യുക്മ മിഡ്ലാന്‍ഡ്സ് റീജണല്‍ കലാമേള ഒക്ടോബര്‍ 22-നു നോട്ടിംഗ്ഹാമില്‍
Sunday, June 26, 2016 2:58 AM IST
നോട്ടിംഗ്ഹാം: മിഡ്ലാന്‍ഡ്സ് മലയാളികളുടെ ഏറ്റവും വലിയ കലാമത്സരമായ യുക്മ മിഡ് ലാന്‍ഡ് സ് റീജനല്‍ കലാമേള 2016 ഒക്ടോബര്‍ 22നു നോട്ടിംഗ്ഹാമില്‍ നടക്കും. ഇതു രണ്ടാംതവണയാണ് നോട്ടിഗ്ഹാം റീജണല്‍ കലാമേളയ്ക്കു വേദിയൊരുക്കുന്നത്. ഇത്തവണയും എന്‍എംസിഎ തന്നെയാണ് സംഘാടകര്‍.

യുക്മ റീജണല്‍ കലാമേളകളില്‍ ഏറ്റവും വലിയ കലാമേളയാണിത്. മൂന്നു വേദികളിലായി ഏകദേശം അഞ്ഞുറോളം മത്സരങ്ങള്‍ അരങ്ങി ലെത്തുന്ന കലാമേള രാവിലെ പത്തു മണിക്ക് ആരംഭിക്കും. വൈകുന്നേരം എട്ടോടെ മത്സരങ്ങള്‍ അവസാനിക്കുകയും തുടര്‍ന്നു വിജയികള്‍ക്കായുള്ള സമ്മാന വിതരണം നടക്കുകയും ചെയ്യും. വിവിധ റീജണല്‍ കലാമേളകളില്‍ ഒന്നും രണ്ടും സ്ഥാനം കിട്ടുന്നവര്‍ക്കു മാത്രമാണു ദേശീയ കലാമേളയില്‍ പങ്കെടുക്കുവാന്‍ അവസരം ലഭിക്കുക.

റീജണല്‍ കലാമേളയും ദേശീയ കലാമേളയും തമ്മിലുള്ള അകലം കേവലം രണ്ടാഴ്ച മാത്ര മായതിനാല്‍ എല്ലാ യുക്മ ങ്ങളും ഇതൊരു അറിയിപ്പായി കണക്കാക്കി രണ്ടു പരിപാടികള്‍ക്കും അവരവരുടെ സാനിധ്യം ഉറപ്പാക്കണം എന്ന് ഭാരവാഹികള്‍ അഭ്യര്‍ഥിച്ചു.

റിപ്പോര്‍ട്ട്: ഡിക്സ് ജോര്‍ജ്
Copyright @ 2022 , Rashtra Deepika Ltd.