മുക്കാടന്റെ 'നത്താള്‍ രാത്രിയില്‍' പുസ്തകം പ്രകാശനം ചെയ്തു
Monday, April 6, 2015 8:06 AM IST
കൊളോണ്‍: യൂറോപ്യന്‍ റൈറ്റേഴ്സ് ഫോറം ചെയര്‍മാനും മുക്കാടന്‍ എന്ന തൂലികാ നാമത്തില്‍ അറിയപ്പെടുന്ന ജര്‍മന്‍ മലയാളി എഴുത്തുകാരന്‍ എഡ്വേര്‍ഡ് നസ്രത്ത് രചിച്ച 'നത്താള്‍ രാത്രിയില്‍' എന്ന പുസ്തകം പ്രമുഖ സാഹിത്യകാരന്‍ ഡോ. ജോര്‍ജ് ഓണക്കൂര്‍ പ്രകാശനം ചെയ്തു.

കൊല്ലം, കാവനാട് മുക്കാട് പാരിഷ് ഹാളില്‍ നടന്ന ചടങ്ങില്‍ സാഹിത്യകാരന്‍ പോള്‍ സക്കറിയ അധ്യക്ഷത വഹിച്ചു. ഡോ. പ്രസന്ന രാജന്‍, ഡോ. മുഞ്ഞിനാട് പത്മകുമാര്‍, സാബു ജേക്കബ്, അനില്‍കുമാര്‍ വേഗ, ഫാ. ജോസ് നെറ്റോ, ഫാ. ഷാജി ജര്‍മന്‍, കൌണ്‍സിലര്‍ സ്റാന്‍ലി വിന്‍സെന്റ്, സജീവ് പരശിവിള എന്നിവര്‍ ആശംസകള്‍ നേര്‍ന്നു. നിരവധി സാഹിത്യകാരന്മാരും നാട്ടുകാരും ചടങ്ങില്‍ പങ്കെടുത്തു. ചടങ്ങില്‍ പ്രദീപ് മാര്‍ട്ടിന്‍ സ്വാഗതവും എഡ്വേര്‍ഡ് നസ്രത്ത് നന്ദിയും പറഞ്ഞു.

ജര്‍മന്‍ ജീവിതപശ്ചാത്തലത്തില്‍ പ്രവാസ മുഖച്ഛായയുള്ള കഥകളുടെ നേരാഖ്യാനവും വ്യതിരിക്താനുഭവങ്ങളുടെ സംവേദനവുമാണ് പുസ്തകത്തിന്റെ ഉള്ളടക്കം. നാല്‍പ്പതോളം കഥകള്‍ അടങ്ങിയ പുസ്തകം കോട്ടയം ഡോണ്‍ ബുക്സാണു പ്രസിദ്ധീകരിച്ചത്. എന്‍ബിഎസ് ബുക്സ് സ്റാളുകളില്‍ ഈ പുസ്തകം ലഭ്യമാണ്.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.