പാരീസ് മോഡല്‍ ആക്രമണ പദ്ധതി ബല്‍ജിയന്‍ പോലീസ് തകര്‍ത്തു
Friday, January 16, 2015 10:03 AM IST
ബ്രസല്‍സ്: ബ്രസല്‍സില്‍ ഒരു ലോക്കല്‍ പോലീസ് സ്റേഷന്‍ ആക്രമിക്കാനുള്ള ഇസ്ലാമിക് സ്റേറ്റ് തീവ്രവാദികളുടെ ശ്രമം പോലീസ് തകര്‍ത്തു. തോക്കുധാരികളായ രണ്ട് ഭീകരരെ കമാന്‍ഡോകള്‍ വെടിവച്ചു വീഴ്ത്തുകയായിരുന്നു.

നേരത്തേ തന്നെ പോലീസിന്റെ നിരീക്ഷണത്തിലുണ്ടായിരുന്നവരാണ് ആക്രമണത്തിനെത്തിയത്. സിറിയയില്‍ ഭീകര പ്രവര്‍ത്തനം നടത്തിവരുകയായിരുന്ന ഇവര്‍ കഴിഞ്ഞ ആഴ്ചയാണ് സ്വന്തം നാട്ടില്‍ തിരിച്ചെത്തിയത്.

പോലീസ് സ്റേഷന് അടുത്തുള്ളവര്‍ വെടിയൊച്ചകളും സ്ഫോടന ശബ്ദങ്ങളും കേട്ടും ചിലര്‍, മാസ്ക് ധരിച്ച കമാന്‍ഡോകള്‍ ഭീകരരെ നേരിടുന്നതും കണ്ടുവത്രെ.

രണ്ട് ഭീകരരും വെടിയേറ്റു മരിച്ചെങ്കിലും മൂന്നാമതൊരാളെ ജീവനോടെ അറസ്റ് ചെയ്യാന്‍ പോലീസിനു സാധിച്ചു. ഒരു ഭീകര സംഘടനയുമായുള്ള ബന്ധം ഇയാള്‍ സമ്മതിക്കുകയും ചെയ്തു.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.