ഫ്രണ്ട്സ് സ്പോര്‍ട്ടിംഗ് ക്ളബ് പത്താം വാര്‍ഷികം ആഘോഷിച്ചു : Deepika.com Nri News Europe

മാഞ്ചസ്റര്‍: ഫ്രണ്ട്സ് സ്പോര്‍ട്ടിംഗ് ക്ളബിന്റെ പത്താമത് വാര്‍ഷികം വര്‍ണാഭമായ പരിപാടികളോടെ ആഘോഷിച്ചു. മാഞ്ചസ്ററിലെ സെന്റ് ജോസഫ് ചര്‍ച്ച് ഹാളില്‍ നടന്ന സമാപന ചടങ്ങില്‍ കവിയും എഴുത്തുകാരനുമായ മുരുകേശ് പനയറ, ഗായകനും സാമൂഹ്യ പ്രവര്‍ത്തകനുമായ അജിത് പാലിയത്ത്, ആനി പാലിയത്ത്, ബ്രിട്ടീഷ് മലയാളി ചാരിറ്റബിള്‍ ഫൌണ്േടഷന്‍ ട്രസ്റിയും ബോള്‍ട്ടന്‍ മലയാളി അസോസിയേഷന്‍ വൈസ് പ്രസിഡന്റ് ഷിനു ക്ളാര മാത്യൂസ് എന്നിവരും പങ്കെടുത്തു. സ്വപ്ന വിന്‍സെന്റ്, വില്‍ഫി ബിജു എന്നിവര്‍ അണിയിച്ചൊരുക്കിയ ഫ്രണ്ട്സ് ജൂണിയേഴ്സിന്റെ വിവിധങ്ങളായ കലാപരിപാടികളും ഫാഷന്‍ ഷോയും അജിത്ത്, അനി, ബെന്നി, ബിനീഷ് എന്നിവരുടെ ഗാനമേളയും ആഘോഷപരിപാടികളെ കൂടുതല്‍ വര്‍ണാഭമാക്കി.

ചടങ്ങില്‍ ഗ്രേറ്റര്‍ മാഞ്ചസ്റര്‍ ക്രിക്കറ്റ് ലീഗില്‍ പങ്കെടുക്കുന്ന ഫ്രണ്ട്സ് ജൂണിയര്‍ അണ്ടര്‍ ഇലവന്‍ ടീമിനെ പരിചയപ്പെടുത്തി ക്ളബ് പ്രസിഡന്റ് ജിജു ഫിലിപ്പ് സൈമണ്‍, ക്ളബ് സെക്രട്ടറി തോമസ് ജോര്‍ജ് എന്നിവര്‍ സംസാരിച്ചു. കഴിഞ്ഞ ഒരു വര്‍ഷക്കാലം ക്ളബിന്റെ വിവിധ പരിപാടികള്‍ ഉള്‍പ്പെട്ട ദശാബ്ദി ആഘോഷങ്ങളില്‍ പങ്കെടുത്ത മാഞ്ചസ്റര്‍ സെന്‍ട്രല്‍ എംപി ലൂസി പവ്വല്‍, വാഷിംഗ്ടണ്‍ എംപി ജെഫ് സ്മിത്ത്, മുന്‍ എംപി ജോണ്‍ ലീച്ച് തുടങ്ങിയവരെ ചടങ്ങില്‍ അനുസ്മരിച്ചു. ക്ളബ് ട്രഷറര്‍ റാംകി സംസാരിച്ചു.

ക്ളബ് മെംബര്‍ഷിപ്പ് ഏപ്രില്‍ 23ന് ആരംഭിക്കുന്ന ജിഎംസിഎല്‍ ലീഗില്‍ ഫ്രണ്ട്സ് സ്പോര്‍ട്ടിംഗ് ക്ളബിന്റെ ജൂണിയര്‍ ആന്‍ഡ് സീനിയര്‍ ഫസ്റ് ടീമിലേക്ക് പുതിയ കളിക്കാരെ സ്വാഗതം ചെയ്യുന്നതായി പ്രസിഡന്റ് ജിജു ഫിലിപ്പ് സൈമണ്‍ അറിയിച്ചു.

വിവരങ്ങള്‍ക്ക്: ജിജു (പ്രസിഡന്റ്) 078 8641 0604, തോമസ് ജോര്‍ജ് (സെക്രട്ടറി) 078 5217 4354, റാംകി (ട്രഷറര്‍) 079 8364 0632.

റിപ്പോര്‍ട്ട്: സാബു ചൂണ്ടക്കാട്ടില്‍