ലിവര്‍പൂളില്‍ ദുക്റാന തിരുനാള്‍ ജൂലൈ അഞ്ചിന്
Friday, June 19, 2015 6:09 AM IST
ലിവര്‍പൂള്‍: മാര്‍ത്തോമ ശ്ളീഹായുടെ ദുക്റാന തിരുനാളും വിശുദ്ധ സെബസ്ത്യാനോസിന്റെ അമ്പ് തിരുനാളും വിശുദ്ധ അല്‍ഫോന്‍സാമ്മയുടെ ഓര്‍മത്തിരുനാളും സംയുക്തമായി ആചരിക്കുന്നു.

ജൂലൈ അഞ്ചിനു (ഞായര്‍) ഉച്ചകഴിഞ്ഞ് 3.15നു നടക്കുന്ന തിരുനാള്‍ തിരുക്കര്‍മങ്ങളുടെ ഭാഗമായി നടക്കുന്ന സമൂഹബലിയില്‍ ഫാ. ഫിലിപ്പ് കുഴിപറമ്പില്‍ മുഖ്യകാര്‍മികത്വം വഹിക്കും. തുടര്‍ന്നു പ്രസുദേന്തി വാഴ്ച, ലദീഞ്ഞ്, വിശുദ്ധരുടെ തിരുസ്വരൂപങ്ങള്‍ വഹിച്ചുകൊണ്ടുള്ള പ്രദക്ഷിണം ഉണ്ടായിരിക്കും. തിരുനാള്‍ ദിവസം വിശുദ്ധ സെബസ്ത്യാനോസിന്റെ അമ്പ് എടുക്കുവാനും വിശുദ്ധ അല്‍ഫോന്‍സാമ്മയുടെ തിരുശേഷിപ്പ് വണക്കത്തിനും പ്രത്യേക സൌകര്യമുണ്ടായിരിക്കും.

തിരുനാളിനു പ്രസുദേന്തി ആകാന്‍ താത്പര്യമുള്ളവര്‍ പള്ളി കമ്മിറ്റിയുമായി ബന്ധപ്പെടുക. തിരുക്കര്‍മ്മങ്ങളിലേക്ക് ഏവരെയും സംഘാടകര്‍ സ്വാഗതം ചെയ്തു.

പള്ളിയുടെ വിലാസം: ട. ജവശഹീാലിമ ഞഇ ഇവൌൃരവ, ടുമൃൃീം ഒമഹഹ ഞീമറ, ഘ9 6ആഡ.

കൂടുതല്‍ വിവരങ്ങള്‍ക്ക്: ടോം തോമസ് 07577249750.
Copyright @ 2022 , Rashtra Deepika Ltd.