എത്തിയാദ് എയര്‍ലൈന്‍സ് ഇറ്റലിയുടെ അലിറ്റാലിയ എയര്‍ലൈന്‍സ് ഏറ്റെടുക്കുന്നു
Saturday, November 15, 2014 8:21 PM IST
ഫ്രാങ്ക്ഫര്‍ട്ട്: അബുദാബി കേന്ദ്രമായി പ്രവര്‍ത്തിക്കുന്ന യുഎഇ എയര്‍ലൈന്‍സായ എത്തിയാദ് എയര്‍ലൈന്‍സ് ഇറ്റാലിയന്‍ എയര്‍ലൈന്‍സ് അലിറ്റാലിയായുടെ 49 ശതമാനം ഷെയര്‍ ഏറ്റെടുക്കുന്നു. ഇതിനുള്ള അനുമതി യൂറോപ്യന്‍ കമ്മീഷന്‍ ഇന്നലെ നല്‍കി. ഇതോടെ എത്തിയാദ് എയര്‍ലൈന്‍സ് അതിന്റെ ലോകവ്യാപകമായ ബിസിനസ് വര്‍ധിപ്പിച്ചുകൊണ്ടിരിക്കുന്നു.

അലിറ്റാലിയ എയര്‍ലൈന്‍സ് ഏറ്റെടുക്കുകവഴി ഇന്ത്യയില്‍ നിന്നുള്ള യാത്രക്കാര്‍ക്ക് ഇറ്റലി, മറ്റ് യൂറോപ്യന്‍ രാജ്യങ്ങള്‍, തെക്കേ അമേരിക്കാ എന്നിവിടങ്ങളിലേക്ക് കൂടുതല്‍ കണക്ഷന്‍ ഫ്ളൈറ്റുകള്‍കള്‍ക്ക് അവസരമൊരുങ്ങും. യൂറോപ്യന്‍ യാത്രക്കാര്‍ക്കും പ്രവാസികള്‍ക്കും അലിറ്റാലിയ ഫ്ളൈറ്റുകള്‍ ഉപയോഗിച്ച് അബുദാബിയില്‍ എത്തി ഇന്ത്യയിലേക്ക് പറക്കാം. എത്തിയാദ് എയര്‍ലൈന്‍സ് അന്തരാഷ്ട്ര നിലവാരത്തില്‍ പുതിയ എയര്‍ലൈന്‍സ് സഖ്യം രൂപീകരിച്ചതിന് തൊട്ടു പിന്നാലെയാണ് 49 ശതമാനം അലിറ്റാലിയയുടെ ഏറ്റെടുക്കല്‍. ഇപ്പോള്‍ സഖ്യത്തില്‍ എത്തിയാദ് ഉള്‍പ്പെടെ ആറ് എയര്‍ലൈന്‍സ് ആണുള്ളത്.

റിപ്പോര്‍ട്ട്: ജോര്‍ജ് ജോണ്‍
Copyright @ 2022 , Rashtra Deepika Ltd.