അബര്‍ഡീനില്‍ യാക്കോബായ കുടുംബസംഗമം സെപ്റ്റംബര്‍ 12, 13 തീയതികളില്‍
Sunday, June 14, 2015 7:32 AM IST
ലണ്ടന്‍: ആകമാന സുറിയാനി ഓര്‍ത്തഡോക്സ് സഭയുടെ യുകെ. റീജണിന്റെ ഏഴാമത് ഫാമിലി കോണ്‍ഫറന്‍സ് സെപ്റ്റംബര്‍ 12, 13 (ശനി, ഞായര്‍) തീയതികളില്‍ അബര്‍ഡീനില്‍ നടക്കും. അബര്‍ഡീന്‍ സെന്റ് ജോര്‍ജ് യാക്കോബായ സുറിയാനി ഓര്‍ത്തഡോക്സ് പള്ളിയുടെ ആതിഥേയത്തില്‍ നടക്കുന്ന കുടുംബസംഗമത്തിനുള്ള ഒരുക്കങ്ങള്‍ പുരോഗമിക്കുന്നു.

ആകമാന സുറിയാനി സഭയുടെ പരമാധ്യക്ഷന്‍ പരിശുദ്ധ പാത്രിയര്‍ക്കീസ് ബാവായുടെയും കിഴക്കിന്റെ കാതോലിക്ക, അബൂന്‍ മോര്‍ ബസേലിയോസ് തോമസ് ഒന്നാമന്റെയും ആശീര്‍വാദത്തോടുകൂടി സഭയുടെ യുകെയുടെ പാത്രയാര്‍ക്കല്‍ വികാരി സഖറിയാസ് മോര്‍ ഫിലക്സീനോസും വൈദികരും ഡീക്കന്മാരും ഒപ്പം ഇടവക ജനങ്ങളും ഒന്നിക്കുന്ന കുടുംബസംഗമം യുകെയില്‍ ഒരു ചരിത്ര സംഭവമാകുമെന്നതില്‍ സംശയമില്ല.

രണ്ടു ദിവസം നീണ്ടുനില്‍ക്കുന്ന സംഗമത്തിന്റെ സുഗമമായ നടത്തിപ്പിനായി യുകെ മേഖലയുടെ പാത്രയാര്‍ക്കല്‍ വികാരി സഖറിയാസ് മോര്‍ ഫിലക്സീനോസ് ചെയര്‍മാനും ഇടവക വികാരി ഫാ. ഡോ. ബിജി ചിറത്തിലാട്ട് ജനറല്‍ കണ്‍വീനറുമായി വിവിധ കമ്മിറ്റികള്‍ രൂപവത്കരിച്ചു പ്രവര്‍ത്തനം ആരംഭിച്ചു.

സഭാമക്കള്‍ എല്ലാവരും നേരത്തേ തന്നെ അവധികള്‍ ക്രമീകരിച്ച് ഈ സംഗമത്തില്‍ സംബന്ധിച്ച് അനുഗ്രഹീതരാകണമെന്നു യുകെ സഭാ റീജിയണല്‍ കൌണ്‍സില്‍ അറിയിച്ചു.

വിവരങ്ങള്‍ക്ക് ഇടവകകളുടെ സെക്രട്ടറിയുമായോ കൌണ്‍സില്‍ മെംബറുമായോ ബന്ധപ്പെടുക.

ങമരസശല അരമറല്യാ, ടഹൌഴ ഞീമറ,ടീിലവമ്ലി,അയലൃറലലി അആ39 3ഉഎ.

റിപ്പോര്‍ട്ട്: സാബു ചുണ്ടക്കാട്ടില്‍
Copyright @ 2022 , Rashtra Deepika Ltd.