മലയാളത്തിന്റെ നേതൃത്വത്തില്‍ മലയാള ഭാഷാ പഠനകളരി
Monday, April 13, 2015 8:04 AM IST
ഡബ്ളിന്‍: അയര്‍ലന്‍ഡിലെ പ്രവാസി മലയാളികളുടെ കുട്ടികളില്‍ മലയാള ഭാഷാ പരിജ്ഞാനം വര്‍ധിപ്പിക്കുന്നതിനായി ഭാഷാപഠന ക്ളാസുകള്‍ക്ക് മലയാളം സാംസ്കാരിക സംഘടന രൂപം നല്‍കുന്നു.

സ്കൂള്‍ വിദ്യാര്‍ഥികളെയാണ് പ്രധാനമായും ഈ ക്ളാസുകളില്‍ പങ്കെടുപ്പിക്കുവാന്‍ ഉദേശിക്കുന്നത്. മലയാള ഭാഷാ പഠനത്തോടൊപ്പം ബാലസാഹിത്യകൃതികളും അവയുടെ എഴുത്തുകാരെയും പരിചയപ്പെടുത്തിക്കൊണ്ടുള്ള പഠനമാണ് ലക്ഷ്യമിടുന്നത്. സാഹിത്യ അഭിരുചിയുള്ള കുട്ടികള്‍ക്ക് ആവശ്യമായ മാര്‍ഗനിര്‍ദ്ദേശങ്ങളും കളരിയില്‍ നിന്നും ലഭിക്കുന്നതാണ്.

മലയാള ഭാഷയുടെ മൂല്യവും സംസ്കാരവും പുതു തലമുറയിലേക്ക് പകര്‍ന്നു നല്‍കുവാനാണ് ഭാഷാപഠനക്ളാസിലൂടെ മലയാളം സാംസ്കാരിക സംഘടന ശ്രമിക്കുന്നത്. ഇത്തരത്തിലുള്ള പഠനക്ളാസുകള്‍ സംഘടിപ്പിക്കുവാന്‍ താത്പര്യമുള്ള ഏതൊരു കൂട്ടായ്മക്കും മലയാളം സംഘടനയുമായി ബന്ധപ്പെടാവുന്നതാണ്. ക്ളാസുകളുടെ നടത്തിപ്പിനാവശ്യമായ അധ്യാപകനെയും പഠനസാമഗ്രികളും മലയാളം സംഘടനയുടെ നേതൃത്വത്തില്‍ ലഭിക്കുന്നതാണ്.

കൂടുതല്‍ വിവരങ്ങള്‍ക്ക്: ബിപിന്‍ ചന്ദ് 0894492321, വി.ഡി രാജന്‍ 0870573885,

ഷാജു ജോസ് 0876460316.

റിപ്പോര്‍ട്ട്: ജയ്സണ്‍ കിഴക്കയില്‍
Copyright @ 2022 , Rashtra Deepika Ltd.