ജീവിത നിലവാരത്തില്‍ വിയന്നയ്ക്ക് ലോകത്തില്‍ രണ്ടാം സ്ഥാനം
Saturday, August 29, 2015 9:01 AM IST
വിയന്ന: മികച്ച ജീവിത നിലവാരത്തില്‍ വിയന്ന നഗരത്തിന് ലോകത്തില്‍ രണ്ടാം സ്ഥാനം. ലോകത്തിലെ വിവിധ പട്ടണങ്ങളില്‍ നടത്തിയ സര്‍വേയിലാണ് വിയന്ന നഗരം മികച്ച പട്ടണമായി തെരഞ്ഞെടുക്കപ്പെട്ടത്. ഒന്നാം സ്ഥാനം ഓസ്ട്രേലിയയിലെ മെല്‍ബണിനാണ്.

ലണ്ടനിലെ ഇക്കണോമിസ്റ് മാഗസില്‍ നടത്തിയ സര്‍വേയില്‍ ടോപ് ഫൈവില്‍ കടന്നുകൂടിയ യൂറോപ്പിലെ ഏക പട്ടണവും വിയന്നയാണ്.

ലോകത്തിലെ 130 പട്ടണങ്ങളാണ് മത്സരത്തിലുണ്ടായിരുന്നത്. സ്ഥിരത, വിദ്യാഭ്യാസം, അടിസ്ഥാന സൌകര്യം, പരിസ്ഥിതി സംരക്ഷണം, ആരോഗ്യ സംരക്ഷണം, സംസ്കാരം എന്നീ വിഷയങ്ങളെ ആസ്പദമാക്കിയാണ് സര്‍വേ നടത്തിയത്.

റിപ്പോര്‍ട്ട്: ഷിജി ചീരംവേലില്‍
Copyright @ 2022 , Rashtra Deepika Ltd.