1974ൽ ​പു​റ​ത്തി​റ​ങ്ങി​യ ര​ജ​നീ​ഗ​ന്ധ എ​ന്ന ഹി​ന്ദി സി​നി​മ​യി​ലെ ഒ​രു രം​ഗം:

അ​മോ​ൽ പ​ലേ​ക്ക​ർ അ​വ​ത​രി​പ്പി​ച്ച സ​ഞ്ജ​യ് എ​ന്ന ക​ഥാ​പാ​ത്രം ഒ​രു സി​നി​മാ തി​യ​റ്റ​റി​ലേ​ക്കു പ്ര​വേ​ശി​ക്കു​ന്നു. സി​നി​മ തു​ട​ങ്ങി അ​ല്പം ക​ഴി​ഞ്ഞി​ട്ടാ​ണ് വ​ര​വ്. വൈ​കാ​തെ സി​നി​മ​യ്ക്കു​ള്ളി​ലെ സി​നി​മ​യി​ൽ ഒ​രു പാ​ട്ടു വ​രു​ന്നു.

ലോ, ​ഗാ​നാ ശു​രൂ ഹോ​ഗ​യാ!- അ​യാ​ൾ അ​ല്പ​മൊ​ന്ന് അ​സ്വ​സ്ഥ​നാ​യി പ​റ​യു​ക​യാ​ണ്- നോ​ക്കൂ, പാ​ട്ടു തു​ട​ങ്ങി. ഞാ​നൊ​ന്നു പു​റ​ത്തി​റ​ങ്ങി​യി​ട്ടു വ​രാം.

ഒ​രു​കാ​ല​ത്തെ യാ​ഥാ​ർ​ഥ്യ​മാ​ണ് ഈ ​രം​ഗം പ​റ​ഞ്ഞു​വ​ച്ച​ത്. സി​നി​മ​യി​ൽ പാ​ട്ടു​വ​ന്നാ​ൽ കൊ​ട്ട​ക​യ്ക്കു പു​റ​ത്തി​റ​ങ്ങി പു​ക​വ​ലി​ക്കു​ന്ന​വ​ർ ധാ​രാ​ള​മു​ണ്ടാ​യി​രു​ന്നു. വി​സി​ആ​റി​ൽ സി​നി​മ​കാ​ണു​ന്ന കാ​ല​ത്ത് പാ​ട്ടു​വ​ന്നാ​ൽ ഫാ​സ്റ്റ് ഫോ​ർ​വേ​ഡ് ബ​ട്ട​ണ്‍ അ​മ​ർ​ത്തി​യി​രു​ന്ന​വ​രും കു​റ​വ​ല്ല. പാ​ട്ടു​ക​ളെ ഫി​ല്ല​റു​ക​ളാ​യി ക​ണ്ടി​രു​ന്ന കാ​ല​ത്താ​ണ് ഇ​തൊ​ക്കെ.

ക​ഥ​യു​ടെ ഭാ​ഗ​മാ​യ, ചേ​ത​ന​യെ പി​ടി​ച്ചി​രു​ത്തു​ക​യും ഭാ​വ​ന​യെ തു​റ​ന്നു​വി​ടു​ക​യും ചെ​യ്യു​ന്ന പാ​ട്ടു​ക​ൾ സി​നി​മ​ക​ളി​ൽ വ​ന്ന​തോ​ടെ പാ​ട്ടു​കേ​ൾ​ക്കാ​നാ​യി സി​നി​മ​യ്ക്കു പോ​യി​രു​ന്ന​വ​രു​ടെ കാ​ല​മാ​യി. മു​ക​ളി​ൽ​ക്ക​ണ്ട രം​ഗം അ​വ​ത​രി​പ്പി​ച്ച ബ​സു ചാ​റ്റ​ർ​ജി​യു​ടെ ര​ജ​നീ​ഗ​ന്ധ എ​ന്ന സി​നി​മ​യി​ൽ​ത്ത​ന്നെ ര​ണ്ടു സു​ന്ദ​ര​ഗാ​ന​ങ്ങ​ളു​ണ്ടാ​യി​രു​ന്നു. അ​തി​ലൊ​ന്നാ​ണ് ക​യീ ബാ​ർ യു​ൻ ഭീ ​ദേ​ഖാ ഹേ... ​സാ​ധാ​ര​ണ പാ​ട്ടു​പ്രേ​മി​ക​ളൊ​ന്നും ഓ​ർ​ത്തി​രി​ക്കാ​നി​ട​യി​ല്ലാ​ത്ത പാ​ട്ട്!

ആ ​കാ​റി​ൽ, ന​ഗ​ര​ത്തി​ലൂ​ടെ...

ദീ​പ എ​ന്ന നാ​യി​ക. സ​ന്തോ​ഷ​ക​ര​മാ​യ, അ​തേ​സ​മ​യം ചി​ല​പ്പോ​ഴെ​ങ്കി​ലും വി​ര​സ​മാ​കു​ന്ന പ്ര​ണ​യ​ജീ​വി​തം ന​യി​ക്കു​ന്ന അ​വ​ർ​ക്ക് ആ​ദ്യ കാ​മു​ക​നെ​ക്കു​റി​ച്ച് സു​ന്ദ​ര​മാ​യ ഓ​ർ​ക​ളു​ണ്ട്. അ​വി​ചാ​രി​ത​മാ​യി അ​യാ​ളെ അ​വ​ർ വീ​ണ്ടും ക​ണ്ടു​മു​ട്ടു​ന്നു. അ​വ​രു​ടെ മ​ന​സ്, ആ ​സി​നി​മ​യു​ടെ മു​ഖ്യ ആ​ശ​യം ആ ​ക​ണ്ടു​മു​ട്ട​ലി​ൽ സു​ന്ദ​ര​മാ​യൊ​രു പാ​ട്ടു​ണ്ടാ​ക്കു​ന്നു- ക​യീ ബാ​ർ യു​ൻ ഭീ ​ദേ​ഖാ ഹേ...

​യോ​ഗേ​ഷി​ന്‍റെ അ​ത്യ​ന്തം യാ​ഥാ​ർ​ഥ്യ​ബോ​ധ​മു​ള്ള വ​രി​ക​ൾ​ക്ക് ഈ​ണ​മൊ​രു​ക്കി​യ​ത് സ​ലി​ൽ ചൗ​ധ​രി. ബം​ഗാ​ളി​യി​ൽ പി​ന്‍റു ഭ​ട്ടാ​ചാ​ര്യ​യു​ടെ സ്വ​ര​ത്തി​ലു​ള്ള അ​മി ചൊ​ൽ​തേ ചൊ​ൽ​തേ എ​ന്ന പാ​ട്ടി​ന്‍റെ ഈ​ണം​ത​ന്നെ​യാ​ണ് സ​ലി​ൽ​ദാ ഹി​ന്ദി​യി​ൽ ഉ​പ​യോ​ഗി​ച്ച​ത്. മു​കേ​ഷി​ന്‍റെ സ്വ​ര​ത്തി​നു​മു​ണ്ട് ആ ​സാ​മ്യം! (ബം​ഗാ​ളി​യി​ൽ വ​രി​ക​ളി​ൽ ചെ​റി​യ വ്യ​ത്യാ​സ​ത്തോ​ടെ ല​താ മ​ങ്കേ​ഷ്ക​റും ഈ ​പാ​ട്ട് പാ​ടി​യി​ട്ടു​ണ്ട്).

ദീ​പ​യും മു​ൻ സു​ഹൃ​ത്ത് ന​വീ​നും ഒ​രു ടാ​ക്സി​യി​ൽ ബോം​ബെ ന​ഗ​ര​ത്തി​ലൂ​ടെ സ​ഞ്ച​രി​ക്കു​ക​യാ​ണ്. വി​ന​യാ​ന്വി​ത​നാ​യി അ​ല്പം അ​ക​ന്നു​മാ​റി​യി​രി​ക്കു​ന്ന അ​യാ​ളെ ഇ​ട​യ്ക്കി​ടെ ഒ​ളി​ക​ണ്ണി​ട്ടു നോ​ക്കു​ന്നു​ണ്ട് നാ​യി​ക. ജീ​വി​തം ഒ​രു​മി​ച്ചാ​യി​രു​ന്നു​വെ​ങ്കി​ൽ എ​ങ്ങ​നെ​യാ​യേ​നെ എ​ന്നു ചി​ന്തി​ക്കു​ന്ന അ​വ​രു​ടെ മ​ന​സ് ആ ​നോ​ട്ട​ങ്ങ​ളി​ൽ കാ​ണാം. മ​ന​സി​ന്‍റെ അ​ടു​പ്പം സൂ​ചി​പ്പി​ക്കു​ന്ന മ​ട്ടി​ൽ അ​വ​രു​ടെ സാ​രി​ത്ത​ല​പ്പ് കാ​റ്റി​ൽ അ​യാ​ളു​ടെ വി​ര​ലു​ക​ളെ ചെ​ന്നു തൊ​ടു​ക​യും ചെ​യ്യു​ന്നു.

മ​ന​സു പാ​ടി​യ​ത്...

മ​ന​സൊ​രു മാ​ന്ത്രി​ക​ക്കു​തി​ര​യാ​യ് പാ​യു​ന്നു, മ​നു​ഷ്യ​ൻ കാ​ണാ​ത്ത പാ​ത​ക​ളി​ൽ എ​ന്ന് മു​ല്ല​നേ​ഴി എ​ഴു​തി​യ​ത് മേ​ള എ​ന്ന ചി​ത്ര​ത്തി​നു​വേ​ണ്ടി​യാ​ണ്. അ​ത്ര​വ​ലി​യ പ്ര​ഹേ​ളി​ക​യാ​ണ് മ​ന​സെ​ന്നു​റ​പ്പി​ക്കു​ന്നു യോ​ഗേ​ഷി​ന്‍റെ ഈ ​പാ​ട്ടി​ലെ വ​രി​ക​ളും. സ്വ​യം അ​തി​ർ​വ​ര​ന്പു​ക​ൾ നി​ശ്ച​യി​ക്കു​ക​യും, അ​ജ്ഞാ​ത​മാ​യ എ​ന്തി​നെ​യൊ​ക്കെ​യോ തേ​ടി അ​തു മ​റി​ക​ട​ക്കാ​ൻ നി​ര​ന്ത​രം ശ്ര​മി​ക്കു​ക​യും ചെ​യ്യു​ന്ന മ​ന​സ്.

രൂ​പ​മി​ല്ലാ​ത്ത ആ​ഗ്ര​ഹ​ങ്ങ​ൾ​ക്കു പി​ന്നാ​ലെ പാ​യു​ന്ന മ​ന​സ്. ഒ​രു​പ​ക്ഷേ ജീ​വി​ത​ത്തി​ൽ ഒ​ട്ടു​മു​ക്കാ​ലും​പേ​ർ ക​ട​ന്നു​പോ​യി​ട്ടു​ള്ള സാ​ഹ​ച​ര്യം. അ​പ​രി​ചി​ത​മാ​യ വ​ഴി​ക​ളി​ലൂ​ടെ ജീ​വി​തം പാ​യു​ന്പോ​ൾ എ​ന്തി​നോ വേ​ണ്ടി കാ​ത്തി​രി​പ്പു തു​ട​രു​ന്ന മ​ന​സ്. യോ​ഗേ​ഷി​ന്‍റെ വ​രി​ക​ൾ ആ ​മ​ന​സി​നെ ക​ണ്ടെ​ത്തു​ന്നു.

അ​നു​പ​ല്ല​വി​യി​ലെ​ത്തു​ന്പോ​ൾ അ​നി​ശ്ചി​ത​ത്വ​ങ്ങ​ളി​ൽ അ​ല​യു​ക​യാ​ണ് മ​ന​സ്. പ​ക​ൽ​ക്കി​നാ​വു​ക​ളു​മു​ണ്ടാ​കാം കൂ​ട്ടി​ന്. ക​വി പ​ല​ത​രം പൂ​ക്ക​ൾ വി​രി​ഞ്ഞു​നി​ൽ​ക്കു​ന്ന തോ​ട്ട​മാ​യി ജീ​വി​ത​ത്തെ കാ​ണു​ന്നു​ണ്ട്.

പു​ഞ്ചി​രി​ക്കു​ന്ന പൂ​ക്ക​ളി​ൽ ഏ​തി​റു​ത്ത് മ​ന​സി​ൽ അ​ല​ങ്ക​രി​ച്ചു​വ​യ്ക്കു​മെ​ന്ന് അ​യാ​ൾ ആ​കു​ല​നാ​കു​ന്നു. ആ​രെ ഹൃ​ദ​യ​ത്തോ​ടു ചേ​ർ​ത്തു​വ​യ്ക്കു​മെ​ന്നും ഏ​തു ബ​ന്ധം ഉ​പേ​ക്ഷി​ക്കു​മെ​ന്നും അ​യാ​ൾ പി​ന്നീ​ടു സ്വ​യം ചോ​ദി​ക്കു​ന്നു. ജീ​വി​ത​ത്തി​ലെ ധ​ർ​മ​സ​ങ്ക​ട​ങ്ങ​ളെ ഇ​തി​നേ​ക്കാ​ൾ പ്രാ​ണ​ൻ​കൊ​ടു​ത്ത് എ​ങ്ങ​നെ​യെ​ഴു​താം.. എ​ങ്ങ​നെ ഈ​ണ​മി​ടാം.., എ​ങ്ങ​നെ പാ​ടാം!

സ​ലി​ൽ​ദാ, മു​കേ​ഷ് മാ​ജി​ക്

സ​ങ്കീ​ർ​ണ​മാ​യ മ​നോ​സ​ഞ്ചാ​ര​ങ്ങ​ളാ​ണ് പാ​ട്ടി​ലെ​ങ്കി​ലും സ​ര​ള​മാ​ണ് ഈ​ണ​വും ആ​ലാ​പ​ന​വും. ജീ​വി​ത​യാ​ത്ര​യെ സൂ​ചി​പ്പി​ക്കു​ന്ന മാ​ർ​ച്ചിം​ഗ് താ​ള​ത്തി​ൽ സാ​ക്സ​ഫോ​ണും ഫ്ളൂ​ട്ടു​മ​ട​ക്കം സു​ന്ദ​ര​മാ​യി ഉ​പ​യോ​ഗി​ച്ച് സ​ലി​ൽ ചൗ​ധ​രി സ്വ​ത​സി​ദ്ധ​മാ​യ മാ​ജി​ക്ക​ൽ ശൈ​ലി​യി​ൽ പാ​ട്ടൊ​രു​ക്കി​യി​രി​ക്കു​ന്നു. ഈ ​പാ​ട്ടി​നു മു​കേ​ഷി​ന്‍റെ സ്വ​ര​മേ ചേ​രൂ എ​ന്ന് കി​ഷോ​ർ കു​മാ​ർ ആ​രാ​ധ​ക​ർ​പോ​ലും സ​മ്മ​തി​ക്കു​ന്നു​ണ്ട്. അ​ങ്ങ​നെ​യാ​ണ് പ​ട്ടു​പോ​ലു​ള്ള ആ ​ശ​ബ്ദം.

പ​ക്ഷേ പാ​ട്ടി​ലേ​ക്ക് മു​കേ​ഷ് എ​ത്തി​യ​തി​നു പി​ന്നി​ൽ ഒ​രു ക​ഥ​യു​ണ്ട്. സ​ത്യ​മാ​ണോ എ​ന്ന് സ്ഥി​രീ​ക​ര​ണ​മി​ല്ലെ​ങ്കി​ലും ആ ​ക​ഥ ഇ​ങ്ങ​നെ​യാ​ണ്: നാ​യി​ക​യു​ടെ മ​ന​സാ​ണ് പാ​ട്ടി​ൽ ചി​ത്രീ​ക​രി​ക്കു​ന്ന​തെ​ന്നി​രി​ക്കേ ഹി​ന്ദി​യി​ൽ ഈ ​പാ​ട്ടു​പാ​ടാ​ൻ ല​താ മ​ങ്കേ​ഷ്ക​റെ​യാ​ണ് ആ​ദ്യം സ​മീ​പി​ച്ച​ത്. അ​ന്ന് അ​വ​ർ ആ​വ​ശ്യ​പ്പെ​ട്ട പ്ര​തി​ഫ​ലം മൂ​വാ​യി​രം രൂ​പ​യാ​യി​രു​ന്ന​ത്രേ. അ​ത്ര​യും തു​ക പാ​ട്ടി​നു മു​ട​ക്കാ​ൻ നി​ർ​മാ​താ​ക്ക​ൾ​ക്കു ക​ഴി​യു​മാ​യി​രു​ന്നി​ല്ല. അ​തു​കൊ​ണ്ട് അ​വ​ർ മു​കേ​ഷി​നെ സ​മീ​പി​ച്ചു.

അ​ദ്ദേ​ഹം ആ​യി​രം രൂ​പ​യ്ക്കു പാ​ടാ​മെ​ന്നു സ​മ്മ​തി​ക്കു​ക​യും ചെ​യ്തു. ഈ ​പാ​ട്ട് അ​ദ്ദേ​ഹ​ത്തി​ന് മി​ക​ച്ച ഗാ​യ​ക​നു​ള്ള ദേ​ശീ​യ പു​ര​സ്കാ​രം നേ​ടി​ക്കൊ​ടു​ത്തു​വെ​ന്ന​ത് മ​റ്റൊ​രു കൗ​തു​കം. പാ​ട്ടി​നു പി​ന്നി​ലെ പ്ര​ധാ​നി​ക​ളാ​യ മൂ​ന്നു​പേ​രും- യോ​ഗേ​ഷ്, സ​ലി​ൽ ചൗ​ധ​രി, മു​കേ​ഷ്- ഇ​ന്ന് ഈ ​ലോ​ക​ത്തി​ല്ല. പ​ക്ഷേ, മ​ന​സി​ന്‍റെ സ​ഞ്ചാ​ര​ങ്ങ​ൾ​ക്ക് അ​ര​നൂ​റ്റാ​ണ്ടി​നി​പ്പു​റ​വും ഒ​രു മാ​റ്റ​വു​മി​ല്ല.

ഹരിപ്രസാദ്