"ഇ​തി​പ്പോ​ള്‍ ആ​ടി​നെ പ​ട്ടി​യാ​ക്കിയ പോ​ലെ ആ​യ​ല്ലൊ'; ഒ​രു ചൈ​നീ​സ് ചീ​റ്റിം​ഗ്...
Wednesday, October 16, 2024 3:00 PM IST
ഡ്യൂ​പ്ലി​ക്കേ​റ്റു​ക​ള്‍ ഉ​ണ്ടാ​ക്കു​ന്ന കാ​ര്യ​ത്തി​ല്‍ ചൈ​ന​യോ​ളം ആ​രും വ​രി​ല്ല​ല്ലൊ. ലോ​ക​ത്ത് എ​ന്ത് സം​ഗ​തി ഇ​റ​ങ്ങി​യാ​ലും പി​റ്റേ​ന്നു​ത​ന്നെ അ​തി​ന്‍റെ അ​പ​ര​നെ അ​വ​ര്‍ ഇ​റ​ക്കും. അ​തി​പ്പോ​ള്‍ മൊ​ബൈ​ല്‍ ആ​യാ​ലും മു​ട്ട​സൂ​ചി​യാ​യാ​ലും.

എ​ന്നാ​ല്‍ അ​വ​ര്‍ ഇ​ക്കാ​ര്യ​ങ്ങ​ളി​ല്‍ മാ​ത്ര​മ​ല്ല ഇ​ത്ത​രം ഡ്യൂ​പ്ലി​ക്കേ​റ്റ് ഒ​രു​ക്കു​ന്ന​ത്. ക​ട​ലി​ലെ ഏ​റ്റ​വും വ​ലി​യ ജീ​വി​യാ​യ തി​മിം​ഗ​ല​ത്തി​നു​വ​രെ അ​വ​ര്‍ ഡ്യൂ​പ്പി​ടും. ചൈ​ന​യി​ലെ ഷെ​ന്‍​ഷെ​നി​ലു​ള്ള അ​ക്വേ​റി​യ​മാ​യ ഷി​യോ​മീ​ഷ സീ ​വേ​ള്‍​ഡി​ലാ​ണ് സം​ഭ​വം. ഇ​വി​ടു​ത്തെ ഏ​റ്റ​വും വ​ലി​യ ആ​ക​ര്‍​ഷ​ണ​ങ്ങ​ളി​ലൊ​ന്ന് ഭീ​മാ​കാ​ര​നാ​യ ഒ​രു തി​മിം​ഗ​ല സ്രാ​വാ​ണ്.

അ​ഞ്ച് വ​ര്‍​ഷ​ത്തെ പു​ന​രു​ദ്ധാ​ര​ണ​ത്തി​ന് ശേ​ഷം ക​ഴി​ഞ്ഞ​യി​ടെ ഷി​യോ​മീ​ഷ സീ ​വേ​ള്‍​ഡ് തു​റ​ന്നി​രു​ന്നു. തി​മിം​ഗ​ല സ്രാ​വി​ന്‍റെ പ്ര​ക​ട​നം കാ​ണു​ന്ന​തി​നാ​യി ആ​ളു​ക​ള്‍ ഇ​ര​ച്ചെ​ത്തി. 40 ഡോ​ള​റാ​ണ​ത്രെ ഇ​തി​നാ​യു​ള്ള ഫീ​സ്. ആ​ളു​ക​ള്‍ അ​തി​നെ കാ​ണു​വാ​നും ഫോ​ട്ടോ എ​ടു​ക്കു​വാ​നും മ​ത്സ​രി​ച്ചു.

എ​ന്നാ​ല്‍ ചി​ല വി​രു​ത​ന്‍​മാ​ര്‍ ഈ ​സം​ഗ​തി ത​ട്ടി​പ്പാ​ണെ​ന്ന് ക​ണ്ടെ​ത്തി. അ​താ​യ​ത് സം​ഗ​തി മെ​ക്കാ​നി​ക്ക​ല്‍ സ്രാ​വാ​യി​രു​ന്നു. റോ​ബോ​ട്ടി​ക് പ​രി​പാ​ടി​യി​ലൂ​ടെ ഒ​രു സ്രാ​വി​നെ ആ​ളു​ക​ള്‍​ക്ക് മു​ന്നി​ല്‍ അ​വ​ത​രി​പ്പി​ച്ച് പ​റ്റി​ക്കു​ക​യാ​യി​രു​ന്ന​ത്രെ. ഇ​തോ​ടെ ആ​ളു​ക​ള്‍ ക​ലി​പ്പി​ലാ​യി. ത​ങ്ങ​ളു​ടെ പ​ണം മ​ട​ക്കി ന​ല്‍​ക​ണ​മെ​ന്ന് അ​വ​ര്‍ ആ​വ​ശ്യ​പ്പെ​ട്ടു.


എ​ന്നാ​ല്‍ മ​നഃ​പൂ​ര്‍​വ​മാ​യ ത​ട്ടി​പ്പ​ല്ലെ​ന്നും വ​ന്യ​ജീ​വി​ക​ളെ സം​ര​ക്ഷി​ക്കു​ന്ന നി​യ​മ​ങ്ങ​ള്‍ നി​മി​ത്ത​മാ​ണ് മ​ള്‍​ട്ടി മി​ല്യ​ണ്‍ യു​വാ​ന്‍ റോ​ബോ​ട്ടി​ക് സ്രാ​വി​നെ സൃ​ഷ്ടി​ച്ചതെന്നും അ​ധി​കൃ​ത​ര്‍ പ​റ​യു​ന്നു. എ​ന്താ​യാ​ലും ആ​ളു​ക​ളു​ടെ പ​ണം പോ​യാ ല​ക്ഷ​ണ​മാ​ണ്.

ഇ​താ​ദ്യ​മാ​യ​ല്ല ചൈ​ന​യി​ല്‍ ആ​ടി​നെ പ​ട്ടി​യാ​ക്കു​ന്ന​ത്. ക​ഴി​ഞ്ഞ​യി​ടെ ചി​ല കു​ഞ്ഞു പാ​ണ്ട​ക​ള്‍ കു​ര​യ്ക്കു​ന്ന​ത് ചീ​നാ​ക്കാ​രെ ഞെ​ട്ടി​ച്ചി​രു​ന്നു. എ​ന്നാ​ല​ത് പാ​ണ്ട​ക​ള്‍ അ​ല്ലെ​ന്നും മൃ​ഗ​ശാ​ല​ക്കാ​ര്‍ പെ​യി​ന്‍റടിച്ചു​വി​ട്ട ചൗ ​ചൗ നാ​യ​ക​ളാ​ണെ​ന്നും പി​ന്നീ​ട് തെ​ളി​ഞ്ഞി​രു​ന്നു...
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.