വിയന്ന: വേൾഡ് മലയാളി കൗൺസിൽ (ഡബ്ല്യുഎംസി) ഓസ്ട്രിയയുടെ ആഭിമുഖ്യത്തിൽ കൊച്ചുകുട്ടികൾക്കായി ചിത്രരചനാ മത്സരങ്ങൾ നടത്തി.

ജൂണിയർ, സബ് ജൂണിയർ വിഭാഗത്തിലെ കുട്ടികൾക്കായി നടത്തിയ മത്സരങ്ങൾ ആൾസർ സ്ട്രാസെയിലെ സെന്റ് ആന്റണീസ് പാരിഷ് ഹാളിലാണു നടന്നത്.

മത്സരങ്ങളിൽ ചുവർ ചിത്രകാരൻ ജോൺസൺ പള്ളിക്കുന്നേൽ മോഡറേറ്റർ ആയിരുന്നു.

ജൂണിയർ വിഭാഗത്തിൽ റിയ തെക്കുമല, നയന മേലഴകത്ത്, നവീന പാലാട്ടി എന്നിവർ യഥാക്രമം ഒന്നും രണ്ടും മൂന്നും സ്‌ഥാനങ്ങൾ കരസ്‌ഥമാക്കിയപ്പോൾ സബ് ജൂണിയർ വിഭാഗത്തിൽ താന്യ തെരേസ ആലുക്ക, നിയ കുന്നുമ്മേൽ, സോന മാർട്ടിൻ എന്നിവർ ആദ്യ മൂന്നു സ്‌ഥാനങ്ങൾ കരസ്‌ഥമാക്കി.

മത്സരാർഥികൾ വരച്ച ചിത്രങ്ങളിൽനിന്നു ജനങ്ങൾ തെരഞ്ഞെടുത്ത ചിത്രത്തിന് ഏറ്റവും നല്ല ജനപ്രിയ ചിത്രത്തിനുള്ള പ്രത്യേക സമ്മാനവും നൽകി.

സമാപന യോഗത്തിൽ ഫാ. ജോയൽ കോയിക്കര അധ്യക്ഷത വഹിച്ചു. അനു മൊളാക്കിൽ ഈശ്വര പ്രാർഥന ആലപിച്ചു. ഷ്വാൺ കോലംകുഴിയിൽ അവതാരകനായിരുന്നു. പ്രീതി മലയിൽ, സെക്രട്ടറി ജോയൽ പെരുമ്പ്രാൽ എന്നിവർ പ്രസംഗിച്ചു.

<ആ>റിപ്പോർട്ട്: ഷിജി ചീരംവേലിൽ
Copyright @ 2022 , Rashtra Deepika Ltd.