രാജ്യത്തെമ്പാടുമുള്ള നാലായിരത്തോളം സിനിമ സ്ക്രീനുകളില് മേയ് 31ന് 99 രൂപയ്ക്ക് സിനിമ ആസ്വദിക്കാന് അവസരം. സിനിമാ ലൗവേഴ്സ് ഡേ ആഘോഷത്തിന്റെ ഭാഗമായി മൾട്ടിപ്ലക്സ് അസോസിയേഷൻ ഓഫ് ഇന്ത്യ (എംഎഐ)യാണ് സിനിമാ പ്രേമികൾക്ക് ഇങ്ങനെയൊരു അവസരം ഒരുക്കുന്നത്.
മള്ട്ടിപ്ലെക്സ് അസോസിയേഷന് കീഴിലുള്ള പിവിആര്, ഐനോക്സ്, സിനിപോളിസ്, മിറാഷ്, വേവ്, എം2കെ, ഡിലൈറ്റ്, സിറ്റിപ്രൈഡ്, ഏഷ്യന്, മുക്ത എ 2, മൂവി ടൈം തുടങ്ങിയ മള്ട്ടിപ്ലെക്സ് ശൃംഖലകളിലാണ് ഓഫര് ലഭ്യമാവുക. ബുക്ക്മൈഷോ, പേടിഎം തുടങ്ങിയ സിനിമ ബുക്കിംഗ് ആപ്പുകളിലൂടെ സിനിമ ബുക്ക് ചെയ്യാം.
കഴിഞ്ഞ രണ്ട് മാസമായി മലയാളത്തിൽ ഒഴികെ മറ്റു ഭാഷകളിൽ വലിയ റിലീസുകൾ ഇല്ലാത്തത് മൾടിപ്ലക്സുകളിൽ വലിയ പ്രതിസന്ധി സൃഷ്ടിച്ചിരുന്നു. പൊതുതെരഞ്ഞെടുപ്പ് വലിയ റിലീസുകളെ ബാധിച്ചിട്ടുണ്ട്.
ഈ അവസരത്തിൽ പ്രേക്ഷകരെ തിയിറ്ററുകളിലേക്ക് എത്തിക്കാൻ കൂടി വേണ്ടിയാണ് സിനിമ ലൗവേര്സ് ഡേ നടത്തുന്നത്. എല്ലാ പ്രായത്തിലുള്ള പ്രേക്ഷകരെയും തിയിറ്ററുകളിലേക്ക് ഒരുമിച്ച് കൊണ്ടുവരിക എന്നതാണ് ലക്ഷ്യം.
ഉത്തരേന്ത്യയില് അടക്കം ചൂടിനെ മറികടക്കാൻ മൾട്ടിപ്ലക്സുകൾ ആളുകള് തിരഞ്ഞെടുത്തേക്കും. കഴിഞ്ഞ വർഷം ഒക്ടോബറിൽ എംഎഐ ഇതുപോലെ ദേശീയ സിനിമാദിനം ആചരിച്ചിരുന്നു. അന്ന് കുടുംബങ്ങള് അടക്കം വലിയൊരു വിഭാഗം സിനിമ കാണാൻ എത്തിയിരുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.