Cinema
ദാസനെ നല്കി മറഞ്ഞ മോഹൻ രാഘവൻ
Sunday, October 15, 2017 11:42 PM IST
"​ഒ​രു ചെ​ടി ന​ട്ട് പൂ​മ​ര​മാ​കു​ന്ന​തു​വ​രെ​യു​ള്ള കാ​ത്തി​രി​പ്പ്.’- ടി.​ഡി. ദാ​സ​ൻ സ്റ്റാ​ൻഡേ​ർ​ഡ് സി​ക്സ് ബി ​എ​ന്ന സി​നി​മ പി​റ​വി​യെ​ടു​ത്ത​തി​നെ​ക്കു​റി​ച്ചു സം​വി​ധാ​യ​ക​ൻ മോ​ഹ​ൻ രാ​ഘ​വ​ൻ വി​ല​യി​രു​ത്തി​യി​രു​ന്ന​ത് ഇ​ങ്ങ​നെ​യാ​ണ്. ത​ന്‍റെ മ​ന​സി​ൽ രൂ​പം​കൊ​ണ്ട മ​ണ്ണി​ന്‍റെ മ​ണ​മു​ള്ള ക​ഥ​യു​ടെ വി​ത്ത്, മു​ള​പ്പി​ച്ചു സി​നി​മ​യാ​ക്കി മാ​റ്റാ​ൻ ഇ​ദ്ദേ​ഹം ഏ​റെ യ​ത്നി​ച്ചി​രു​ന്നു. തി​യ​റ്റു​ക​ളി​ലെ​ത്തി​യ ഈ ​ചി​ത്രം പ​ട​ർ​ന്നു പ​ന്ത​ലി​ച്ച ഒ​രു ത​ണ​ൽ​മ​ര​മെ​ന്ന​തു​പോ​ലെ പ്രേ​ക്ഷ​ക​ർ​ക്ക് നന്മ​യു​ടെ ഫ​ല​ങ്ങ​ൾ ന​ൽ​കു​ന്ന​തു​ക​ണ്ട് ഇ​ദ്ദേ​ഹം പു​ള​കി​ത​നാ​യി. ആ​ത്മ​വി​ശ്വാ​സ​ത്തോ​ടെ അ​ടു​ത്ത ചി​ത്ര​ത്തി​ന്‍റെ പ​ണി​പ്പു​ര​യി​ലേ​ക്കും നീ​ങ്ങി. പ​ക്ഷേ, ഈ ​ഒ​രൊ​റ്റ സി​നി​മ​ചെ​യ്യു​ക​യെ​ന്ന നി​യോ​ഗ​ത്തി​നു പി​ന്നാ​ലെ ജീ​വി​ത​ത്തി​ൽ​നി​ന്നും വി​ട വാ​ങ്ങാ​നാ​യി​രു​ന്നു ഇ​ദ്ദേ​ഹ​ത്തി​ന്‍റെ വി​ധി.



തൃ​ശൂ​ർ ജി​ല്ല​യി​ലെ മാ​ള​യ്ക്ക​ടു​ത്ത് അ​ന്ന​മ്മ​ന​ട സ്വ​ദേ​ശി​യാ​യി​രു​ന്നു മോ​ഹ​ൻ. തൃ​ശൂ​ർ സ്കൂ​ൾ ഓ​ഫ് ഡ്രാ​മ, മ​ധു​ര കാ​മ​രാ​ജ് യൂ​ണി​വേ​ഴ്സി​റ്റി എ​ന്നി​വി​ട​ങ്ങ​ളി​ൽ​നി​ന്നു വി​ദ്യാ​ഭ്യാ​സം. കാ​വാ​ലം നാ​രാ​യ​ണ​പ​ണി​ക്ക​ർ, ബി.​വി. കാ​ര​ന്ത് തു​ട​ങ്ങി​യ മി​ക​ച്ച നാ​ട​ക പ്ര​വ​ർ​ത്ത​ക​രു​ടെ​കൂ​ടെ​യു​ള്ള തി​യ​റ്റ​ർ അ​നു​ഭ​വ​ങ്ങ​ളാ​ണ് മോ​ഹ​ന്‍റെ ക​ലാ​രം​ഗ​ത്തെ പ്ര​വ​ർ​ത്ത​ന​ങ്ങ​ൾ​ക്ക് അ​ടി​ത്ത​റ പാ​കി​യ​ത്. ആ​ന്‍റി​ഗ​ണി, മാ​ഗ്ബ​ത്ത് തു​ട​ങ്ങി​യ നാ​ട​ക​ങ്ങ​ൾ സം​വി​ധാ​നം ചെ​യ്ത​തി​ലൂ​ടെ പ്രേ​ക്ഷ​ക​നു വേ​റി​ട്ട തി​യ​റ്റ​ർ അ​നു​ഭ​വ​ങ്ങ​ൾ പ​ക​രാ​നും ഇ​ദ്ദേ​ഹ​ത്തി​നു സാ​ധി​ച്ചി​രു​ന്നു.

ടെ​ലി​വി​ഷ​ൻ പ​രി​പാ​ടി​ക​ൾ​ക്കു തി​ര​ക്ക​ഥ ര​ചി​ച്ചു​തു​ട​ങ്ങി​യ​പ്പോ​ഴാ​ണ് മോ​ഹ​ൻ ശ്ര​ദ്ധി​ക്ക​പ്പെ​ടു​തു​ട​ങ്ങി​യ​ത്. കേ​ര​ള​ത്തി​ലെ ഉ​ൾ​നാ​ട​ൻ ഗ്രാ​മീ​ണ​പ​ശ്ചാ​ത്ത​ലം ത​ന്‍റെ തി​ര​ക്ക​ഥ​ക​ളി​ലേ​ക്കു പ​ക​ർ​ത്തു​ന്ന​തി​ൽ ഇ​ദ്ദേ​ഹം പ്ര​ത്യേ​ക താ​ൽ​പ​ര്യം കാ​ട്ടി. മി​നി​സ്ക്രീ ൻ ​പ​രി​പാ​ടി​ക​ൾ​ക്കു​വേ​ണ്ടി മോ​ഹ​ൻ ര​ചി​ച്ച പ​ല തി​ര​ക്ക​ഥ​ക​ളും അം​ഗീ​കാ​ര​ങ്ങ​ൾ നേ​ടി. ഡ​യ​റി ഓ​ഫ് എ ​ഹൗ​സ് വൈ​ഫ് എ​ന്ന ഹ്ര​സ്വ​ചി​ത്ര​ത്തി​ന്‍റെ തി​ര​ക്ക​ഥ ദേ​ശീ​യ ശ്ര​ദ്ധ ആ​ക​ർ​ഷി​ച്ചി​രു​ന്നു.



ക​ണ്‍​മ​ഷി എ​ന്ന മ​ല​യാ​ള ചി​ത്ര​ത്തി​നു തി​ര​ക്ക​ഥാ ര​ച​ന​യി​ൽ പ​ങ്കാ​ളി​യാ​യി​ക്കൊ​ണ്ടാ​ണ് ഇ​ദ്ദേ​ഹം സി​നി​മ​യി​ലേ​ക്കെ​ത്തു​ന്ന​ത്. 2010-ലാ​ണ് ടി.​ഡി. ദാ​സ​ൻ സ്റ്റാ​ൻ​ഡേ​ർ​ഡ് സി​ക്സ് ബി​യു​ടെ സം​വി​ധാ​ന​ത്തി​ലേ​ക്കു തി​രി​യു​ന്ന​ത്. ഏ​റെ നാ​ള​ത്തെ കാ​ത്തി​രി​പ്പി​നൊ​ടു​വി​ൽ സ്വ​പ്ന​സാ​ക്ഷാ​ത്ക​ര​മെ​ന്ന​തു​പോ​ലെ​യാ​ണ് ഈ ​അ​വ​സ​രം അ​ദ്ദേ​ഹ​ത്തി​ന് ഒ​ത്തു​വ​ന്ന​ത്. തി​ര​ക്ക​ഥ​യു​മാ​യു​ള്ള ദീ​ർ​ഘ​നാ​ളു​ക​ൾ നീ​ണ്ട അ​ല​ച്ചി​ലി​നൊ​ടു​വി​ലാ​ണ് ഒ​രു നി​ർ​മാ​താ​വ് ക​നി​യു​ന്ന​ത്. പു​തു​മു​ഖ​മാ​യ​തി​നാ​ൽ ഈ ​തി​ര​ക്ക​ഥ ഉ​പ​യോ​ഗി​ച്ച് ഒ​രു ഹ്ര​സ്വ​ചി​ത്രം ഒ​രു​ക്കാ​നു​ള്ള അ​നു​വാ​ദ​മാ​ണ് ആ​ദ്യം നി​ർ​മാ​താ​വു ന​ൽ​കി​യ​ത്. ലെ​റ്റ​ർ ഫ്രം ​ദ ഹാ​ർ​ട്ട് എ​ന്ന പേ​രി​ൽ പൂ​ർ​ത്തി​യാ​ക്കി​യ ഈ ​ഈ ഹ്ര​സ്വ​ചി​ത്രം​ക​ണ്ട് സം​വി​ധാ​യ​ക​ന്‍റെ ക​ഴി​വു​ക​ൾ മ​ന​സി​ലാ​ക്കി​യ നി​ർ​മാ​താ​വ്, ഈ ​തി​ര​ക്ക​ഥ​യി​ൽ​ത​ന്നെ സി​നി​മ​യൊ​രു​ക്കാ​ൻ നി​ർ​ദേ​ശി​ക്കു​ക​യാ​യി​രു​ന്നു.

വി​ലാ​സം തെ​റ്റി​യെ​ത്തു​ന്ന ഒ​രു ക​ത്തി​ലൂ​ടെ​യാ​ണ് ടി.​ഡി. ദാ​സ​ൻ എ​ന്ന സി​നി​മ​യു​ടെ ക​ഥ വി​ക​സി​ക്കു​ന്ന​ത്. ഓ​ർ​മ​വ​യ്ക്കു​ന്ന​തി​നു​മു​ന്പ് പി​താ​വി​നെ ന​ഷ്ട​പ്പെ​ട്ട ദാ​സ​ൻ എ​ന്ന ആ​റാം​ക്ലാ​സു​കാ​ര​ൻ പാ​ല​ക്കാ​ട്ടെ ത​ന്‍റെ വീ​ട്ടി​ലി​രു​ന്ന് ബംഗ​ളൂ​രു​വിലുള്ള പി​താ​വി​നു സ്ഥി​രം ക​ത്തെ​ഴു​തു​ന്നു. എ​ന്നാ​ൽ, ദാ​സ​ന്‍റെ അ​ച്ഛ​ന​ല്ല ആ ​ക​ത്തു​ക​ൾ ല​ഭി​ക്കു​ന്ന​ത്. ബം​ഗ​ളൂരുവിലെ വാ​ട​ക​വീ​ട്ടി​ൽ ഇ​പ്പോ​ൾ താ​മ​സി​ക്കു​ന്ന പു​തി​യ താ​മ​സ​ക്കാ​ർ​ക്കാ​ണ്. ആ ​വീ​ട്ടി​ലെ ചെ​റി​യ പെ​ണ്‍​കു​ട്ടി ദാ​സ​ന്‍റെ അ​ച്ഛ​നെ​ന്ന വ്യാ​ജേ​ന മ​റു​പ​ടി​ക​ത്തു​ക​ൾ എ​ഴു​തു​ന്നു. ദാ​സ​ന് ഏ​റെ വി​ല​പി​ടി​പ്പു​ള്ള സ​മ്മാ​ന​ങ്ങ​ളാ​യി​രു​ന്നു ആ ​ക​ത്തു​ക​ൾ. സ്വ​ന്തം അ​ച്ഛ​ൻ എ​ന്നെ​ങ്കി​ലും തി​രി​ച്ചു​വ​രു​മെ​ന്ന അ​വ​ന്‍റെ പ്ര​തീ​ക്ഷ​യ്ക്ക് ആ ​ക​ത്തു​ക​ൾ ആ​ക്കം​കൂ​ട്ടി. ദാ​സ​നും അ​വ​ൻ അ​യ​യ്ക്കു​ന്ന ക​ത്തു​ക​ളി​ലൂ​ടെ കാ​ണാ​മ​റ​യ​ത്തി​രി​ക്കു​ന്ന അ​വ​ന്‍റെ അ​ച്ഛ​നും ത​മ്മി​ലു​ള്ള അ​സാ​ധാ​ര​ണ ബ​ന്ധ​മാ​ണ് മോ​ഹ​ൻ ഈ ​ചി​ത്ര​ത്തി​ൽ ഹൃ​ദ​യ​സ്പ​ർ​ശി​യാ​യി ഒ​രു​ക്കി​യ​ത്.




ആ​ദ്യ​ചി​ത്ര​ത്തി​ലൂ​ടെ​ത​ന്നെ മി​ക​ച്ച ന​വാ​ഗ​ത സം​വി​ധാ​യ​ക​നു​ള്ള കേ​ര​ള സം​സ്ഥാ​ന പു​ര​സ്കാ​ര​വും ജോ​ണ്‍ ഏ​ബ്ര​ഹാം പു​ര​സ്കാ​ര​വും ഇ​ദ്ദേ​ഹം നേ​ടി. വാ​ണി​ജ്യ ചി​ത്ര​ങ്ങ​ളു​ടെ കു​ത്തൊ​ഴു​ക്കി​നി​ട​യി​ൽ തി​യ​റ്റ​റു​ക​ളി​ൽ വേ​ണ്ട രീ​തി​യി​ൽ അം​ഗീ​ക​രി​ക്ക​പ്പെ​ടാ​തി​രു​ന്ന ടി.​ഡി. ദാ​സ​ൻ ച​ല​ച്ചി​ത്ര​മേ​ള​ക​ളി​ലൂ​ടെ​യും മ​റ്റു​മാ​ണ് ശ്ര​ദ്ധി​ക്ക​പ്പെ​ട്ട​ത്. ഷാ​ങ്ഹാ​യി ഇ​ന്‍റ​ർ​നാ​ഷ​ണ​ൽ ഫി​ലിം ഫെ​സ്റ്റി​വ​ലി​ലും ന്യൂ​യോ​ർ​ക്ക് മേ​ള​യി​ലു​മൊ​ക്കെ പ്ര​ദ​ർ​ശി​പ്പി​ച്ച ഈ ​ചി​ത്രം നേ​ടി​യ ഖ്യാ​തി ചെ​റു​ത​ല്ല.

ക​ഥാ​ദാ​രി​ദ്യ്രം നേ​രി​ടു​ന്ന മ​ല​യാ​ള സി​നി​മ​യ്ക്ക് ഒ​രു മ​റു​പ​ടി​യാ​യി​രു​ന്നു ടി.​ഡി. ദാ​സ​ൻ. പ്ര​മു​ഖ​രാ​യ ച​ല​ച്ചി​ത്ര​കാ​രന്മാർ​പോ​ലും ഈ ​ചി​ത്ര​ത്തി​ന്‍റെ സം​വി​ധാ​യ​ക​ൻ ആ​രെ​ന്ന് അ​ന്വേ​ഷി​ക്കു​ന്പോ​ളും വി​നീ​ത​നാ​യി നി​ല​കൊ​ണ്ട മോ​ഹ​ൻ രാ​ഘ​വ​ൻ, അ​ദ്ദേ​ഹ​ത്തെ സ്നേ​ഹി​ച്ചു​തു​ട​ങ്ങി​യ അ​നേ​കാ​യി​ര​ങ്ങ​ളെ നി​രാ​ശ​യി​ലാ​ഴ്ത്തി​ക്കൊ​ണ്ട് 47-ാമ​ത്തെ വ​യ​സി​ൽ മ​ര​ണ​ത്തെ പു​ൽ​കി.

ത​യാ​റാ​ക്കി​യ​ത്: സാ​ലു ആ​ന്‍റ​ണി
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.