ട്രിമ്മില്‍ മാര്‍തോമാ ശ്ളീഹായുടെ ഓര്‍മപെരുന്നാള്‍ ജൂലൈ നാല്, അഞ്ച് തീയതികളില്‍
Monday, June 30, 2014 7:54 AM IST
ട്രിം (അയര്‍ലന്‍ഡ്): ഭാരതത്തിന്റെ കാവല്‍ പിതാവായ മാര്‍തോമാ ശ്ളീഹായുടെ ഓര്‍രപെരുന്നാള്‍ മഹാ പരിശുദ്ധന്റെ നാമത്തില്‍ സ്ഥാപിതമായിരിക്കുന്ന സെന്റ് തോമസ് സിറിയന്‍ ഓര്‍ത്തഡോക്സ് കോണ്‍ഗ്രിഗേഷനില്‍ ജൂലൈ നാല്, അഞ്ച് (വെള്ളി, ശനി) തീയതികളില്‍ ആഘോഷിക്കുന്നു.

കൌണ്ടി മിത്തിലെ ട്രിമ്മില്‍ സെന്റ് ലോമന്‍സ് സ്ട്രീറ്റിലുള്ള സെന്റ് പാട്രിക്സ് പള്ളിയിലാണ് പെരുന്നാള്‍ ശുശ്രൂഷകള്‍. മാര്‍തോമാ ശ്ളീഹായുടെ നാമത്തില്‍ അയര്‍ലന്‍ഡിലുള്ള ഏക സിറിയന്‍ ഓര്‍ത്തഡോക്സ് ദേവാലയമാണ് ട്രിം സെന്റ് തോമസ് സിറിയന്‍ ഓര്‍ത്തൊഡോക്സ് കോണ്‍ഗ്രിഗേഷന്‍.

പെരുന്നാള്‍ ശുശ്രൂഷകളിലേക്ക് ഏവരേയും സ്വാഗതം ചെയ്യുന്നതായി വികാരിയും ഭരണ സമിതി അംഗങ്ങളും അറിയിച്ചു.

കൂടുതല്‍ വിവരങ്ങള്‍ക്ക്: 0876315962, 0899515473, 0879960950.
Copyright @ 2022 , Rashtra Deepika Ltd.