ഫരീദാബാദ് ഡിവൈനിൽ പന്തക്കുസ്താ മഹോത്സവത്തിന് തുടക്കമായി
Friday, May 10, 2024 10:12 PM IST
ന്യൂഡൽഹി: ഫരീദാബാദ് ഡിവൈൻ ആശ്രമത്തിൽ പന്തക്കുസ്താ മഹോത്സവത്തിന് തുടക്കമായി. ഡൽഹി അതിരൂപത സഹായമെത്രാൻ ഡോ. ദീപക് വലേറിയൻ ഉദ്ഘാടനം ചെയ്ത മഹോത്സവത്തിൽ ഡൽഹിയുടെ വിവിധ ഭാഗങ്ങളിൽനിന്നുള്ള നൂറുകണക്കിനാളുകൾ പങ്കെടുത്തുവരുന്നു.

എല്ലാ ദിവസവും രാവിലെ 9.30 മുതൽ ഉച്ചകഴിഞ്ഞ് മൂന്നു വരെയുള്ള ശുശ്രൂഷയിൽ വിശുദ്ധ കുർബാന, കുന്പസാരം, വചനശുശ്രൂഷ, ആരാധന എന്നിവ ഉണ്ടായിരിക്കും. ശുശ്രൂഷയിൽ പങ്കെടുക്കുന്നവർക്കായി സൗജന്യ ഭക്ഷണവും താമസസൗകര്യവും ഒരുക്കിയിട്ടുണ്ട്.

സമാപനദിനമായ 18ന് രാവിലെ ഒന്പതിന് ആരംഭിക്കുന്ന ശുശ്രൂഷകൾ രാത്രി പന്തക്കുസ്താ ജാഗരണ പ്രാർത്ഥനയോടെ സമാപിക്കും. ഡൽഹിയിലെ വിവിധ പ്രദേശങ്ങളിൽനിന്ന് എത്തുന്നവർക്കായി വാഹനസൗകര്യം ക്രമീകരിച്ചിട്ടുണ്ട്.
Copyright @ 2022 , Rashtra Deepika Ltd.