വി​മാ​നം ക​യ​റു​ന്ന കു​ന്പി​ള​പ്പം
വെ​റു​തെ പ​ത്തു കു​മ്പി​ള​പ്പ​മു​ണ്ടാ​ക്കി പാ​യ്ക്ക് ചെ​യ്ത് അ​യ​യ്ക്കു​ക​യാ​ണെ​ന്നൊ​ന്നും ക​രു​തി​യേ​ക്ക​രു​ത്. പ്ര​തി​മാ​സം അ​ര​ല​ക്ഷ​ത്തി​ലേ​റെ കു​മ്പി​ള​പ്പ​മാ​ണ് ഇ​പ്പോ​ൾ നീ​ലൂ​രി​ൽ​നി​ന്നു വി​ദേ​ശ​ത്തേ​ക്കു വി​മാ​നം ക​യ​റി​പ്പോ​കു​ന്ന​ത്.

കോ​ണി​ച്ചു​മ​ട​ക്കി​യ ഇ​ല​യി​ൽ പു​ഴു​ങ്ങി​യെ​ടു​ത്തു കു​മ്പി​ള​പ്പം അ​ടു​ക്ക​ള​യി​ലെ അ​പ്പ​ച്ചെ​മ്പി​ൽ ക​യ​റു​ന്പോ​ഴേ അ​തി​ന്‍റെ സു​ഗ​ന്ധം വീ​ടു​നി​റ​യും. മ​ല​യാ​ളി​യു​ടെ എ​ക്കാ​ല​ത്തെ​യും ഗൃ​ഹാ​തു​ര​ത്വ​ങ്ങ​ളി​ൽ ഒ​ന്നാ​ണ് കു​മ്പി​ള​പ്പം. മ​റു​നാ​ടു​ക​ളി​ൽ ജോ​ലി​ക്കും പ​ഠ​ന​ത്തി​നു​മാ​യി കു​ടി​യേ​റി​യി​ട്ടു​ള്ള പ​ല​രു​ടെ​യും ഒാ​ർ​മ​ക​ളി​ൽ ചെ​റു​പ്പ​ത്തി​ൽ ക​ഴി​ച്ച കു​മ്പി​ള​പ്പ​ത്തി​ന്‍റെ രു​ചി മാ​യാ​തെ​യു​ണ്ടാ​വും.

ഒ​രെ​ണ്ണം കി​ട്ടി​യി​രു​ന്നെ​ങ്കി​ൽ എ​ന്ന് ആ​ശി​ക്കാ​ത്ത​വ​ർ ഉ​ണ്ടാ​കു​മോ? എ​ന്നാ​ൽ, വ​രി​ക്ക​ച്ച​ക്ക​പ്പ​ഴം മു​ത​ൽ ഇ​ട​ന​യെ​ന്നും വ​യ​ന​യെ​ന്നു​മൊ​ക്കെ അ​റി​യ​പ്പെ​ടു​ന്ന ഇ​ല വ​രെ സം​ഘ​ടി​പ്പി​ച്ച് ഗ​ൾ​ഫി​ലോ യൂ​റോ​പ്പി​ലോ ഒ​ക്കെ കു​മ്പി​ള​പ്പം ഉ​ണ്ടാ​ക്കു​ക​യെ​ന്നു പ​റ​ഞ്ഞാ​ൽ അ​ത്ര എ​ളു​പ്പ​മു​ള്ള കാ​ര്യ​മ​ല്ല. എ​ന്നാ​ൽ, മ​ധ്യ​കേ​ര​ള​ത്തി​ലെ പ്ര​ശ​സ്ത​മാ​യ നാ​ട്ടി​ൻ​പു​റ പ​ല​ഹാ​രം ഇ​പ്പോ​ൾ ദേ ​അ​തേ രു​ചി​യോ​ടെ വി​ദേ​ശ​ത്തു പ​റ​ന്നി​റ​ങ്ങു​ന്നു. കോ​ട്ട​യ​ത്തെ നീ​ലൂ​രി​ൽ​നി​ന്നാ​ണ് ഇ​പ്പോ​ൾ കു​ന്പി​ള​പ്പം വി​ദേ​ശ​ത്തേ​ക്കു പ​റ​ന്നു ഹി​റ്റാ​യി മാ​റി​യി​രി​ക്കു​ന്ന​ത്.

അ​ര​ല​ക്ഷം മ​ധു​രം!

ന​ല്ല മ​ധു​ര​മു​ള്ള വ​രി​ക്ക​ച്ച​ക്ക​പ്പ​ഴം അ​രി​ക്കൂ​ട്ടും ശ​ർ​ക്ക​ര​യും ചേ​ർ​ത്തു കു​ഴ​ച്ചെ​ടു​ത്തു മേ​ന്പൊ​ടി​യാ​യി അ​ല്പം തേ​ങ്ങ​യും നെ​യ്യും ഏ​ല​ക്ക​യും ജീ​ര​ക​വും സ​മം ഉ​പ്പും ചേ​ർ​ത്ത് ന​ല്ല സു​ഗ​ന്ധ​മു​ള്ള ഇ​ട​ന​യു​ടെ ഇ​ല​യി​ൽ കു​ന്പി​ളാ​ക്കി അ​തി​ൽ പു​ഴു​ങ്ങി​യെ​ടു​ത്ത കു​ന്പി​ള​പ്പ​മാ​ണ് അ​ല്പം പോ​ലും രു​ചി ചോ​രാ​തെ വി​ദേ​ശ മ​ല​യാ​ളി​യു​ടെ കൈ​ക​ളി​ലേ​ക്ക് എ​ത്തു​ന്ന​ത്.

കോ​ട്ട​യം- ഇ​ടു​ക്കി ജി​ല്ല​യു​ടെ അ​തി​ർ​ത്തി പ​ങ്കി​ടു​ന്ന മ​ല​യോ​ര ഗ്രാ​മ​മാ​യ നീ​ലൂ​രി​ലെ ക​ർ​ഷ​ക​രു​ടെ ഉ​ട​മ​സ്ഥ​ത​യി​ലു​ള്ള നീ​ല​ർ പ്രൊ​ഡ്യൂ​സ​ർ ക​ന്പ​നി​യാ​ണ് കു​ന്പി​ള​പ്പം വി​ദേ​ശ​ത്തേ​ക്കു ക​യ​റ്റു​മ​തി ചെ​യ്തു പെ​രു​മ നേ​ടി​യി​രി​ക്കു​ന്ന​ത്.

വെ​റു​തെ പ​ത്തു കു​മ്പി​ള​പ്പ​മു​ണ്ടാ​ക്കി പാ​യ്ക്ക് ചെ​യ്ത് അ​യ​യ്ക്കു​ക​യാ​ണെ​ന്നൊ​ന്നും ക​രു​തി​യേ​ക്ക​രു​ത്. പ്ര​തി​മാ​സം അ​ര​ല​ക്ഷ​ത്തി​ലേ​റെ കു​മ്പി​ള​പ്പ​മാ​ണ് ഇ​പ്പോ​ൾ നീ​ലൂ​രി​ൽ​നി​ന്നു വി​ദേ​ശ​ത്തേ​ക്കു വി​മാ​നം ക​യ​റി​പ്പോ​കു​ന്ന​ത്.

ക​ർ​ഷ​ക​രു​ടെ മൂ​ല​ധ​ന​ത്തി​ലും ഉ​ട​മ​സ്ഥ​ത​യി​ലും പ്ര​വ​ർ​ത്തി​ക്കു​ന്ന ഈ ​ക​ന്പ​നി ഏ​താ​നും മാ​സ​ങ്ങ​ൾ​ക്കു മു​ന്പാ​ണ് കു​ന്പി​ള​പ്പം യു​കെ, അ​മേ​രി​ക്ക, കാ​ന​ഡ, ഗ​ൾ​ഫ് രാ​ജ്യ​ങ്ങ​ൾ എ​ന്നി​വി​ട​ങ്ങ​ളി​ലേ​ക്കു ക​യ​റ്റി​യ​യ​ച്ചു തു​ട​ങ്ങി​യ​ത്. ഇ​ന്നി​പ്പോ​ൾ വാ​ണി​ജ്യാ​ടി​സ്ഥാ​ന​ത്തി​ൽ കേ​ര​ള​ത്തി​ൽ ഏ​റ്റ​വും കൂ​ടു​ത​ൽ കു​ന്പി​ള​പ്പം ഉ​ത്പാ​ദി​പ്പി​ക്കു​ന്ന ക​ന്പ​നി​യാ​യി നീ​ല​ർ പ്രൊ​ഡ്യൂ​സ​ർ ക​ന്പ​നി മാ​റി. ഇ​തു കൂ​ടാ​തെ പ്രാ​ദേ​ശി​ക​മാ​യി പ്ര​തി​ദി​നം അ​യ്യാ​യി​ര​ത്തി​ന​ടു​ത്തു കു​ന്പി​ള​പ്പം വി​ൽ​ക്കു​ന്നു​മു​ണ്ട്.

നീ​ലൂ​രി​ലെ 650 ക​ർ​ഷ​ക​രു​ടെ കൂ​ട്ടാ​യ്മ​യാ​യ ക​ന്പ​നി​യു​ടെ ഓ​ഹ​രി ഉ​ട​മ​ക​ളി​ൽ ഭൂ​രി​ഭാ​ഗ​വും പു​രു​ഷ​ന്മാ​രാ​ണെ​ങ്കി​ലും കു​ന്പി​ള​പ്പ​നി​ർ​മാ​ണം സ്ത്രീ​ക​ളു​ടെ മേ​ൽ​നോ​ട്ട​ത്തി​ലാ​ണ്. പ​ത്തു സ്ത്രീ​ക​ളു​ടെ നേ​തൃ​ത്വ​ത്തി​ലാ​ണ് ഇ​വി​ടെ രാ​വും പ​ക​ലും കു​ന്പി​ള​പ്പ നി​ർ​മാ​ണം. ക​യ​റ്റി​യ​യ​യ്ക്കാ​നു​ള്ള​വ ശീ​തീ​ക​രി​ച്ചാ​ണ് ത​യാ​റാ​ക്കു​ന്ന​ത്.

വീ​ടു​ക​ളി​ൽ ത​യാ​റാ​ക്കു​ന്ന​തു​പോ​ലെ ത​ന്നെ കു​ന്പി​ളാ​ക്കി​യ ഇ​ട​ന​യി​ല​യി​ൽ അ​രി​ക്കൂ​ട്ടും ച​ക്ക​പ്പ​ഴ​വും ചേ​ർ​ത്തു നി​റ​ച്ച് ആ​വി​യി​ൽ പു​ഴു​ങ്ങി​യെ​ടു​ത്താ​ണ് കു​മ്പി​ള​പ്പം ത​യാ​റാ​ക്കു​ന്ന​ത്. ശ​ർ​ക്ക​ര​യും തേ​ങ്ങ​യും ഏ​ല​ക്ക​യും ജീ​ര​ക​വും റ​വ അ​ല്ലെ​ങ്കി​ൽ അ​രി​പ്പൊ​ടി എ​ന്നി​വ​യു​മാ​ണ് കു​ന്പി​ള​പ്പ​ത്തി​ന്‍റെ പ്ര​ധാ​ന ചേ​രു​വ​ക​ൾ.

ഇ​ല​യാ​ണ് താ​രം

ചേ​രു​വ​ക​ൾ​ക്കൊ​പ്പം കു​മ്പി​ളി​ല എ​ന്നു വി​ളി​ക്ക​പ്പെ​ടു​ന്ന ഇ​ട​ന​യി​ല​യു​ടെ രു​ചി​കൂ​ടി ചേ​രു​മ്പോ​ഴാ​ണ് കു​മ്പി​ള​പ്പം ആ​സ്വാ​ദ്യ​മാ​കു​ന്ന​ത്. കോ​ട്ട​യം ജി​ല്ല​യ്ക്കു പു​റ​മേ പാ​ല​ക്കാ​ട്, അ​ട്ട​പ്പാ​ടി ഭാ​ഗ​ത്തു​നി​ന്നു വ​ലി​യ തോ​തി​ൽ ക​മ്പ​നി ഇ​ല ശേ​ഖ​രി​ക്കു​ന്നു​ണ്ട്. ഒ​രി​ല​യ്ക്ക് ഒ​രു രൂ​പ ന​ൽ​കി​യാ​ണ് ശേ​ഖ​രി​ക്കു​ന്ന​ത്. കേ​ടു​ള്ള​തോ പ​ഴ​കി​യ​തോ ആ​യ ഇ​ല​ക​ൾ ഉ​പ​യോ​ഗി​ക്കാ​റി​ല്ല.

വീ​ടു​ക​ളി​ൽ കു​ന്പി​ള​പ്പം ഉ​ണ്ടാ​ക്കാ​ൻ മി​ക്ക​വ​രും ച​ക്ക​പ്പ​ഴം ഉ​ട​ന​ടി ഉ​പ​യോ​ഗി​ക്കു​ക​യാ​ണെ​ങ്കി​ൽ വാ​ണി​ജ്യാ​ടി​സ്ഥാ​ന​ത്തി​ലെ ഉ​ത്പാ​ദ​ന​ത്തി​ന് ച​ക്ക​പ്പ​ഴം പ​ൾ​പ്പാ​ക്കി​യാ​ണ് ഉ​പ​യോ​ഗി​ക്കു​ന്ന​ത്. ഇ​തി​നാ​യി വ്യ​ത്യ​സ്ത സ​മ​യ​ങ്ങ​ളി​ൽ ച​ക്ക​പ്പ​ഴം ശേ​ഖ​രി​ച്ചു പ​ൾ​പ്പാ​ക്കി ശീ​തീ​ക​രി​ച്ചു സൂ​ക്ഷി​ക്കും. കേ​ര​ള​ത്തി​ൽ​നി​ന്നും ത​മി​ഴ്നാ​ട്ടി​ൽ​നി​ന്നും ക​ർ​ണാ​ട​ക​യി​ൽ​നി​ന്നു​വ​രെ യും ​ച​ക്ക ശേ​ഖ​രി​ക്കു​ന്നു​ണ്ട്.

ഒ​രു മ​ണി​ക്കൂ​റി​നു​ള്ളി​ൽ 1,250 അ​പ്പം ആ​വി​യി​ൽ പു​ഴ​ങ്ങാ​വു​ന്ന സ്റ്റീ​മ​റി​ലാ​ണ് ത​യാ​റാ​ക്കു​ന്ന​ത്. ഓ​ർ​ഡ​ർ അ​നു​സ​രി​ച്ചാ​ണ് കു​ന്പി​ള​പ്പം പു​ഴു​ങ്ങു​ന്ന​ത്. 365 ദി​വ​സ​വും അ​പ്പം ഉ​ണ്ടാ​ക്കാ​വു​ന്ന രീ​തി​യി​ൽ പ​ൾ​പ്പ് സൂ​ക്ഷി​ച്ചു വ​യ്ക്കു​ന്നു​ണ്ട്.

ഒ​രു കു​ന്പി​ള​പ്പ​ത്തി​ന് 80-85 ഗ്രാം ​തൂ​ക്കം വ​രും. 12 രൂ​പ​യാ​ണ് മൊ​ത്ത​വി​ല. പ്രാ​ദേ​ശി​ക വി​പ​ണി​യി​ൽ 18 രൂ​പ​യ്ക്കു കി​ട്ടു​ന്ന കു​ന്പി​ള​പ്പം വി​ദേ​ശ വി​പ​ണി​യി​ൽ 35 രൂ​പ​യ്ക്കാ​ണ് വി​ല്പ​ന. നീ​ലൂ​ർ സ​ർ​വീ​സ് സ​ഹ​ക​ര​ണ ബാ​ങ്കി​ന്‍റെ ആ​ഭി​മു​ഖ്യ​ത്തി​ൽ ന​ബാ​ർ​ഡി​ന്‍റെ ഫാ​ർ​മേ​ഴ്സ് പ്രൊ​ഡ​ക്‌​ഷ​ൻ ഓ​ർ​ഗ​നൈ​സേ​ഷ​ന്‍റെ സ​ഹ​ക​ര​ണ​ത്തോ​ടെ​യാ​ണ് ക​ന്പ​നി തു​ട​ങ്ങി​യ​ത്.

കു​ന്പി​ള​പ്പ​ത്തി​നൊ​പ്പം ച​ക്ക, ക​പ്പ തു​ട​ങ്ങി​യ​വ​യി​ൽ​നി​ന്നു വി​വി​ധ മൂ​ല്യ​വ​ർ​ധി​ത ഉ​ത്പ​ന്ന​ങ്ങ​ളും ഉ​ണ്ടാ​ക്കു​ന്നു​ണ്ട്. താ​മ​സി​യാ​തെ റെ​ഡി ടു ​ഈ​റ്റ് ച​ക്ക വി​പ​ണി​യി​ലെ​ത്തി​ക്കാ​നു​ള്ള ത​യാ​റെ​ടു​പ്പ് ന​ട​ന്നു വ​രി​ക​യാ​ണെ​ന്ന് ക​ന്പ​നി ചെ​യ​ർ​മാ​ൻ മാ​ത്യു സി​റി​യ​ക്കും സി​ഇ​ഒ ഷാ​ജി ജോ​സ​ഫും പ​റ​ഞ്ഞു.

ജി​ബി​ൻ കു​ര്യ​ൻ


Copyright @ 2022 , Rashtra Deepika Ltd.