വിവാഹമോചനത്തിന് എല്ലാം പകുത്തു നല്‍കിയ ഭര്‍ത്താവിന്റെ കഥ വ്യാജം
Wednesday, June 24, 2015 8:12 AM IST
ബര്‍ലിന്‍: വിവാഹ മോചനത്തിന് ഭാര്യയ്ക്ക് സ്വത്തുവകകള്‍ മുഴുവന്‍ പകുത്തു നല്‍കാന്‍ കാര്‍ വരെ നടുവില്‍ വച്ച് മുറിച്ച ഭര്‍ത്താവിന്റെ കഥ കഴിഞ്ഞ ദിവസങ്ങളില്‍ ഇന്റര്‍നെറ്റില്‍ വൈറലായിരുന്നു. എന്നാല്‍, കഥ വ്യാജമെന്ന് ഇതാ തെളിയുന്നു.

ഒരു നിയമകാര്യ സ്ഥാപനത്തിന്റെ പരസ്യത്തിനായി തയാറാക്കിയതായിരുന്നുവത്രെ ഈ ഈബേ പോസ്റ്. ലോക വ്യാപകമായി ഈ വാര്‍ത്തയ്ക്കു പ്രചാരം നല്‍കിയ മാധ്യമങ്ങളാണ് ഇതോടെ വിഢികളായിരിക്കുന്നത്.

വിവാഹിതരായ ദമ്പതികള്‍ പൊതുവേ വിവാഹമോചനം മുന്‍കൂട്ടി കണ്ട് ആവശ്യമായ മുന്‍കരുതലുകള്‍ സ്വീകരിക്കാറില്ലെന്നും അതേക്കുറിച്ച് ബോധവത്കരണം നടത്താനാണ് ഇങ്ങനെയൊരു പരസ്യം തയാറാക്കിയതെന്നുമാണ് നിയമകാര്യ സ്ഥാപനത്തിന്റെ വിശദീകരണം.

പരമ്പരാഗാത പരസ്യ രീതികളിലൂടെ ഇപ്പോള്‍ ലക്ഷ്യം നേടാന്‍ സാധിക്കാറില്ല. അതിനാല്‍ പുതുമയുള്ള ഒരു മാര്‍ഗം സ്വീകരിക്കുകയായിരുന്നുവെന്നും കമ്പനി പറയുന്നു.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.