ഡബ്ളിന്‍ സീറോ മലബാര്‍ സഭ രണ്ടാമത് ബൈബിള്‍ കലോത്സവം സെപ്റ്റംബര്‍ 28ന്
Wednesday, September 24, 2014 6:07 AM IST
ഡബ്ളിന്‍: സീറോ മലബാര്‍ സഭയുടെ രണ്ടാമത് ബൈബിള്‍ കലോത്സവം സെപ്റ്റംബര്‍ 28ന് (ഞായര്‍) ഉച്ചകഴിഞ്ഞ് 1.30 ന് ബൂമൌണ്ട്ആര്‍ട്ടൈന്‍ ഹാളില്‍ ഇന്ത്യന്‍ അംബാസഡര്‍ രാധിക ലാല്‍ ലോകേഷ് തിരി തെളിയിക്കും. ഡബ്ളിന്‍ അതിരൂപത മോഡറേറ്റര്‍ മോണ്‍. പോള്‍ കല്ലന്‍ സമ്മേളനത്തില്‍ അധ്യക്ഷത വഹിക്കും. തുടര്‍ന്ന് ഏഴുവരെ കലാപരിപാടികള്‍ അരങ്ങേറും.

ബൈബിള്‍ കലോത്സവവേദിയില്‍ ബൈബിള്‍ ക്വിസ് 2013 ല്‍ മൂന്ന് വിഭാഗങ്ങളിലായി 1,2,3 സ്ഥാനം നേടിയവര്‍ക്കുള്ള സമ്മാനദാനം വിതരണം ചെയ്യും.

സീറോ മലബാര്‍ സഭയിലെ വളര്‍ന്നു വരുന്ന പ്രതിഭകളെ ആദരിക്കുവാനും ഈഅവസരം വിനിയോഗിക്കുന്നതാണ്. ജൂനിയര്‍ സെര്‍ട്ട്, ലീവിംഗ് സെര്‍ട്ട് എന്നിവയില്‍ ഹയര്‍ ലെവലില്‍ മികച്ച പ്രകടനം കാഴ്ചവച്ചവരെ തദവസരത്തില്‍ ആദരിക്കും. ലിവിംഗ് സെര്‍ട്ടില്‍ 500 നുമുകളില്‍ പോയിന്റ്സ് നേടിയവരെയും ജൂണിയര്‍ സെര്‍ട്ട് ഹയര്‍ ഗ്രേയ്ഡില്‍ ഉന്നത നിലവാരം പുലര്‍ത്തിയ മൂന്നു പേരെയും ആദരിക്കും. യോഗ്യരായ കുട്ടികളുടെ മാതാപിതാക്കള്‍ മക്കളുടെ സര്‍ട്ടിഫിക്കറ്റിന്റെ കോപ്പി സീറോ മലബാര്‍ ചാപ്ളെയിന്‍സിനെ ഏല്‍പ്പിക്കേണ്ടതാണ്.

ബൈബിള്‍ കലോല്‍സവത്തില്‍ പങ്കുചേര്‍ന്ന് കൂട്ടായ്മയില്‍ ആഴപെടാനും ദൈവ ഐക്യത്തില്‍ ഒന്നുചേരുവാനും വിശ്വാസികള്‍ ഏവരെയും ഞായറാഴ്ച ബുമൊണ്ട് ആര്‍ട്ടൈന്‍ ഹാളിലേക്ക് സ്വാഗതം ചെയ്യുന്നതായി സീറോ മലബാര്‍ സഭ ഡബ്ളിന്‍ ചാപ്ളെയിന്‍സ് ഫാ. ജോസ് ഭരണികുളങ്ങര, ഫാ. മനോജ് പൊന്‍കാട്ടില്‍ എന്നിവര്‍ അറിയിച്ചു.
Copyright @ 2022 , Rashtra Deepika Ltd.