തിരുവനന്തപുരം : വട്ടിയൂർക്കാവ് യൂത്ത് ബ്രിഗേഡിന്റെ (വൈബ്) നേതൃത്വത്തിലുള്ള ഫ്ലീ മാർക്കറ്റിന്റെ പ്രവർത്തനം ഇന്ന് അവസാനിക്കും. വൈകുന്നേരം ആറിന് നടക്കുന്ന സമാപന സമ്മേളനം മുൻ മന്ത്രി ഡോ.ടി.എം.തോമസ് ഐസക് ഉദ്ഘാടനം ചെയ്യും.
വി.കെ.പ്രശാന്ത് എംഎൽ
എ അധ്യക്ഷതവഹിക്കും. വൈബ് സംഘടിപ്പിച്ച മൂന്നാമത്തെ ഫ്ലീമാർക്കറ്റിൽ അഞ്ചു ലക്ഷം രൂപ വരെ വില വരുന്ന വിവിധ സാധനങ്ങളാണ് നാമമാത്രമായ ഹാൻഡിലിംഗ് ചാർജ് മാത്രം വാങ്ങി കൈമാറ്റം ചെയ്യപ്പെട്ടത്. കട്ടിൽ, ട്രഡ് മിൽ, ടി.വി, ഫ്രിഡ്ജ്, ബി.പി അപ്പാരറ്റസ്, സൈക്കിൾ, ക്ലോക്കുകൾ, കളിപ്പാട്ടങ്ങൾ, തുണിത്തരങ്ങൾ, ഹോം തയറ്റർ, വാക്വം ക്ലീനർ, ബാഗുകൾ, സ്യൂട്ട്കെയ്സുകൾ, ഷെൽഫുകൾ, പാത്രങ്ങൾ, അലങ്കാര വസ്തുക്കൾ, ഫർണിച്ചറുകൾ, പുസ്തകങ്ങൾ, തയ്യൽ മെഷീൻ തുടങ്ങി നിരവധി സാധനങ്ങളാണ് ഫ്ലീമാർക്കറ്റിൽ എത്തിയത്. എല്ലാ ദിവസവും പ്രവർത്തിക്കുന്ന സ്ഥിരം സംവിധാനമായി ഇതിനെ മാറ്റിയെടുക്കാനാണ് വൈബ് പദ്ധതിയിടുന്നതെന്ന് വി.കെ. പ്രശാന്ത് എംഎല്എ പറഞ്ഞു.