അയര്‍ലന്‍ഡില്‍ റവ. ഡോ. കുര്യന്‍ പുരമഠത്തില്‍ നയിക്കുന്ന ധ്യാനത്തിനു തുടക്കമായി
Monday, March 30, 2015 7:31 AM IST
ഡബ്ളിന്‍: സീറോ മലബാര്‍ സഭയുടെ ആഭിമുഖ്യത്തില്‍ പ്രശസ്ത വചനപ്രഘോഷകനും കൌണ്‍സിലിംഗ് സൈക്കോളജിസ്റ്റുമായ റവ. ഡോ. കുര്യന്‍ പുരമഠത്തില്‍ നയിക്കുന്ന ധ്യാനത്തിനു അയര്‍ലന്‍ഡില്‍ തുടക്കമായി.

കോര്‍ക്ക് വില്‍ട്ടന്‍ സെന്റ് ജോസഫ്സ് ദേവാലയത്തില്‍ ആരംഭിച്ച ധ്യാനം മാര്‍ച്ച് 31നു സമാപിക്കും. തുടര്‍ന്ന് ഏപ്രില്‍ രണ്ടു മുതല്‍ നാലു വരെ ഡബ്ളിന്‍ താല ഫെറ്റര്‍കൈന്‍ ചര്‍ച്ച് ഓഫ് ഇന്‍കാര്‍നേഷന്‍ ദേവാലയത്തില്‍ ധ്യാനം നടക്കും. ഡബ്ളിനില്‍ രാവിലെ ഒന്‍പതു മുതല്‍ വൈകുന്നേരം 5.30 വരെയാണ് ധ്യാനം.

കോര്‍ക്കില്‍ രാവിലെ 10.30 മുതല്‍ വൈകുന്നേരം അഞ്ചുവരെയാണ് ധ്യാനം. ഇവിടെ നടക്കുന്ന ധ്യാനത്തില്‍ നൂറുകണക്കിനു വിശ്വാസികളാണു പങ്കെടുക്കുന്നത്.

കോര്‍ക്കില്‍ നടന്ന ഓശാന തിരുനാള്‍ തിരുകര്‍മങ്ങള്‍ക്കു റവ. ഡോ. കുര്യന്‍ പുരമഠത്തില്‍, ഫാ. ഫ്രാന്‍സിസ് ജോര്‍ജ് നീലങ്കാവില്‍ എന്നിവര്‍ കാര്‍മികത്വം വഹിച്ചു.

റിപ്പോര്‍ട്ട്: ജയ്സണ്‍ കിഴക്കയില്‍
Copyright @ 2022 , Rashtra Deepika Ltd.