കെസിഡബ്ള്യുഎയുടെ ഓള്‍ യുകെ അത്തപ്പൂക്കളം; രജിസ്ട്രേഷന്‍ ആരംഭിച്ചു
Thursday, August 6, 2015 5:46 AM IST
ലണ്ടന്‍: യുകെയിലെ മലയാളി മനസില്‍ ചിരപ്രതിഷ്ഠ നേടിയ കെസിഡബ്ള്യുഎയുടെ നാല്‍പ്പതാമത് വാര്‍ഷികാഘോഷങ്ങളുടെ ഭാഗമായി അത്തപ്പൂക്കള മത്സരം നടത്തുന്നു.

പ്രായഭേദമെന്യെ സ്ത്രീകള്‍ക്കും പുരുഷന്മാര്‍ക്കും പങ്കെടുക്കാന്‍ കഴിയുന്ന മത്സരത്തില്‍ ഒന്നാം സമ്മാനം 250 പൌണ്ട് സമ്മാനമായി ലഭിക്കും. രണ്ടും മൂന്നും സ്ഥാനക്കാര്‍ക്ക് യഥാക്രമം 150, 100 പൌണ്ട് എന്ന രീതിയിലാണു സമ്മാനത്തുക.

സെപ്റ്റംബര്‍ അഞ്ചിനു രാവിലെ 10നു ലാന്‍ ഫ്രാങ്ക് സ്കൂള്‍ ഓഡിറ്റോറിയത്തില്‍ നടക്കുന്ന മത്സരം ഉച്ചയ്ക്ക് ഒന്നിന് അവസാനിക്കും. മല്‍സരാര്‍ഥികള്‍ക്കു മൂന്നു മണിക്കൂറാണു സമയം അനുവദിച്ചിരിക്കുന്നത്. മത്സരത്തിന്റെ നിയമാവലിയും രജിസ്ട്രേഷന്‍ ഫോറവും കെസിഡബ്ള്യുഎയുടെ വെബ്സൈറ്റില്‍ പ്രസിദ്ധീകരിച്ചിട്ടുണ്ട്. ഓഗസ്റ് 25നാണു രജിസ്ട്രേഷന്‍ ചെയ്യേണ്ട അവസാന തീയതി.

അത്തപ്പൂക്കള മത്സരം നേരിട്ട് കണ്ടാസ്വദിക്കാനും പങ്കാളികളാകാനും യുകെയിലെ എല്ലാ മലയാളി സുമനസുകളെയും സെപ്റ്റംബര്‍ അഞ്ചിന് ഓണാഘോഷം നടക്കുന്ന ലാന്‍ ഫ്രാങ്ക് സ്കൂളിലേക്കു സ്വാഗതം ചെയ്തു.

വിവരങ്ങള്‍ക്ക്: അഷ്റഫ് 07868 519721, സജി 07754701142, ശാരിക 07412969619.

റിപ്പോര്‍ട്ട്: അബ്ദുള്ള അഷ്റഫ്
Copyright @ 2022 , Rashtra Deepika Ltd.