ബെല്‍ഫാസ്റില്‍ പുതുഞായര്‍ ആഘോഷിച്ചു
Tuesday, April 5, 2016 6:10 AM IST
ബെല്‍ഫാസ്റ്: സീറോമലബാര്‍ സമൂഹം ഫിനഗി സെന്റ് ആന്‍സ് ദേവാലയത്തില്‍ മാര്‍ത്തോമാശ്ളീഹയുടെ പുതുഞായര്‍ തിരുനാള്‍ ആഘോഷിച്ചു.

വൈകുന്നേരം നാലിനു മോണ്‍. ആന്റണി പെരുമായന്‍ രൂപം വെഞ്ചിരിച്ചതോടെ തിരുനാള്‍ കര്‍മങ്ങള്‍ക്കു തുടക്കമായി. പ്രസുദേന്തിമാരായ റോയി, ജോസ്, ജോര്‍ജ്, തോമസ്, എബി, പോള്‍, റോബിന്‍സണ്‍, ജിന്‍സന്‍, അമല്‍, ജോര്‍ജുകുട്ടി, രാജു, ടിറ്റോ എന്നിവര്‍ വെഞ്ചിച്ച കിരീടവും തിരിയും ഏന്തി അള്‍ത്താരയ്ക്കു മുന്നില്‍ കാര്‍മികരോടൊപ്പം പ്രദക്ഷിണമായി നടന്നുനീങ്ങി. ഫാ. പോള്‍ മെരോലി തിരുനാള്‍ തിരുക്കര്‍മങ്ങള്‍ക്കു കാര്‍മികത്വം വഹിച്ചു. മോണ്‍. ആന്റണി പെരുമായന്‍ സന്ദേശം നല്‍കി.

തുടര്‍ന്നു നടന്ന പ്രദക്ഷിണത്തില്‍ കേരള ബീട്സിന്റെ നേതൃത്വത്തില്‍ നടന്ന ചെണ്ടമേളം കൊഴുപ്പേകി. പ്രദക്ഷിണം പള്ളിയില്‍ തിരിച്ചെത്തിയതിനുശേഷം 2017 ലേക്കുള്ള 12 പ്രസുദേന്തിമാരുടെ വാഴ്ച നടത്തി. തുടര്‍ന്നു വിശുദ്ധ കുര്‍ബാനയുടെ വാഴ്വോടെ തിരുക്കര്‍മങ്ങള്‍ക്ക് സമാപനമായി. അയര്‍ലണ്ടിന്റെയും ഇംഗ്ളണ്ടിന്റെയും വിവിധ ഭാഗങ്ങളില്‍നിന്നും തിരുനാള്‍ ആഘോഷങ്ങളില്‍ പങ്കെടുക്കാന്‍ എത്തിയവര്‍ക്കും തിരുനാളിനു നേതൃത്വം നല്‍കിയ പ്രസുദേന്തിമാര്‍ക്കും കമ്മിറ്റി അംഗങ്ങള്‍ക്കും മോണ്‍. ആന്റണി പെരുമായന്‍ നന്ദി പറഞ്ഞു. സ്നേഹവിരുന്നോടെ പുതുഞായര്‍ തിരുനാളിനു സമാപനമായി.

റിപ്പോര്‍ട്ട്: സാബു ചുണ്ടക്കാട്ടില്‍
Copyright @ 2022 , Rashtra Deepika Ltd.