ഇരിട്ടി: കണ്ണൂരിലെ ഏറ്റവും വലിയ ടെക്സ്റ്റൈൽ സെഞ്ച്വറി ഫാഷൻ സിറ്റിയുടെ ഇരിട്ടി ഷോറൂം ഉദ്ഘാടനത്തിനൊരുങ്ങി. 26ന് രാവിലെ 11ന് എംഎൽഎമാരായ സണ്ണി ജോസഫ്, കെ.കെ. ശൈലജ, സജീവ് ജോസഫ് എന്നിവർ ചേർന്ന് ഉദ്ഘാടനം നിർവഹിക്കും. സാരി, ലഹങ്ക സെക്ഷൻ ഉദ്ഘാടനം മുനിസിപ്പൽ ചെയർപേഴ്സൺ കെ. ശ്രീലതയും ജെൻസ് സെക്ഷൻ ഉദ്ഘാടനം കേരള വ്യാപാരി വ്യവസായി ഏകോപന സമിതി സംസ്ഥാന ജനറൽ സെക്രട്ടറി ദേവസ്യ മേച്ചേരിയും നിർവഹിക്കും. എല്ലാത്തരം വസ്ത്രങ്ങൾക്കും പുറമെ ഫൂട്ട്‌വെയർ, ഫാൻസി, കോസ്മറ്റിക്സ്, ബ്യൂട്ടിപാർലർ എന്നിവയ്ക്ക് പ്രത്യേകം വിഭാഗങ്ങൾ ഇരിട്ടി മെഗാ ഷോറൂമിൽ ഒരുക്കിയിട്ടുണ്ട്.
കാഞ്ചീപുരം, ബനാറസ്, പോച്ചംപള്ളി, ജയ്പൂർ, വാരണാസി, കോൽക്കൊത്ത, സിൽക്ക് കല്യാണ സാരികളുടെ ഒരു വലിയ ശേഖരമാണ് സെഞ്ച്വറി ഫാഷൻ സിറ്റിയുടെ വെഡ്ഡിംഗ് ഫ്ളോറിനെ സവിശേഷമാക്കുന്നത്. കൂടാതെ ജെൻസ്, കിഡ്സ് ഫാഷൻ വസ്ത്രങ്ങൾ, ചുരീദാർ, ചുരീദാർ മെറ്റീരിയലുകൾ എന്നിവയുടെ ജില്ലയിലെങ്ങും ലഭിക്കാത്ത വലിയ ശേഖരവും പയഞ്ചേരി മുക്കിലെ ഈ മെഗാഷോറൂമിൽ ഒരുങ്ങിയിരിക്കുന്നു.
ഉത്തര കേരളത്തിലെ ഏറ്റവും വലിയ വസ്ത്ര വ്യാപാര ശൃംഖലയായ സെഞ്ച്വറിക്ക് കണ്ണൂർ, തലശേരി, തളിപ്പറന്പ്, പയ്യന്നൂർ, ഇരിട്ടി, ശ്രീകണ്ഠപുരം, സുൽത്താൻ ബത്തേരി, മാനന്തവാടി എന്നിവിടങ്ങളിൽ ഷോറൂമുകളുണ്ട്. ഈവർഷം ഓണത്തോടനുബന്ധിച്ച് തലശേരി എ.വി.കെ. നായർ റോഡിൽ സെഞ്ച്വറിയുടെ മെഗാഷോറൂം പ്രവർത്തനം ആരംഭിക്കും. ഡിസംബറിൽ കോഴിക്കോട് ജില്ലയിലെ വടകരയിലും 2024 ൽ കാസർഗോഡ് ജില്ലയിലെ കാഞ്ഞങ്ങാടും പുതിയ മെഗാ ഷോറൂമുകൾ ആരംഭിക്കും.
ഇരിട്ടിയിലെ മെഗാ ഷോറൂമിന് വിശാലമായ കാർ പാർക്കിംഗ് സൗകര്യമുണ്ട്. ഉദ്ഘാടനത്തോടനുബന്ധിച്ച് നറുക്കെടുപ്പിലൂടെ ഒരു ഭാഗ്യശാലിക്ക് ഒരുലക്ഷം രൂപ സമ്മാനമായി നൽകുമെന്ന് പി. അഷ്റഫ് ഹാജി, പി. സിദ്ദിഖ്, പി. ഇബ്രാഹിം, പി. അബ്‌ദുൾ നാസർ, പി. ഫിറോസ്, പി.ഫസൽ, പി. റാസിഖ്, പി. മുഹമ്മദ് ഷൈലാജ്, ഷായിഫ് സിദ്ദീഖ്, ഫറാസ് മുഹമ്മദ്, പി. അബ്‌ദുൾ റഷീദ് എന്നിവർ അറിയിച്ചു. ഇന്ത്യയിലെ ഏറ്റവും മികച്ച കന്പനികളുടെ ഏറ്റവും പുതിയ ഫാഷനിലുള്ള വസ്ത്രങ്ങൾ ഏറ്റവും കുറഞ്ഞ വിലയിലും എസ്കലേറ്റര് സൗകര്യവും സെഞ്ച്വറി ഫാഷൻ സിറ്റിയുടെ ഇരിട്ടി മെഗാ ഷോറൂമിന്‍റെ പ്രത്യേകതയാണ്.