കാഞ്ഞിരപ്പള്ളി: എല്ഡിഎഫ് സ്ഥാനാര്ഥി ഡോ. തോമസ് ഐസക് കാഞ്ഞിരപ്പള്ളി മണ്ഡലത്തില് സ്വീകരണപര്യടനം നടത്തി. വെള്ളാവൂര് പഞ്ചായത്തിലെ ചില്ലാക്കുന്നില്നിന്നും ആരംഭിച്ച പര്യടനം സെബാസ്റ്റ്യന് കുളത്തുങ്കല് എംഎല്എ ഉദ്ഘാടനം ചെയ്തു.
സിപിഐ ലോക്കല് സെക്രട്ടറി ബാബു ജോണ് അധ്യക്ഷത വഹിച്ചു. മണിമല, കാഞ്ഞിരപ്പള്ളി പഞ്ചായത്തുകളിലെ വിവിധ കേന്ദ്രങ്ങളില് പര്യടനം നടത്തി വൈകുന്നേരം പട്ടിമറ്റത്ത് സമാപിച്ചു. യുവതീ-യുവാക്കള് അണിനിരന്ന നൂറ് കണക്കിന് ഇരുചക്ര വാഹനങ്ങളുടെ അകമ്പടിയോടെയാണ് സ്ഥാനാര്ഥി ഓരോ സ്വീകരണ കേന്ദ്രത്തിലും എത്തിയത്.
പുസ്തകങ്ങളും പൂക്കളും നൽകിയാണ് സ്ഥാനാര്ഥിയെ വരവേറ്റത്. വിവിധ കേന്ദ്രങ്ങളില് ഗവ. ചീഫ് വിപ്പ് ഡോ. എന്. ജയരാജ്, എല്ഡിഎഫ് നേതാക്കളായ കെ.ജെ. തോമസ്, വി.കെ. കരുണാകരന്, കെ.എം. രാധാകൃഷ്ണന്, ഗിരിഷ് എസ്. നായര്, ഷെമിം അഹമ്മദ്,
പി.എ. ഷാനവാസ്, തങ്കമ്മ ജോര്ജ് കുട്ടി, എം.എം. മാത്യു ആനിത്തോട്ടം, ഹേമലത പ്രേം സാഗര്, ജെസി ഷാജന്, വി.ജി. ലാല്, പി.എ. താഹ , ഷെമീര്ഷാ, കെ.എച്ച്. റെസാഖ്, ബി. സുരേഷ്കുമാര്, രാജന് ചെറുകാപ്പള്ളില് തുടങ്ങിയവര് പ്രസംഗിച്ചു.