യുക്മ നാഷണല്‍ കായികമേള ജൂലൈ 18 ന് : Deepika.com Nri News Europe

ലണ്ടന്‍: യുക്മയുടെ ദേശീയ കായികമേള ജൂലൈ 18നു സട്ടോണ്‍ കോള്‍ഡ് ഫീല്‍ഡില്‍ നടക്കും. കായികമേളയ്ക്ക് മിഡ്ലാന്‍ഡ്സ് ആതിഥേയത്വം വഹിക്കും. യുക്മയുടെ കല, കായിക മേളകള്‍ യുകെ മലയാളികള്‍ നെഞ്ചിലേറ്റിക്കഴിഞ്ഞു. നാട്ടിലെ ജില്ലാതല സ്കൂള്‍ സ്പോര്‍ട്സ് പോലെ യുകെയുടെ മണ്ണില്‍ കേരളത്തിന്റെ മക്കള്‍ പോരാടുമ്പോള്‍ ആവേശപ്പൂത്തിരി കത്തും എന്ന കാര്യത്തിനു സംശയം വേണ്ട.

ഈ വര്‍ഷത്തെ കായികമേള അത്യാധുനിക സൌകര്യങ്ങളോടുകൂടിയ ട്രാക്ക് ആന്‍ഡ് ഫീല്‍ഡില്‍ ആണു നടക്കുന്നത്. എല്ലാവര്‍ക്കും പങ്കെടുക്കാനുള്ള സൌകര്യത്തിനായി ഇത്തവണ മിഡ്ലാന്‍ഡ്സിലെ ബര്‍മിംഗ്ഹാമിലെ ലെഷര്‍ സെന്റര്‍ സട്ടോണ്‍ കോള്‍ഡ് ഫീല്‍ഡിലാണു നടക്കുന്നത്.

കായിക മേളയുമായി ബന്ധപ്പെട്ട നിങ്ങളുടെ സംശയങ്ങള്‍ പരിഹരിക്കുവാന്‍ ൌൌസാമുീൃ2015@ഴാമശഹ .രീാ എന്ന വിലാസത്തില്‍ ബന്ധപ്പെടുക. നിരവധി പുതുമകളുമായി യുക്മ സ്പോര്‍ട്സ് നടക്കുന്നതെന്നു നാഷണല്‍ സെക്രട്ടറി സജീഷ് ടോം അറിയിച്ചു.

കായിക മേളയുടെ ഒരുക്കങ്ങള്‍ പൂര്‍ത്തിയായി വരുന്നതായി യുക്മ ദേശിയ ജോയിന്റ് സെക്രട്ടറിയും സ്പോര്‍ട്സ് കോ-ഓര്‍ഡിനേറ്ററുമായ ബിജു പന്നിവേലില്‍ അറിയിച്ചു. ബിജുവിന്റെ നേതൃത്വത്തില്‍ അത്യാധുനിക സൌകര്യങ്ങളോടുകുടിയ സംവിധാനങ്ങള്‍ അണിനിരത്തി കായിക മേളയെ പുതുമയാര്‍ന്ന അനുഭവമാക്കി മാറ്റാനുള്ള ശ്രമത്തിലാണു യുക്മ പ്രവര്‍ത്തകര്‍. റീജണില്‍ നടക്കുന്ന ദേശിയ കായിക മേളക്ക് എല്ലാവിധ പിന്തുണയും റിജണല്‍ പ്രസിഡന്റ് ജയകുമാര്‍ നായര്‍ അറിയിച്ചു.

യുക്മ റീജണല്‍ നാഷണല്‍ കായിക മത്സരങ്ങള്‍ എല്ലാ കായിക പ്രേമികള്‍ക്കും അവരുടെ കഴിവുകള്‍ മാറ്റുരയ്ക്കാന്‍ കിട്ടുന്ന അപൂര്‍വ അവസരം പരമാവധി പ്രയോജനപ്പെടുത്തുവാന്‍ എല്ലാ അംഗ സംഘടനകളും വേണ്ട മുന്നൊരുക്കങ്ങള്‍ നടത്തണമെന്ന് പ്രസിഡന്റ് ഫ്രാന്‍സിസ് കവളക്കാടില്‍ അറിയിച്ചു.

റിപ്പോര്‍ട്ട്: ജോണ്‍ അനീഷ്