Cinema
റിസൾട്ടിനേക്കാൾ സംതൃപ്തി ആഗ്രഹിച്ച ചലച്ചിത്രകാരൻ
Monday, July 15, 2019 1:17 PM IST
"ന​മു​ക്ക് തി​ര​ക്ക​ഥ​യൊ​രു​ക്കാം, കാ​മ​റ​യും അ​ഭി​നേ​താ​ക്ക​ളെ​യും വാ​ട​ക​യ്ക്കെ​ടു​ക്കാം. എ​ന്നാ​ൽ, യ​ഥാ​ർ​ഥ സി​നി​മ ഇ​വി​ടെ​യൊ​ന്നു​മ​ല്ല. അ​തു മ​റ്റെ​വി​ടെ​യോ ആ​ണ്, അ​ത് സം​ഭ​വി​ക്കു​ക​യാ​ണ്. ആ ​പ​രി​ണാ​മ​മാ​ണു യ​ഥാ​ർ​ഥ സൃ​ഷ്ടി. റി​സൾട്ടി​നെ​പ്പ​റ്റി വി​ഷ​മി​ക്കേ​ണ്ട ആ​വ​ശ്യ​മി​ല്ല. വാ​ണി​ജ്യ​വി​ജ​യം ടെ​ൻ​ഷ​ന​ടി​പ്പി​ക്കാ​റു​മി​ല്ല.’’ സി​നി​മ​യെ​ക്കു​റി​ച്ചു​ള്ള സം​വി​ധാ​യ​ക​ൻ രാ​ജീ​വ്നാ​ഥി​ന്‍റെ കാ​ഴ്ച​പ്പാ​ടു​ക​ൾ ഇ​ങ്ങ​നെ​യൊ​ക്കെ​യാ​ണ്.

ബ​ഹു​മ​തി​ക്കു​വേ​ണ്ടി​യോ വാ​ണി​ജ്യ​വി​ജ​യ​ത്തി​നു​വേ​ണ്ടി​യോ അ​ല്ല ഞാ​ൻ ച​ല​ച്ചി​ത്ര​ങ്ങ​ൾ ചെ​യ്യു​ന്ന​ത്. മ​റി​ച്ച് എ​ന്‍റെ സം​തൃ​പ്തി​ക്കു​വേ​ണ്ടി മാ​ത്രം - രാ​ജീ​വ് ത​ന്‍റെ ന​യം വ്യ​ക്ത​മാ​ക്കു​ന്നു. 30 വ​ർ​ഷ​ത്തി​നു​ള്ളി​ൽ 13 ചി​ത്ര​ങ്ങ​ൾ മാ​ത്ര​മാ​ണ് ഇ​ദ്ദേ​ഹം സം​വി​ധാ​നം​ചെ​യ്തി​രി​ക്കു​ന്ന​ത്. പ​ക്ഷേ, മ​ല​യാ​ള സി​നി​മ​യു​ടെ പേ​രും പെ​രു​മ​യും വ​ർ​ധി​പ്പി​ച്ച ഒ​ട്ടേ​റെ സൃ​ഷ്ടി​ക​ൾ ഇ​ക്കൂ​ട്ട​ത്തി​ലു​ണ്ട്.

സ്ക്രി​പ്റ്റ് തെ​ര​ഞ്ഞെ​ടു​ക്കു​ന്ന​തി​ലും ലൊ​ക്കേ​ഷ​ൻ തീ​രു​മാ​നി​ക്കു​ന്ന​തി​ലു​മൊ​ക്കെ സ​മാ​ന​കാ​ല​ഘ​ട്ട​ത്തി​ലെ മ​ല​യാ​ള ച​ല​ച്ചി​ത്ര​കാ​രന്മാ​രി​ൽ​നി​ന്നും ഇ​ദ്ദേ​ഹം ഏ​റെ വ്യ​ത്യ​സ്ത​ത പു​ല​ർ​ത്തി​യി​രു​ന്നു. ഇ​തി​നോ​ട​കം 50 രാ​ജ്യ​ങ്ങ​ൾ സ​ന്ദ​ർ​ശി​ച്ച ഈ ​സ​ഞ്ചാ​ര​പ്രി​യ​ൻ ത​ന്‍റെ സി​നി​മ​ക​ൾ ചി​ത്രീ​ക​രി​ക്കു​ന്ന​തി​ന് നി​ര​വ​ധി രാ​ജ്യ​ങ്ങ​ൾ വേ​ദി​യാ​ക്കി​യി​ട്ടു​ണ്ട്. അ​മേ​രി​ക്ക, ദു​ബാ​യ്, ല​ങ്ക എ​ന്നി​വി​ട​ങ്ങ​ൾ​ക്കൂ​ടാ​തെ കി​ർ​ഗി​സ്ഥാ​ൻ, ക​സാ​ക്കി​സ്ഥാ​ൻ തു​ട​ങ്ങി​യ രാ​ജ്യ​ങ്ങ​ളി​ലും ഇ​ദ്ദേ​ഹം സി​നി​മ​ക​ൾ ഷൂ​ട്ടു​ചെ​യ്തു.



സൈ​നി​ക് സ്കൂ​ളി​ലെ പ​ഠ​ന​മാ​ണു ത​നി​ക്കു ജീ​വി​ത​ത്തി​ൽ അ​ടു​ക്കും ചി​ട്ട​യും ല​ക്ഷ്യ​വും ഉ​ണ്ടാ​ക്കി​യെ​ടു​ത്ത​തെ​ന്ന് ഇ​ദ്ദേ​ഹം പ​റ​യു​ന്നു. സി​നി​മ​യെ ഇ​ദ്ദേ​ഹം തൊ​ട്ട​റി​യു​ന്ന​ത് സൈ​നി​ക് സ്കൂ​ളി​ൽ പ​ഠി​ക്കു​ന്ന സ​മ​യ​ത്താ​ണ്. അ​ന്നു സ്കൂ​ളി​ൽ ഒ​രു ഫി​ലിം ക്ല​ബ് ഉ​ണ്ടാ​യി​യി​രു​ന്നു. ആ ​സ​മ​യ​ത്തു കാ​ണു​ന്ന സി​നി​മ​യാ​ണ് പ​ഥേ​ർ പാ​ഞ്ചാ​ലി. ഒ​രു കാ​മ​റാ​മാ​ൻ ആ​ക​ണ​മെ​ന്ന ആ​ഗ്ര​ഹ​മാ​ണ് അ​ന്ന് ഉ​ട​ലെ​ടു​ത്ത​ത്. പി​ന്നീ​ട് ഉ​ന്ന​ത പ​ഠ​ന​ത്തി​നു​ശേ​ഷം കെ.​ജി. ജോ​ർ​ജ് ഉ​ൾ​പ്പെ​ടെ​യു​ള്ള സി​നി​മാ​ക്കാ​രു​മാ​യി ബ​ന്ധ​പ്പെ​ട്ട​തോ​ടെ സി​നി​മ സം​വി​ധാ​നം ചെ​യ്യ​ണ​മെ​ന്ന മോ​ഹം ഉ​ണ്ടാ​യി.

പ​ഠ​ന​ശേ​ഷം ഓ​ട്ടോ​മൊ​ബൈ​ൽ രം​ഗ​ത്തു പ്ര​വ​ർ​ത്തി​ക്കു​ന്ന​തി​നി​ട​യി​ലാ​ണ് രാ​ജീ​വ് സി​നി​മ​യി​ലേ​ക്കെ​ത്തു​ന്ന​ത്. 24-ാമ​ത്തെ വ​യ​സി​ൽ ത​ണ​ൽ എ​ന്ന ചി​ത്ര​ത്തി​ലൂ​ടെ. ആ​ദ്യ​ചി​ത്രം​ത​ന്നെ സം​സ്ഥാ​ന​സ​ർ​ക്കാ​രി​ന്‍റെ മി​ക​ച്ച സം​വി​ധാ​യ​ക​നു​ള്ള പു​ര​സ്കാ​രം ഇ​ദ്ദേ​ഹ​ത്തി​നു സ​മ്മാ​നി​ച്ചു. ഇ​തോ​ടൊ​പ്പം ഈ ​ചി​ത്ര​ത്തി​ൽ നാ​യ​ക​വേ​ഷം അ​വ​ത​രി​പ്പി​ച്ച എം.​ജി. സോ​മ​ന് മി​ക​ച്ച ന​ട​നു​ള്ള പു​ര​സ്കാ​ര​വും ല​ഭി​ച്ചു.

തീ​ര​ങ്ങ​ൾ, സൂ​ര്യ​ന്‍റെ മൗ​നം, കാ​വേ​രി തു​ട​ങ്ങി​യ ചി​ത്ര​ങ്ങ​ൾ​ക്കു​ശേ​ഷം ഒ.​വി. വി​ജ​യ​ന്‍റെ ക​ട​ൽ​ത്തീ​ര​ത്ത് എ​ന്ന ക​ഥ അ​ഭ്ര​പാ​ളി​യി​ലെ​ത്തി​ക്കു​ന്ന ദൗ​ത്യവും ഇ​ദ്ദേ​ഹം ഏ​റ്റെ​ടു​ത്തു. "ഈ ക​ഥ വാ​യി​ച്ചി​ട്ട് എ​നി​ക്ക് ദി​വ​സ​ങ്ങ​ളോ​ളം ഉ​റ​ങ്ങാ​ൻ സാ​ധി​ച്ചി​ല്ല. വ​ള​രെ ഓ​മ​നി​ച്ചു​വ​ള​ർ​ത്തി​യ ഒ​രു മ​ക​ൻ അ​ച്ഛ​നു​വേ​ണ്ടി ഒ​രു കൊ​ല​പാ​ത​കം ന​ട​ത്തി അ​വ​നെ കോ​ട​തി തൂ​ക്കി​ക്കൊ​ല്ലാ​ൻ വി​ധി​ക്കു​ന്ന​താ​ണ് ക​ഥ. ഗ്രാ​മ​ത്തി​ൽ​നി​ന്ന് മ​ക​നെ കാ​ണാ​ൻ പോ​കു​ന്ന പി​താ​വ്. അ​യാ​ളു​ടെ വി​ചാ​രം മ​ക​നെ ത​നി​ക്ക് എ​ങ്ങ​നെ​യെ​ങ്കി​ലും ര​ക്ഷി​ക്കാ​നാ​വു​മോ എ​ന്നാ​ണ്. ഈ ​ക​ഥ എ​ന്നെ വ​ള​രെ​യേ​റെ സ്പ​ർ​ശി​ച്ചു. ഒ​രി​ക്ക​ൽ ഒ.​വി. വി​ജ​യ​നോ​ടു നേ​രി​ട്ടു ചോ​ദി​ച്ചാ​ണ് ഇ​തു സി​നി​മ​യാ​ക്കാ​ൻ അ​നു​വാ​ദം നേ​ടി​യ​ത്.’’ ഇ​ദ്ദേ​ഹം പ​റ​ഞ്ഞു.



മോ​ഹ​ൻ​ലാ​ൽ ഇ​ദ്ദേ​ഹ​ത്തി​ന്‍റെ പ്രി​യ​പ്പെ​ട്ട ന​ട​നാ​ണ്. ലാ​ലി​നെ നാ​യ​ക​നാ​ക്കി​യ അ​ഹം എ​ന്ന ചി​ത്രം നി​രൂ​പ​ക​പ്ര​ശം​സ നേ​ടി​യ ചി​ത്ര​മാ​ണ്. ത​ന്‍റെ ജീ​വി​ത​ത്തി​ന്‍റെ ഒ​രം​ശം അ​ഹ​ത്തി​ൽ കാ​ണാ​മെ​ന്ന് ഇ​ദ്ദേ​ഹം പ​റ​യു​ന്നു. "ഞാ​ൻ പൂ​ജാ​മു​റി​യി​ലെ​ത്തി​യാ​ൽ ഒ​ന്നു​മേ ചോ​ദി​ക്കാ​റി​ല്ല. അ​തു വ​ള​രെ ബാ​ലി​ശ​മാ​ണ്. ഇ​തു​വ​രെ ഉ​ണ്ടാ​യ​തി​നും ഇ​നി വ​രാ​നു​ള്ള​തി​നു​മൊ​ക്കെ ന​ന്ദി മാ​ത്രം. ഇ​താ​ണ് ന​ന്ദി​യാ​രോ​ടു ചൊ​ല്ലേ​ണ്ടു എ​ന്ന അ​ഹ​ത്തി​ലെ ഗാ​ന​ത്തി​ലൂ​ടെ താ​ൻ വെ​ളി​വാ​ക്കി​യ​ത്.’’ രാ​ജീ​വ് നാ​ഥ് കൂ​ട്ടി​ച്ചേ​ർ​ത്തു.

1998-ൽ ​ഒ​രു​ക്കി​യ ജ​ന​നി എ​ന്ന ചി​ത്ര​മാ​ണ് ഇ​ദ്ദേ​ഹ​ത്തി​ന് ഏ​റ്റ​വും പ്രി​യ​പ്പെ​ട്ട​ത്. മി​ക​ച്ച സം​വി​ധാ​യ​ക​നു​ള്ള ദേ​ശീ​യ അ​വാ​ർ​ഡ് ഇ​ദ്ദേ​ഹം ഈ ​ചി​ത്ര​ത്തി​ലൂ​ടെ നേ​ടി​യി​രു​ന്നു. മോ​ക്ഷം, പ​ക​ൽ​ന​ക്ഷ​ത്ര​ങ്ങ​ൾ, ദാ​വീ​ദ് ആ​ൻ​ഡ് ഗോ​ലി​യാ​ത്ത്, ര​സം എ​ന്നീ ചി​ത്ര​ങ്ങ​ൾ​ക്കു​ശേ​ഷം പൂ​ട്ട് എ​ന്ന ചി​ത്ര​ത്തി​ന്‍റെ പ​ണി​പ്പു​ര​യി​ലാ​ണ് ഇ​ദ്ദേ​ഹം. മ​റ്റു ഭാ​ഷ​ക​ളി​ലും സി​നി​മ​ക​ൾ ഒ​രു​ക്കി​യി​ട്ടു​ള്ള ഇ​ദ്ദേ​ഹം കേ​ര​ള ച​ല​ച്ചി​ത്ര അ​ക്കാ​ഡ​മി ചെ​യ​ർ​മാ​ൻ സ്ഥാ​ന​വും വ​ഹി​ച്ചി​ട്ടു​ണ്ട്.

ത​യാ​റാ​ക്കി​യ​ത്: സാ​ലു ആ​ന്‍റ​ണി
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.