Kerala News
ബസ് സമരം: വേതനം നിഷേധിക്കാന്‍ അനുവദിക്കില്ല: ഷിബു ബേബിജോണ്‍
ബസ് സമരം: വേതനം നിഷേധിക്കാന്‍ അനുവദിക്കില്ല: ഷിബു ബേബിജോണ്‍
Monday, September 9, 2013 10:58 PM IST
തിരുവനന്തപുരം: സംസ്ഥാനത്തു സ്വകാര്യ ബസ് ഉടമകള്‍ നടത്തുന്ന സമരത്തിന്റെ പേരില്‍ തൊഴിലാളികള്‍ക്കു വേതനം നിഷേധിക്കാന്‍ ഒരു സ്വകാര്യബസ് മാനേജ്മെന്റിനേയും അനുവദിക്കില്ലെന്നു തൊഴില്‍-പുനരധിവാസ മന്ത്രി ഷിബു ബേബിജോണ്‍ അറിയിച്ചു.

ഏതെങ്കിലും സ്വകാര്യബസ് മാനേജ്മെന്റ് ഇത്തരത്തില്‍ പ്രവര്‍ത്തിച്ചാല്‍ ശക്തമായ നടപടികള്‍ സ്വീകരിക്കാന്‍ തൊഴില്‍വകുപ്പ് ഉദ്യോഗസ്ഥര്‍ക്കു നിര്‍ദേശം നല്‍കിയതായും മന്ത്രി ഷിബു ബേബിജോണ്‍ പറഞ്ഞു. ഗതാഗത മന്ത്രി ആര്യാടന്‍ മുഹമ്മദുമായി നടത്തിയ ചര്‍ച്ചയുടെ അടിസ്ഥാനത്തിലാണ് ഈ തീരുമാനം കൈക്കൊണ്ടത്.


സ്വകാര്യബസ് പണിമുടക്ക് കാരണം ഉണ്ടാകുന്ന തൊഴില്‍ദിനങ്ങളുടെ നഷ്ടത്തിന്റെ പേരില്‍ തൊഴിലാളികളുടെ വേതനം തടഞ്ഞുവയ്ക്കാനോ കുറയ്ക്കാനോ പാടില്ല. അതുണ്ടായാല്‍ 1936-ലെ പേമെന്റ് ഓഫ് വേജസ് ആക്ട് പ്രകാരവും 1971-ലെ കേരള മോട്ടോര്‍ ട്രാന്‍സ്പോര്‍ട്ട് വര്‍ക്കേഴ്സ് ഫെയര്‍വേജസ് ആക്ട് പ്രകാരവും നിയമ നടപടികള്‍ സ്വീകരിക്കുമെന്നും മന്ത്രി ഷിബു ബേബിജോണ്‍ അറിയിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.