Cinema
ചിരിയുടെ തോഴനായ താഹ
Monday, April 16, 2018 1:11 PM IST
അ​നാ​യാ​സ​മാ​യി ഒ​ഴു​കി​വ​രു​ന്ന ഹാ​സ്യ​ധാ​ര സൃ​ഷ്ടി​ക്കാ​ൻ താ​ഹ​യെ​പ്പോ​ലു​ള്ള അ​പൂ​ർ​വം ചി​ല പ്ര​തി​ഭാ​ശാ​ലി​ക​ൾ​ക്കു മാ​ത്ര​മേ സാ​ധി​ക്കൂ. താ​ഹ അ​ണി​യി​ച്ചൊ​രു​ക്കി​യ ക​ഥാ​പാ​ത്ര​ങ്ങ​ൾ ചി​രി​യു​ടെ പൊ​ടി​പൂ​ര​മാ​ണ് പ്രേ​ക്ഷ​ക​ർ​ക്കു സ​മ്മാ​നി​ച്ചി​ട്ടു​ള്ള​ത്, വീ​ണ്ടും വീ​ണ്ടും കാ​ണാ​ൻ പ്രേ​രി​പ്പി​ക്കു​ന്ന​വ​യും.

ചി​രി​യു​ടെ മാ​ല​പ്പ​ട​ക്കം തീ​ർ​ക്കു​ന്ന ചി​ത്ര​ങ്ങ​ളൊ​ക്കെ ക​ണ്ടു​മ​റ​ക്കാ​നു​ള്ള​വ​യാ​ണെ​ന്നാ​ണ് പൊ​തു​വേ​യു​ള്ള ക​ണ​ക്കു​കൂ​ട്ട​ൽ. പ​ക്ഷേ, താ​ഹ​യു​ടെ ചി​ത്ര​ങ്ങ​ൾ ഈ ​ഗ​ണ​ത്തി​ൽ​പ്പെ​ടു​ത്തി എ​ഴു​തി​ത്ത​ള്ളാ​വു​ന്ന​വ​യ​ല്ല. ചി​രി​സ​മ്മാ​നി​ക്കു​ന്ന ഓ​രോ ക​ഥാ​പാ​ത്ര​ങ്ങ​ളു​ടെ​യും ക​ണ്‍​കോ​ണു​ക​ളി​ൽ ഒ​രു ക​ണ്ണു​നീ​ർ​തു​ള്ളി ഒ​ളി​ഞ്ഞി​രി​പ്പു​ണ്ടാ​വാം. നൊ​ന്പ​ര​ങ്ങ​ളെ അ​തി​ജീ​വി​ക്കാ​ൻ അ​ശ​ക്ത​രാ​യ അ​വ​ർ ന​ട​ത്തു​ന്ന ശ്ര​മ​ങ്ങ​ൾ ഹാ​സ്യ​മാ​യി രൂ​പാ​ന്ത​ര​പ്പെ​ടു​ക​യാ​ണ്. മ​റ്റൊ​ര​ർ​ഥ​ത്തി​ൽ താ​ഹ​യു​ടെ ക​ഥാ​പാ​ത്ര​ങ്ങ​ൾ ഒ​രി​ക്ക​ലും ചി​രി​പ്പി​ക്കാ​നു​ള്ള ശ്ര​മ​ങ്ങ​ൾ ന​ട​ത്തു​ക​യ​ല്ല, മ​റി​ച്ച് അ​വ​രു​ടെ ജീ​വി​ത​ത്തി​ലെ സ്വ​ഭാ​വി​ക സ​ന്ദ​ർ​ഭ​ങ്ങ​ളൊ​ക്കെ കാ​ണി​ക​ൾ​ക്ക് ന​ർ​മ​മാ​യി അ​നു​ഭ​വ​പ്പെ​ടു​ക​യാ​ണ്. കാ​ല​ങ്ങ​ൾ പി​ന്നി​ട്ടി​ട്ടും താ​ഹ സൃ​ഷ്ടി​ച്ച ക​ഥാ​പാ​ത്ര​ങ്ങ​ൾ പ്രേ​ക്ഷ​ക​രു​ടെ​യു​ള്ളി​ൽ ചി​ര​പ്ര​തി​ഷ്ഠ നേ​ടി​യി​രി​ക്കു​ന്ന​തി​നു കാ​ര​ണ​വും ഇ​തു​ത​ന്നെ.



ക​മ​ൽ, ത​ന്പി ക​ണ്ണ​ന്താ​നം തു​ട​ങ്ങി​യ സം​വി​ധാ​യ​ക​രു​ടെ​യൊ​പ്പം അ​സി​സ്റ്റ​ന്‍റാ​യി പ്ര​വ​ർ​ത്തി​ച്ച​തി​നു​ശേ​ഷ​മാ​ണ് താ​ഹ സ്വ​ന്ത​മാ​യി ചി​ത്ര​ങ്ങ​ൾ ചെ​യ്തു​തു​ട​ങ്ങി​യ​ത്. 1991-ൽ ​അ​ശോ​ക​നൊ​പ്പം ചേ​ർ​ന്ന് സം​വി​ധാ​നം​ചെ​യ്ത മൂ​ക്കി​ല്ലാ രാ​ജ്യ​ത്ത് ആ​ണ് ആ​ദ്യ​ചി​ത്രം. മു​കേ​ഷ്, സി​ദ്ധി​ഖ്, ജ​ഗ​തി ശ്രീ​കു​മാ​ർ, തി​ല​ക​ൻ എ​ന്നി​വ​ർ അ​ഭി​ന​യി​ച്ച ഈ ​ചി​ത്രം ന​ർ​മ​മു​ഹൂ​ർ​ത്ത​ങ്ങ​ളാ​ൽ സ​ന്പ​ന്ന​മാ​യി​രു​ന്നു. മാ​ന​സി​ക രോ​ഗാ​ശു​പ​ത്രി​യി​ലെ അ​ന്തേ​വാ​സി​ക​ളാ​യ നാ​ൽ​വ​ർ സം​ഘം അ​വി​ടെ​നി​ന്നും ര​ക്ഷ​പ്പെ​ട്ട് ന​ഗ​ര​ത്തി​ലെ​ത്തു​ന്നു. സി​നി​മാ ചി​ത്രീ​ക​ര​ണ​ത്തി​ന് ന​ഗ​ര​ത്തി​ലെ​ത്തി​യ അ​മി​താ​ഭ് ബ​ച്ച​നെ കാ​ണു​ക​യാ​യി​രു​ന്നു ല​ക്ഷ്യ​മെ​ങ്കി​ലും അ​തു സാ​ധി​ച്ചി​ല്ല. തു​ട​ർ​ന്ന് ഒ​രു സാ​ധാ​ര​ണ ജീ​വി​തം ന​യി​ക്കു​ക എ​ന്ന ആ​ഗ്ര​ഹ​ത്തോ​ടെ ന​ഗ​ര​ത്തി​ൽ​ത​ന്നെ ത​ങ്ങാ​ൻ തീ​രു​മാ​നി​ക്കു​ന്ന അ​വ​രു​ടെ ജീ​വി​ത​ത്തി​ലെ അ​ബ​ദ്ധ​ങ്ങ​ൾ പ്രേ​ക്ഷ​ക​രെ കു​ടു​കു​ടെ ചി​രി​പ്പി​ച്ച​തി​നൊ​പ്പം പ​റ​യാ​തെ പ​റ​ഞ്ഞ അ​വ​രു​ടെ നൊ​ന്പ​ര​ങ്ങ​ളും കാ​ണി​ക​ളു​ടെ​യു​ള്ളി​ൽ അ​വ​ര​റി​യാ​തെ​ത​ന്നെ ത​ങ്ങി​നി​ന്നു.

വാ​ര​ഫ​ലം എ​ന്ന മു​ഴു​നീ​ള ഹാ​സ്യ​ചി​ത്ര​മാ​യി​രു​ന്നു തു​ട​ർ​ന്ന് താ​ഹ ഒ​രു​ക്കി​യ​ത്. ചി​രി​യു​ടെ ത​ന്പു​രാ​ക്കന്മാ​രാ​യ ശ്രീ​നി​വാ​സ​നും മു​കേ​ഷു​മാ​യി​രു​ന്നു മു​ഖ്യ ക​ഥാ​പാ​ത്ര​ങ്ങ​ളാ​യ ഉ​ണ്ണി​യെ​യും ബാ​ല​നെ​യും അ​വ​ത​രി​പ്പി​ച്ച​ത്. ഒ​രാ​ൾ അ​ന്ധ​ൻ, ഒ​രാ​ൾ ബ​ധി​ര​ൻ. ന​ർ​മ​രം​ഗ​ങ്ങ​ളു​ടെ വേ​ലി​യേ​റ്റം സൃ​ഷ്ടി​ക്കാ​നു​ത​കു​ന്ന ഈ ​ക​ഥ​യും പ​ശ്ചാ​ത്ത​ല​വും താ​ഹ അ​തി​സ​മൃ​ദ്ധ​മാ​യി വി​നി​യോ​ഗി​ച്ചു. ബോ​ക്സോ​ഫീ​സി​ൽ മി​ക​ച്ച​വി​ജ​യം നേ​ടി​യ ഈ ​ചി​ത്ര​ത്തോ​ടെ താ​ഹ എ​ന്ന ര​ണ്ട​ക്ഷ​രം ചി​രി​യു​ടെ പ​ര്യാ​യ​മാ​യി മാ​റി.

ജ​ഗ​ദീ​ഷ്, ക​ലാ​ഭ​വ​ൻ മ​ണി, പ്രേം​കു​മാ​ർ എ​ന്നി​വ​ർ അ​ഭി​ന​യി​ച്ച ഗ​ജ​രാ​ജ​മ​ന്ത്ര​മാ​യി​രു​ന്നു താ​ഹ​യു​ടെ അ​ടു​ത്ത ചി​ത്രം. ശു​ദ്ധ​ന​ർ​മ്മ​ത്തി​ൽ ചാ​ലി​ച്ച ഈ ​ചി​ത്ര​വും പ്രേ​ക്ഷ​ക​ർ​ക്കു ദൃ​ശ്യ​വി​രു​ന്നാ​യി. ന​ടി ഷീ​ല​യു​ടെ മ​ക​ൻ വി​ഷ്ണു നാ​യ​ക​നാ​യ ഫൈ​വ് സ്റ്റാ​ർ ഹോ​സ്പി​റ്റ​ലും താ​ഹ​യു​ടെ ചി​ത്ര​മാ​ണ്. ല​ളി​ത​മാ​യ ക​ഥ​യും മ​നോ​ഹ​ര​മാ​യ ഗാ​ന​ങ്ങ​ളും കൂ​ട്ടി​ക്ക​ല​ർ​ത്തി​യ ഈ ​ചി​ത്രം ന​ർ​മ​രം​ഗ​ങ്ങ​ളാ​ലും സ​ന്പ​ന്ന​മാ​യി​രു​ന്നു.

താ​ഹ​യു​ടെ എ​ക്കാ​ല​ത്തെ​യും മി​ക​ച്ച ചി​ത്ര​മെ​ന്നു വി​ശേ​ഷി​പ്പി​ക്കാ​വു​ന്ന ഈ ​പ​റ​ക്കും​ത​ളി​ക​യാ​യി​രു​ന്നു തു​ട​ർ​ന്നെ​ത്തി​യ ചി​ത്രം. ദി​ലീ​പി​ന്‍റെ പ്രേ​ക്ഷ​ക​പ്രീ​തി വാ​നോ​ള​മു​യ​ർ​ത്തി​യ ഈ ​ചി​ത്രം ദ​ശ​ക​ങ്ങ​ളാ​യി ഹാ​സ്യ​ചി​ത്ര​ങ്ങ​ളു​ടെ മു​ൻ​നി​ര​യി​ൽ നി​ർ​ത്തി പ്രേ​ക്ഷ​ക​ർ ആ​ഘോ​ഷി​ക്കു​ക​യാ​ണ്. ല​ളി​ത​മാ​യ ന​ർ​മ​മു​ഹൂ​ർ​ത്ത​ങ്ങ​ൾ കോ​ർത്തി​ണ​ക്കി, ഒ​രു വാ​ണി​ജ്യ​സി​നി​മ​യു​ടെ എ​ല്ലാ രൂ​പ​ഭാ​വ​ങ്ങ​ളും അ​ക്ഷ​രാ​ർ​ത്ഥ​ത്തി​ൽ ചേ​ർ​ത്ത ഈ ​ചി​ത്രം ഒ​രു മി​ക​ച്ച സം​വി​ധാ​യ​ക​ന്‍റെ കൈ​യ​ട​ക്ക​ത്തി​ന്‍റെ അ​ട​യാ​ളം​കൂ​ടി​യാ​ണ്. ആ​ബാ​ല​വൃ​ദ്ധ​മു​ള്ള സാ​ധാ​ര​ണ മ​ല​യാ​ളി പ്രേ​ക്ഷ​ക​രു​ടെ മ​ന​സി​ന് ഈ ​ചി​ത്രം പ​ക​ർ​ന്ന ആ​ന​ന്ദം വി​ശേ​ഷ​ണ​ത്തി​നും അ​തീ​ത​മാ​ണ്. ദി​ലീ​പി​നൊ​പ്പം ഹ​രി​ശ്രീ അ​ശോ​ക​നും നി​റ​ഞ്ഞാ​ടി​യ ഈ ​ചി​ത്ര​ത്തി​ന്‍റെ ജ​ന​പ്രീ​തി​ക്ക് ഇ​ന്നും ഇ​ടി​വു​ണ്ടാ​യി​ട്ടി​ല്ലെ​ന്ന​തും ശ്ര​ദ്ധേ​യ​മാ​ണ്.



സു​ന്ദ​രാ ട്രാ​വ​ൽ​സ്, കേ​ര​ള ഹൗ​സ് ഉ​ട​ൻ വി​ല്പ​ന​യ്ക്ക്, തെ​ക്കേ​ക്ക​ര സൂ​പ്പ​ർ​ഫാ​സ്റ്റ്, ക​പ്പ​ലു​മു​ത​ലാ​ളി, ഹെ​യ്‌ലെ​സാ തു​ട​ങ്ങി​യ ചി​ത്ര​ങ്ങ​ളും താ​ഹ ഒ​രു​ക്കി​യി​ട്ടു​ണ്ട്. ആ​സ്വാ​ദ​ക​ഹൃ​ദ​യ​ത്തെ സ്വാ​ധീ​നി​ക്കാ​ൻ ഉ​ൾ​ക്കാ​ഴ്ച നേ​ടി​യ സം​വി​ധാ​യ​ക​ൻ എ​ന്ന നി​ല​യി​ൽ താ​ഹ എ​ന്നും ആ​ദ​രി​ക്ക​പ്പെ​ടു​മെ​ന്നു തീ​ർ​ച്ച.

ത​യാ​റാ​ക്കി​യ​ത്: സാ​ലു ആ​ന്‍റ​ണി
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.