ലോകത്തിലെ കരുത്തരായ ഐടി ബ്രാന്‍ഡ് ടിസിഎസ
Sunday, February 7, 2016 11:23 AM IST
മുംബൈ: ലോകത്തിലെ ഏറ്റവും ശക്തരായ ഐടി ബ്രാന്‍ഡ് കമ്പനിയായി ടിസിഎസ് (ടാറ്റ കണ്‍സള്‍ട്ടന്‍സി സര്‍വീസസ്) തെരഞ്ഞെടുക്കപ്പെട്ടു.

ജീവനക്കാരുടെ സംതൃപ്തി, കോര്‍പറേറ്റ് പ്രശസ്തി, വിശ്വാസ്യത എന്നിവ മാനദണ്ഡമാക്കിയാണ് സര്‍വേ നടത്തിയത്. സര്‍വേയില്‍ ടിസിഎസിന് 78.3 പോയിന്റും എഎ പ്ളസ് റേറ്റിംഗും ലഭിച്ചു. ആഗോളതലത്തിലുള്ള ഐടി സ്ഥാപനങ്ങളെ ഉള്‍പ്പെടുത്തി ബ്രാന്‍ഡ് ഫിനാന്‍സ് നടത്തിയ സര്‍വേയിലാണ് ടിസിഎസ് ഏറ്റവും മികച്ചതായി തെരഞ്ഞെടുക്കപ്പെട്ടത്.

1968 ല്‍ മുംബൈ ആസ്ഥാനമായി ആരംഭിച്ച ടിസിഎസില്‍ 55 രാജ്യങ്ങളിലായി 223 കോര്‍പറേറ്റ് ഓഫീസുകളും 46 നഗരങ്ങളിലെ അനുബന്ധ ഓഫീസുകളിലുമായി 3,19,000 ജീവനക്കാര്‍ ജോലി ചെയ്യുന്നുണ്ട്. കമ്പനിയുടെ പോയ വര്‍ഷത്തെ വിറ്റുവരവ് 15,5 മില്ല്യാര്‍ഡ് ഡോളറായിരുന്നു. എന്‍. ചന്ദ്രശേഖരന്‍ സിഇഒ ആയും എസ്. മഹാലിംഗം സിഎഫ്ഒ ആയും പ്രവര്‍ത്തിക്കുന്നു.

ടിസിഎസിന്റെ ജര്‍മനിയിലെ ശാഖയില്‍ ആയിരത്തോളം പേര്‍ ജോലി ചെയ്യുന്നുണ്ട്. കഴിഞ്ഞ ആറു വര്‍ഷത്തിനിടെ ലോകത്ത് കുതിച്ചുയുര്‍ന്ന ഐടി കമ്പനിയാണ് ടിസിഎസ്. യൂറോപ്പില്‍തന്നെ ടിസിഎസിന് മികച്ച നേട്ടമാണ് പറയാനുള്ളത്.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.