ഐസിസി വിയന്നയുടെ തിരുനാള്‍ ആഘോഷം
Tuesday, June 28, 2016 5:36 AM IST
വിയന്ന: ഓസ്ട്രിയയിലെ ഇന്ത്യന്‍ കാത്തലിക് കമ്യൂണിറ്റിയുടെ നേതൃത്വത്തില്‍ കമ്യൂണിറ്റി ഡേയും മാര്‍ തോമാശ്ളീഹായുടെയും വിശുദ്ധ അല്‍ഫോന്‍സാമ്മയുടെയും വിശുദ്ധ ചാവറ കുര്യാക്കോസ് ഏലിയസച്ചന്റേയും വിശുദ്ധ എവുപ്രാസ്യമ്മയുടെയും തിരുനാള്‍ പരിശുദ്ധ ലൂര്‍ദ് മാതാവിന്റെ തിരുനാളിനോടു കൂടി ഇടവക തിരുനാളായി ആഘോഷിച്ചു.

ഐസിസി വിയന്നയുടെ ചാപ്ളെയിന്‍ ഫാ. തോമസ് താണ്ടപ്പിള്ളിയുടെ നേതൃത്വത്തില്‍ നടന്ന സമൂഹ ബലിയില്‍ വിയന്നയിലെ വിവിധ ഇടവകളില്‍ സേവനം ചെയ്യുന്ന ഏഴോളം വൈദീകര്‍ സഹകാര്‍മികരായി. മോണ്‍. ജോഗി വടകര ലൂക്ക തിരുനാള്‍ സന്ദേശം നല്‍കി. തിരുനാള്‍ കുര്‍ബാനക്കുശേഷം വിശുദ്ധരുടെ തിരു സ്വരൂപങ്ങള്‍ വഹിച്ചുകൊണ്ടു നടന്ന പ്രദക്ഷിണത്തിനു വിയന്ന അതിരൂപതയിലെ സഹായ മെത്രാന്‍ ഡോ. ഫ്രാന്‍സ് ഷാരള്‍ നേതൃത്വം നല്‍കി. തുടര്‍ന്നു അദ്ദേഹം സന്ദേശം നല്‍കി. നിരവധി വിശ്വാസികള്‍ പ്രദക്ഷിണത്തില്‍ പങ്കെടുത്തു. ലിറ്റനിയും വാഴ്വോടും കൂടി തിരുനാള്‍ സമാപിച്ചു.

ചാപ്ളെയിന്‍ ഫാ. തോമസ് താണ്ടപ്പിള്ളി, അസി. ചാപ്ളെയിന്‍ ഫാ. ജോയി പ്ളാത്തോട്ടത്തില്‍, ജനറല്‍ കണ്‍വീനര്‍ തോമസ് പടിഞ്ഞാറേക്കാലയില്‍, സെക്രട്ടറി സ്റീഫന്‍ ചെവൂക്കാരന്‍, ലിറ്റര്‍ജി കണ്‍വീനര്‍ കുര്യന്‍ ആനിനില്‍ക്കുംപറമ്പില്‍ തുടങ്ങിയവരുടെ മേല്‍നോട്ടത്തില്‍ പാരിഷ് കമ്മിറ്റി തിരുനാള്‍ തിരുക്കര്‍മങ്ങള്‍ക്കു നേതൃത്വം നല്‍കി.

റിപ്പോര്‍ട്ട്: ജോബി ആന്റണി
Copyright @ 2022 , Rashtra Deepika Ltd.