വെ​ട്ടു​വ​ൻ കോ​വി​ൽ അ​ഥ​വാ എ​ല്ലോ​റ ഓ​ഫ് സൗ​ത്ത്
സം​സ്ഥാ​ന പാ​ത 76ല്‍​നി​ന്നു ക​ലു​ഗു​മ​ല​യി​ലേ​ക്കു​ള്ള വ​ഴി​യെ തി​രി​ഞ്ഞാ​ല്‍ ആ​കാ​ശം മു​ട്ടെ വ​ള​ര്‍​ന്നു നി​ല്‍​ക്കു​ന്ന ക​രി​മ്പ​ന​ക്കൂ​ട്ട​ങ്ങ​ളും പ​ച്ച​വി​രി​ച്ചു നി​ല്‍​ക്കു​ന്ന നെ​ല്‍​പ്പാ​ട​ങ്ങ​ളും പൂ​ത്തു​നി​ല്‍​ക്കു​ന്ന ക​ടു​കു​ചെ​ടി​ത്തോ​ട്ട​ങ്ങ​ളും വി​ള​ഞ്ഞു നി​ല്‍​ക്കു​ന്ന ചോ​ള​വും സൂ​ര്യ​കാ​ന്തി​പ്പൂ​ക്ക​ളും ചെ​റി​യ ത​ടാ​ക​ങ്ങ​ളും വ​ഴി​യി​ലു​ട​നീ​ളം കാ​ണാം.

എ​ല്ലാ കൃ​ഷി​യി​ട​ങ്ങ​ള്‍​ക്കും അ​രി​കെ കോ​വി​ലു​ക​ളും. കൃ​ഷി​യി​ട​വു​മാ​യി ബ​ന്ധ​പ്പെ​ട്ട കു​ല​ദൈ​വ​ങ്ങ​ളാ​ണ് പ്ര​തി​ഷ്ഠ. "എ​ല്ലോ​റ ഓ​ഫ് സൗ​ത്ത്’ എ​ന്ന് അ​റി​യ​പ്പെ​ടു​ന്ന വെ​ട്ടു​വ​ന്‍ കോ​വി​ലി​ലേ​ക്കു​ള്ള വ​ഴി​യാ​ണി​തെ​ങ്കി​ലും വ​ഴി​യി​ലൊ​രി​ട​ത്തും ചൂ​ണ്ടു​പ​ല​ക​ക​ളി​ല്ല. പ​ക്ഷേ, ആ​രോ​ടു ചോ​ദി​ച്ചാ​ലും ച​രി​ത്ര​വും പ​റ​ഞ്ഞു ത​രും.

ക​ലു​ഗു​മ​ല​യി​ലു​ള്ള​ത് ഏ​ക​ശി​ലാ ക്ഷേ​ത്ര​മാ​യ വെ​ട്ടു​വ​ന്‍ കോ​വി​ല്‍ മാ​ത്ര​മ​ല്ല. എ​ട്ടാം നൂ​റ്റാ​ണ്ടി​ലെ ജൈ​ന കി​ട​ക്ക​ക​ളും മു​രു​ക​ന്‍ ക്ഷേ​ത്ര​മാ​യ ക​ലു​ഗ​സ​ല​മൂ​ര്‍​ത്തി ഗു​ഹാ​ക്ഷേ​ത്ര​വു​മു​ണ്ട്. ച​രി​ത്ര​മു​റ​ങ്ങു​ന്ന മ​ണ്ണാ​ണെ​ങ്കി​ലും സ​ന്ദ​ര്‍​ശ​ക​രു​ടെ തി​ര​ക്കോ ബ​ഹ​ള​ങ്ങ​ളോ ഒ​ന്നു​മി​ല്ലി​വി​ടെ. ക്ഷേ​ത്ര​വും പ​രി​സ​ര​വും പു​രാ​വ​സ്തു വ​കു​പ്പി​ന്‍റെ കീ​ഴി​ലാ​ണെ​ങ്കി​ലും അ​തി​ന്‍റേ​താ​യ പ​രി​പാ​ല​ന​വും കാ​ണാ​നി​ല്ല.

ജ്യൂ​സ് വി​ല്‍​ക്കു​ന്ന ചി​ല വാ​ഹ​ന​ങ്ങ​ള്‍ ഒ​ഴി​ച്ചാ​ല്‍ മ​റ്റ് ക​ച്ച​വ​ട​ക്കാ​രെ​യും കാ​ണാ​നി​ല്ല. തി​ക​ച്ചും ത​മി​ഴ് ഗ്രാ​മീ​ണാ​ന്ത​രീ​ക്ഷം. മ​ല​യു​ടെ അ​ടി​വാ​ര​ത്തു​നി​ന്നു ചെ​റി​യ ഒ​രു ത​ടാ​കം ക​ട​ന്നു​വേ​ണം മു​ക​ളി​ലേ​ക്കു പോ​കാ​ന്‍. മ​ല​യി​ലു​ട​നീ​ളം പോ​കേ​ണ്ട ഇ​ട​ങ്ങ​ളി​ലേ​ക്കെ​ല്ലാം പ​ട​വു​ക​ള്‍ ഉ​ണ്ടാ​ക്കി​യി​ട്ടു​ണ്ട്. മ​ല​യ്ക്കു മു​ക​ളി​ലേ​ക്കു ക​യ​റും​തോ​റും ക​ലു​ഗു​മ​ല ഗ്രാ​മ​ത്തി​ന്‍റെ ഭം​ഗി കൂ​ടു​ത​ല്‍ ദൃ​ശ്യ​മാ​യി​ത്തു​ട​ങ്ങും.

ഏ​ക​ശി​ലാ​ക്ഷേ​ത്രം

തി​രു​വ​ന​ന്ത​പു​രം-​മ​ധു​ര പാ​ത​യി​ലു​ള്ള കോ​വി​ല്‍​പെ​ട്ടി​യി​ല്‍​നി​ന്നു ശ​ങ്ക​ര​ന്‍​കോ​വി​ലി​ലേ​ക്കു​ള്ള വ​ഴി മ​ധ്യേ സ്ഥി​തി​ചെ​യ്യു​ന്ന ക​ലു​ഗു​മ​ല​യ്ക്ക് 300 അ​ടി​യി​ല്‍ കൂ​ടു​ത​ല്‍ ഉ​യ​ര​മു​ണ്ട്. ഈ ​സ്ഥ​ലം തി​രു​മ​ലൈ അ​ഥ​വ അ​ര​മ​ലൈ എ​ന്നാ​ണ് പാ​ണ്ഡ്യ​ന്‍ ലി​ഖി​ത​ങ്ങ​ളി​ല്‍ കാ​ണു​ന്ന​ത്. ഇ​ന്ന​ത്തെ തൂ​ത്തു​ക്കു​ടി ജി​ല്ല​യി​ല്‍​പ്പെ​ട്ട ക​ലു​ഗു​മ​ല ത​മി​ഴ്നാ​ട്ടി​ലെ കോ​വി​ല്‍​പ​ട്ടി​യി​ല്‍​നി​ന്നു കു​റ്റാ​ല​ത്തേ​ക്കു​ള്ള പു​രാ​ത​ന വ്യാ​പാ​ര​പാ​ത​യി​ലെ പ​ട്ട​ണ​മാ​യി​രു​ന്നു.

ഇ​ന്ന് ഇ​തൊ​രു പ​ട്ട​ണ​മ​ല്ലെ​ങ്കി​ലും ഇ​വി​ടെ​യാ​ണ് പാ​ണ്ഡ്യ​ന്‍ വാ​സ്തു​വി​ദ്യ​യ്ക്കു പേ​രു​കേ​ട്ട ഈ ​ഏ​ക​ശി​ലാ​ക്ഷേ​ത്ര​മു​ള്ള​ത്. പ​ണി പൂ​ര്‍​ത്തി​യാ​കാ​ത്ത ഈ ​ക്ഷേ​ത്രം എ​ട്ടാം നൂ​റ്റാ​ണ്ടി​ല്‍ മ​ധു​ര​യി​ലെ പാ​ണ്ഡ്യ​ന്മാ​ര്‍ എ​ന്ന​റി​യ​പ്പെ​ടു​ന്ന പാ​ണ്ഡ്യ രാ​ജ​വം​ശ​ത്തി​ന്‍റെ കാ​ല​ത്ത് നി​ര്‍​മി​ക്ക​പ്പെ​ട്ട​താ​ണെ​ന്നു ക​രു​ത​പ്പെ​ടു​ന്നു. ആ​ദ്യ​കാ​ല പാ​ണ്ഡ്യ​ന്‍ കാ​ല​ഘ​ട്ട​ത്തി​ല്‍ പ​ര​ന്ത​ക നെ​ടു​ഞ്ജ​ട​യ്യ​ന്‍റെ നേ​തൃ​ത്വ​ത്തി​ല്‍ ക്ഷേ​ത്രം പ​ണി​ക​ഴി​പ്പി​ച്ചെ​ന്നാ​ണ് ക​രു​തു​ന്ന​ത്. ഐ​തി​ഹ്യ​ങ്ങ​ള്‍ അ​ല്ലാ​തെ ച​രി​ത്ര​രേ​ഖ​ക​ളൊ​ന്നും ല​ഭ്യ​മ​ല്ല.

പാ​തി വി​രി​ഞ്ഞ താ​മ​ര

വെ​ട്ടു​വ​ന്‍ കോ​വി​ല്‍ ക്ഷേ​ത്രം ഒ​റ്റ ക​രി​ങ്ക​ല്‍ പാ​റ​യി​ല്‍ കൊ​ത്തി​യെ​ടു​ത്തി​ട്ടു​ള്ള​താ​ണ്. മ​ഹാ​രാ​ഷ്ട്ര​യി​ലെ എ​ല്ലോ​റ​യി​ലെ കൈ​ലാ​സ​നാ​ഥ ക്ഷേ​ത്ര​ത്തി​നു സ​മാ​ന​മാ​യി മ​ല​യു​ടെ മു​ക​ളി​ല്‍​നി​ന്നു താ​ഴേ​ക്കു ക​ല്ലു​ക​ള്‍ വെ​ട്ടി​മാ​റ്റി​യാ​ണ് നി​ര്‍​മി​ച്ചി​ട്ടു​ള്ള​ത്. മ​ല​യു​ടെ വ​ട​ക്കു-​കി​ഴ​ക്ക് ചെ​രു​വി​ല്‍ കി​ഴ​ക്ക് ദ​ര്‍​ശ​ന​മാ​യി ദീ​ര്‍​ഘ​ച​തു​രാ​കൃ​തി​യി​ല്‍ ഏ​ക​ദേ​ശം 25 അ​ടി താ​ഴ്ച​യി​ലാ​ണ് ഇ​ത് കു​ഴി​ച്ചെ​ടു​ത്തി​രി​ക്കു​ന്ന​ത്. മ​റ്റു ക്ഷേ​ത്ര​ങ്ങ​ളി​ല്‍​നി​ന്നു വ്യ​ത്യ​സ്ത​മാ​യി വെ​ട്ടു​വ​ന്‍ കോ​വി​ലി​ലെ മു​ഴു​വ​ന്‍ ശി​ല്പ​ങ്ങ​ളും ഇ​രി​ക്കു​ന്ന നി​ല​യി​ലാ​ണ് കാ​ണ​പ്പെ​ടു​ന്ന​ത്.

ശി​വ​ന്‍, ശി​വ​ന്‍റെ വാ​ഹ​നം ന​ന്ദി, സിം​ഹ​ങ്ങ​ള്‍, കു​ര​ങ്ങു​ക​ള്‍, പ​രി​ചാ​ര​ക ദേ​വ​ത​ക​ള്‍, മൃ​ദം​ഗം വാ​യി​ക്കു​ന്ന ദ​ക്ഷി​ണാ​മൂ​ര്‍​ത്തി, ദേ​വ​ത​യാ​യ ഉ​മ, അം​ബി​ക​യ​ക്ഷി തു​ട​ങ്ങി​യ ശി​ല്പ​ങ്ങ​ളും പ്ര​തി​മ​ക​ളും ഇ​വി​ടെ കാ​ണാം. 122 ശി​ല്പ​ങ്ങ​ളും 13 പ്ര​തി​മ​ക​ളും. ക്ഷേ​ത്ര​ത്തി​ന് താ​ഴെ പ്ര​വേ​ശ​ന ക​വാ​ട​വും ചെ​റി​യ ഹാ​ളും ഉ​ണ്ട്. ക്ഷേ​ത്ര​നി​ര്‍​മി​തി താ​ഴേ​ക്ക് വ​രും തോ​റും പൂ​ര്‍​ത്തീ​ക​രി​ക്കാ​ത്ത നി​ല​യി​ലാ​ണ്. പ​ല ശി​ല്പ​ങ്ങ​ളും പൂ​ര്‍​ത്തീ​ക​രി​ച്ചി​ട്ടി​ല്ല. ക്ഷേ​ത്രം പ്ര​തി​ഷ്ഠി​ച്ചി​ട്ടു​ള്ള​ത് ശി​വ​നാ​ണ്. മ​ല​യു​ടെ മു​ക​ളി​ല്‍​നി​ന്നു നോ​ക്കി​യാ​ല്‍ ഈ ​ശി​ലാ​ക്ഷേ​ത്രം പാ​തി​വി​രി​ഞ്ഞ താ​മ​ര​യാ‍​യി‌​ട്ടാ​ണ് തോ​ന്നു​ക.

മ​ഹാ​ബ​ലി​പു​ര​ത്തെ പ​ഞ്ച​ര​ഥ സ​മു​ച്ച​യം, പു​തു​ക്കോ​ട്ട​യി​ലെ വി​ജ​യാ​ല​യ ചോ​ളീ​ശ്വ​രം തു​ട​ങ്ങി പാ​റ​ക​ള്‍ വെ​ട്ടി​യു​ണ്ടാ​ക്കി​യ നി​ര​വ​ധി ക്ഷേ​ത്ര​ങ്ങ​ള്‍ ത​മി​ഴ്നാ​ട്ടി​ലു​ണ്ടെ​ങ്കി​ലും അ​തി​ല്‍​നി​ന്നെ​ല്ലാം വ്യ​ത്യ​സ്ത​മാ​ണ് വെ​ട്ടു​വ​ന്‍ കോ​വി​ല്‍. എ​ല്ലോ​റ​യി​ലേ​തി​നു സ​മാ​ന​മാ​യ ക​ല​യു​ടെ​യും വാ​സ്തു​വി​ദ്യ​യു​ടെ​യും മാ​തൃ​ക​ക​ള്‍ ഉ​ള്ള​തി​നാ​ല്‍ വെ​ട്ടു​വ​ന്‍ കോ​വി​ല്‍ എ​ല്ലോ​റ​യു​ടെ ഒ​രു മാ​തൃ​ക​യാ​യി​രി​ക്കു​മെ​ന്നാ​ണ് ച​രി​ത്ര​കാ​ര​ന്മാ​ര്‍ അ​വ​കാ​ശ​പ്പെ​ടു​ന്ന​ത്. ഇ​വ ര​ണ്ടും എ​ട്ടാം​നൂ​റ്റാ​ണ്ടി​ല്‍​ത്ത​ന്നെ നി​ര്‍​മി​ച്ചി​ട്ടു​ള്ള​വ​യു​മാ​ണ്.

ജൈ​ന ശി​ലാ​ശി​ല്പ​ങ്ങ​ള്‍

ചെ​രി​ഞ്ഞ പാ​റ​യ്ക്കു മു​ക​ളി​ല്‍ ബാ​ല​ന്‍​സ് ചെ​യ്തു നി​ല്‍​ക്കു​ന്ന കൂ​റ്റ​ന്‍ പാ​റ​ക്ക​ല്ലു​ക​ള്‍ മ​ല​യു​ടെ പ​ല ഭാ​ഗ​ത്താ​യി കാ​ണാം. അ​തി​ല്‍ വെ​ട്ടു​വ​ന്‍ കോ​വി​ല​നു വ​ല​തു​വ​ശ​ത്താ​യി അ​ടു​ക്കി​വ​ച്ചി​രി​ക്കു​ന്ന നി​ല​യി​ല്‍ കാ​ണു​ന്ന പാ​റ​ക്ക​ല്ലു​ക​ള്‍ പാ​ണ്ഡ്യ​ന്‍ കാ​ല​ത്തു ന​ട​ന്ന യു​ദ്ധ​ത്തി​ല്‍ ഈ ​മ​ല സം​ര​ക്ഷി​ക്കാ​ൻ വേ​ണ്ടി വീ​ര​മൃ​ത്യു വ​രി​ച്ച ര​ണ്ടു പ​ട്ടാ​ള​ക്കാ​രു​ടെ സ്മ​ര​ണ​യ്ക്കാ​യി അ​ക്കാ​ല​ത്ത് ഉ​ണ്ടാ​ക്കി​യ​താ​ണ്. മ​ല​യി​ല്‍ പ​ലേ​ട​ത്തും സ​മാ​ന​മാ​യ രൂ​പ​ങ്ങ​ള്‍ കാ​ണാം. പാ​റ​യി​ല്‍ കൊ​ത്തി​യ ജൈ​ന കി​ട​ക്ക​ക​ളും (ശി​ലാ​ശി​ല്പ​ങ്ങ​ള്‍) ക​ലു​ഗ​സ​ല​മൂ​ര്‍​ത്തി ഗു​ഹാ​ക്ഷേ​ത്ര​വും അ​വ​യി​ല്‍ പ്ര​സി​ദ്ധം.

ദ​ക്ഷി​ണേ​ന്ത്യ​യി​ലെ ഏ​റ്റ​വും പ​ഴ​ക്കം ചെ​ന്ന ജൈ​ന കേ​ന്ദ്ര​ങ്ങ​ളി​ലൊ​ന്നാ​യി​രു​ന്നു ക​ലു​ഗു​മ​ല. മ​ല​യു​ടെ മു​ക​ള്‍​ഭാ​ഗ​ത്തെ ക​ല്‍​ച്ചു​വ​രി​ലെ ജൈ​ന കി​ട​ക്ക​ക​ള്‍ (ശി​ലാ​ശി​ല്പ​ങ്ങ​ള്‍) ജൈ​ന കൊ​ത്തു​പ​ണി​യു​ടെ മി​ക​വ് വി​ളി​ച്ചോ​തു​ന്നു. ജൈ​ന​മ​ത​വു​മാ​യി ബ​ന്ധ​പ്പെ​ട്ട 98 ലി​ഖി​ത​ങ്ങ​ള്‍ പാ​റ​യി​ല്‍ കാ​ണാം. ദ​ക്ഷി​ണേ​ന്ത്യ​യി​ലെ ഏ​റ്റ​വും വ​ലി​യ ജൈ​ന ലി​ഖി​ത​ങ്ങ​ള്‍ ജൈ​ന കി​ട​ക്ക​യി​ലു​ണ്ട്. മ​ഹാ​വീ​ര​ന്‍, ഗോ​മ​തേ​ശ്വ​ര​ന്‍, പാ​ര്‍​ശ്വ​നാ​ഥ​ന്‍, ബാ​ഹു​ബ​ലി തു​ട​ങ്ങി ജൈ​ന​മ​ത​ത്തി​ലെ മ​റ്റ് തീ​ര്‍​ഥ​ങ്ക​ര​ന്‍ തു​ട​ങ്ങി​യ​വ​രു​ടെ ശി​ല്പ​ങ്ങ​ള്‍ ഉ​ള്‍​പ്പെ​ടു​ന്ന 150 സ്ഥ​ല​ങ്ങ​ള്‍ കി​ട​ക്ക​യി​ലു​ണ്ട്.

ഈ ​ച​രി​ത്ര​ശേ​ഷി​പ്പു​ക​ളെ മ​റ​യ്ക്കും​വി​ധം നി​ര്‍​മി​ച്ച ഒ​രു അ​യ്യ​നാ​ര്‍ ക്ഷേ​ത്ര​വും ഇ​തി​നു മു​ന്നി​ലു​ണ്ട്. ഇ​തി​ന്‍റെ നി​ര്‍​മി​തി​ക്കു കാ​ര​ണം ഹി​ന്ദു​ദേ​വ​നാ​യ അ​യ്യ​നാ​ര്‍ ജൈ​ന ക്ഷേ​ത്ര​ങ്ങ​ളു​ടെ കാ​വ​ല്‍ ദേ​വ​ത​യാ​യ​തു​കൊ​ണ്ടാ​ണെ​ന്നാ​ണ് പ്ര​ദേ​ശ​വാ​സി​ക​ള്‍ പ​റ​യു​ന്ന​ത്.​എ​ന്നാ​ല്‍, ചി​ല സ​ന്യാ​സി​മാ​ര്‍ ക​ലു​ഗ​സ​ല​മൂ​ര്‍​ത്തി ഗു​ഹാ​ക്ഷേ​ത്ര​ത്തി​ലെ മു​രു​ക​ന്‍റെ വി​ഗ്ര​ഹ​ത്തി​നു പ​ക​രം മ​ഹാ​വീ​ര​ന്‍റെ പ്ര​തി​മ സ്ഥാ​പി​ക്കാ​ന്‍ ശ്ര​മി​ക്കു​ക​യും ഇ​തു മ​ത​പ​ര​മാ​യ അ​സ്വ​സ്ഥ​ത​ക​ള്‍​ക്കു കാ​ര​ണ​മാ​കു​ക​യും ചെ​യ്തു.

ഇ​തി​ന്‍റെ ബാ​ക്കി​പ​ത്ര​മെ​ന്നോ​ണ​മാ​ണ് അ​യ്യ​നാ​ര്‍ ക്ഷേ​ത്രം ജൈ​ന കി​ട​ക്ക​ക​ള്‍​ക്കു മു​ന്നി​ല്‍ ഉ​യ​ര്‍​ന്ന​തെ​ന്നാ​ണ് ച​രി​ത്ര​കാ​ര​ന്‍​മാ​ര്‍ പ​റ​യു​ന്ന​ത്. ത​മി​ഴ്‌​നാ​ടി​ലെ പ്ര​ധാ​ന പ​ട്ട​ണ​ങ്ങ​ളൊ​ന്നും സ​മീ​പ​മി​ല്ലാ​ത്ത​തു​കൊ​ണ്ട് ഇ​ന്നും വി​നോ​ദ​സ​ഞ്ചാ​രി​ക​ള്‍​ക്ക് അ​ജ്ഞാ​ത​മാ​യി ക​ലു​ഗു​മ​ല നി​ല​കൊ​ള്ളു​ന്നു.

അ​രു​ൺ ടോം


Copyright @ 2022 , Rashtra Deepika Ltd.