മോശം പെരുമാറ്റം: സഞ്ജവിന് താക്കീത്, അച്ഛന് വിലക്ക്
Thursday, January 12, 2017 1:08 PM IST
തിരുവനന്തപുരം: മോശം പെരുമാറ്റത്തിന്റെ പേരിൽ വിക്കറ്റ്കീപ്പർ ബാറ്റ്സ്മാൻ സഞ്ജു. വി. സാംസണ് കേരള ക്രിക്കറ്റ് അസോസിയേഷന്റെ(കെസിഎ) താക്കീത്. കെസിഎ നിയോഗിച്ച അച്ചടക്ക സമിതിയുടെ റിപ്പോർട്ടിന്റെ അടിസ്‌ഥാനത്തിലാണ് നടപടി. സഞ്ജു ഇനി കർശന നിരീക്ഷണത്തിലായിരിക്കും. സഞ്ജു തെറ്റുകൾ ആവർത്തിക്കത്തില്ലെന്നു എഴുതി നൽകിയതായും കെസിഎ അറിയിച്ചു.

സഞ്ജുവിന്റെ അച്ഛൻ സാംസൺ വിശ്വനാഥനെതിരെ കെസിഎ വിലക്ക് ഏർപ്പെടുത്തി. പരിശീലകർ, കെസിഎ ഭാരവാഹികൾ എന്നിവരുമായും ഇടപഴകാൻ പാടില്ല. മത്സരം നടക്കുന്ന മൈതാനങ്ങളിലോ പരിശീലന നടക്കുന്ന സ്‌ഥലങ്ങളിലോ അനുമതിയില്ലാതെ സാംസൺ പ്രവേശിക്കരുതെന്നും കെസിഎ നിർദേശിച്ചു.

മുംബൈയിൽ ഗോവയ്ക്കെതിരെ നടന്ന രഞ്ജി ട്രോഫി ക്രിക്കറ്റ് മത്സരത്തിനിടെയാണ് സഞ്ജു അച്ചടക്ക ലംഘനം നടത്തിയത്. ഇതാണ് കടുത്ത നടപടിയിലേക്ക് വഴിവച്ചത്. മത്സരത്തിന്റെ രണ്ടാം ഇന്നിംഗ്സിൽ പൂജ്യത്തിന് പുറത്തായ സഞ്ജു ബാറ്റ് തല്ലിതകർക്കുകയും ആരോടും പറയാതെ മുറി വിട്ടു പുറത്തപോയെന്നുമാണ് പരാതി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.