ഗൂഗിള്‍ ക്രോമില് ഗുരുതര സുരക്ഷാ പ്രശ്‌നം!
Wednesday, August 28, 2024 5:20 PM IST
ഗൂഗിള്‍ ക്രോമില് ഗുരുതര സുരക്ഷാ പ്രശ്‌നങ്ങളുണ്ടെന്ന മുന്നറിയിപ്പുമായി ഇന്ത്യന്‍ സര്‍ക്കാര്‍. ക്രോം ബ്രൗസറിന്‍റെ ഡെസ്‌ക്ടോപ്പ് ഉപഭോക്താക്കള്‍ക്ക് കമ്പ്യൂട്ടര്‍ എമര്‍ജന്‍സി റെസ്‌പോണ്‍സ് ടീം (സേര്‍ട്ട്ഇന്‍) ആണ് മുന്നറിയിപ്പ് നല്‍കിയിരിക്കുന്നത്.
നിരവധി സുരക്ഷാ പഴുതുകള്‍ ബ്രൗസറിലുണ്ടെന്ന് സേര്‍ട്ട് ഇന്‍ വിദഗ്ദര്‍ പറയുന്നു. അവ ദുരുപയോഗം ചെയ്താല്‍ കമ്പ്യൂട്ടറുകളുടെ നിയന്ത്രണം കയ്യടക്കാന്‍ ഹാക്കര്‍മാര്‍ക്ക് സാധിക്കും.
ഗൂഗിള്‍ ക്രോമിന്റെ കോഡ് ബേസിലാണ് പ്രശ്‌നം കണ്ടെത്തിയത്. ഇതിന്‍റെ വിശദാംശങ്ങള്‍ സെര്‍ട്ട് ഇന്‍ പുറത്തിറക്കിയ വള്‍നറബിലിറ്റി നോട്ട് സിഐവിഎന്‍ 2024 0231 ല്‍ വിശദമാക്കിയിട്ടുണ്ട്.
വിന്‍ഡോസ്, മാക്ക് ഓഎസ് എന്നിവയിലെ ഗൂഗിള്‍ ക്രോം 127.0.6533.88/89 മുമ്പുള്ള വേര്‍ഷന് മുമ്പുള്ളവയിലും ലിനകസ് ഗൂഗിള്‍ ക്രോമിലെ 127.0.6533.88 വേര്‍ഷന് മുമ്പുള്ളവയിലുമാണ് സുരക്ഷാ പ്രശ്‌നങ്ങളുള്ളത്.
ക്രോം ബ്രൗസറുകള്‍ ഏറ്റവും പുതിയ പതിപ്പിലേക്ക് അപ്‌ഡേറ്റ് ചെയ്യുക. അപ്‌ഡേറ്റുകള്‍ക്ക് കാലതാമസം വരാതിരിക്കാന്‍ ഓട്ടോമാറ്റിക് അപ്‌ഡേറ്റുകള്‍ ആക്ടിവേറ്റ് ചെയ്യുക തുടങ്ങിയ കാര്യങ്ങളിലൂടെ കമ്പ്യൂട്ടറുകള്‍ സുരക്ഷിതമാക്കാം.