നീണ്ടൂര്‍ സംഗമത്തിനായുള്ള ഒരുക്കങ്ങള്‍ പൂര്‍ത്തിയായി
Friday, October 3, 2014 6:14 AM IST
ലണ്ടന്‍: നീണ്ടൂര്‍ സംഗമത്തിന്റെ ഒമ്പതാമത് വാര്‍ഷികാഘോഷങ്ങള്‍ക്കുള്ള ഒരുക്കങ്ങള്‍ പൂര്‍ത്തിയായി. ഒക്ടോബര്‍ നാല്, അഞ്ച് തീയതികളില്‍ നടക്കുന്ന സംഗമം ഇക്കുറി സോമര്‍സെറ്റിലെ പോര്‍ട്ടണ്‍ ക്യാമ്പിലാണ് നടക്കുന്നത്.

നാലിന് (ശനി) രാവിലെ 11 ന് രജിസ്ട്രേഷന്‍ ആരംഭിക്കും. വിവിധ ഇന്‍ഡോര്‍, ഔട്ട്ഡോര്‍ ഗയിമുകള്‍, കലാകായിക മത്സരങ്ങള്‍, നീണ്ടൂരിനെ കുറിച്ചുള്ള ഡോക്കുമെന്ററി പ്രദര്‍ശനം എന്നിങ്ങനെ വിപുലമായ ഒരുക്കങ്ങള്‍ ആണ് സംഘാടകര്‍ ഒരുക്കിയിരിക്കുന്നത്.

അഞ്ചിന് (ഞായര്‍) രാവിലെ 11 ന് നടക്കുന്ന പൊതുയോഗത്തില്‍ നീണ്ടൂര്‍ ഗ്ളോബല്‍ പ്രവാസി പ്രസിഡന്റ് ഏബ്രഹാം കല്ലിടാന്തിയില്‍, ബ്രാഡ്ലി സ്റോക്ക്, കൌണ്‍സിലര്‍ ടോം ആദിത്യ എന്നിവര്‍ മുഖ്യാഥിതികള്‍ ആയിരിക്കും.

പൊതുയോഗത്തില്‍ നീണ്ടര്‍ സംഗമത്തിന്റെ ദശാബ്ദി സ്മരണിക പുറത്തിറക്കും. അതോടൊപ്പം അടുത്തവര്‍ഷം വിപുലമായി ആഘോഷിക്കുന്ന നീണ്ടൂര്‍ സംഗമത്തിന്റെ ദശാബ്ദി ആഘോഷങ്ങള്‍ക്ക് തുടക്കം കുറിക്കുകയും അതിലേയ്ക്കായി പ്രത്യേക കമ്മിറ്റിയെ തെരഞ്ഞെടുക്കുകയും ചെയ്യും.

ഢലിൌ അററൃല: ആഅഞഠഛണ ഇഅങജ, ണകചടഇഛങആഋ, ചഛഞഠഒ ടഛങഋഞടഋഠ, ആട 25 1 ഉഥ.

റിപ്പോര്‍ട്ട്: സാബു ചുണ്ടക്കാട്ടില്‍
Copyright @ 2022 , Rashtra Deepika Ltd.