cat11 News
ജീ​വ​നും ജീ​വി​ത​വു​മെ​ടു​ക്കു​ന്ന സൈ​ബ​ർ കു​റ്റ​കൃ​ത‍്യ​ങ്ങ​ൾ
Monday, May 20, 2024 9:28 PM IST
വ‍്യ​​​​​​​​​ക്തിസ്വാ​​​​​​​​​ത​​​​​​​​​ന്ത്ര‍്യ​​​​​​​​​ത്തി​​​​​​​​​ന്‍റെ പ​​​​​​​​​രി​​​​​​​​​ധി​​​​​​​​​യും പ​​​​​​​​​രി​​​​​​​​​മി​​​​​​​​​തി​​​​​​​​​യും തി​​​​​​​​​രി​​​​​​​​​ച്ച​​​​​​​​​റി​​​​​​​​​യാ​​​​​​​​​നാ​​​​​​​​​വാ​​​​​​​​​തെ സ​​​​​​​​​മൂ​​​​​​​​​ഹ​​​​​​​​​മാ​​​​​​​​​ധ‍്യ​​​​​​​​​മ​​​​​​​​​ങ്ങ​​​​​​​​​ളി​​​​​​​​​ൽ കാ​​​​​​​​​ട്ടി​​​​​​​​​ക്കൂ​​​​​​​​​ട്ടു​​​​​​​​​ന്ന പേ​​​​​​​​​ക്കൂ​​​​​​​​​ത്തു​​​​​​​​​ക​​​​​​​​​ൾ ആ​​​​​​​​​ഘോ​​​​​​​​​ഷി​​​​​​​​​ക്ക​​​​​​​​​പ്പെ​​​​​​​​​ടു​​​​​​​​​ന്ന​​​​​​​​​തും വ​​​​​​​​​ലി​​​​​​​​​യൊ​​​​​​​​​രു സാ​​​​​​​​​മൂ​​​​​​​​​ഹി​​​​​​​​​ക തി​​​​​​​​​ന്മ​​​​​​​​​യാ​​​​​​​​​യി വ​​​​​​​​​ള​​​​​​​​​രു​​​​​​​​​ന്നു

സൈ​ബ​ർ ആ​ക്ര​മ​ണ​ങ്ങ​ളും ത​ട്ടി​പ്പു​ക​ളും പി​ടി​വി​ട്ടു പ​റ​ക്കു​ക​യാ​ണ്. ജീ​വ​നു​ക​ൾ പൊ​ലി​യു​ന്നു, കോ​ടി​ക​ൾ ത​ട്ടു​ന്നു. ര​ജി​സ്റ്റ​ർ ചെ​യ്യ​പ്പെ​ടു​ന്ന കേ​സു​ക​ളി​ൽ സിം​ഹ​ഭാ​ഗ​വും അ​ന്വേ​ഷി​ക്കാ​നാ​വാ​തെ സൈ​ബ​ർ പോ​ലീ​സ് സം​വി​ധാ​നം നി​സ​ഹാ​യ​മാ​കു​ന്നു.

ഇ​ന്‍റ​ർ​നെ​റ്റി​ന്‍റെ​യും സ​മൂ​ഹ​മാ​ധ‍്യ​മ​ങ്ങ​ളു​ടെ​യും ഉ​പ​യോ​ഗം വ‍്യാ​പ​ക​മാ​കും​തോ​റും സൈ​ബ​ർ കു​റ്റ​കൃ​ത‍്യ​ങ്ങ​ൾ പെ​രു​കി​ക്കൊ​ണ്ടേ​യി​രി​ക്കും. അ​വ കൈ​കാ​ര‍്യം ചെ​യ്യാ​ൻ ക​ഴി​യാ​തെ​വ​രു​ന്ന​താ​ണ് കൂ​ടു​ത​ൽ ഗൗ​ര​വ​ത​രം.

വ‍്യ​ക്തി​സ്വാ​ത​ന്ത്ര‍്യ​ത്തി​ന്‍റെ പ​രി​ധി​യും പ​രി​മി​തി​യും തി​രി​ച്ച​റി​യാ​നാ​വാ​തെ സ​മൂ​ഹ​മാ​ധ‍്യ​മ​ങ്ങ​ളി​ൽ കാ​ട്ടി​ക്കൂ​ട്ടു​ന്ന പേ​ക്കൂ​ത്തു​ക​ൾ ആ​ഘോ​ഷി​ക്ക​പ്പെ​ടു​ന്ന​തും വ​ലി​യൊ​രു സാ​മൂ​ഹി​ക തി​ന്മ​യാ​യി വ​ള​രു​ന്നു. സ​ദാ​ചാ​ര​ത്തി​ന്‍റെ സ​ക​ല സീ​മ​ക​ളും ലം​ഘി​ച്ചു​കൊ​ണ്ടാ​ണ് പ​ല​രും സ​മൂ​ഹ​മാ​ധ‍്യ​മ​ങ്ങ​ളി​ൽ പ​ര​സ‍്യ​വി​ചാ​ര​ണ​യ്ക്കും അ​ധി​ക്ഷേ​പ​ത്തി​നും മു​തി​രു​ന്ന​ത്.

മു​തി​ർ​ന്ന​വ​ര​ട​ക്കം സ്വ​കാ​ര‍്യ​സം​ഭാ​ഷ​ണ​ങ്ങ​ളി​ൽ​പോ​ലും ഉ​പ​യോ​ഗി​ക്കാ​ൻ പാ​ടി​ല്ലാ​ത്ത പ​ദ​പ്ര​യോ​ഗ​ങ്ങ​ളും ചേ​ഷ്ട​ക​ളു​മാ​യി വാ​ദ​പ്ര​തി​വാ​ദ​ങ്ങ​ൾ​ക്കും ത​ർ​ക്ക​ങ്ങ​ൾ​ക്കും ഉ​പ​ദേ​ശ​ങ്ങ​ൾ​ക്കും തു​നി​യു​ന്ന​തും പ​രി​ധി​വി​ടു​ക​യാ​ണ്.

സൈ​ബ​ർ ആ​ക്ര​മ​ണ​ത്തി​ന്‍റെ ഇ​ര​യാ​യി യു​വ​തി​യാ​യ ഒ​ര​മ്മ​കൂ​ടി ജീ​വ​നൊ​ടു​ക്കി​യി​രി​ക്കു​ന്നു.​അ​ബ​ദ്ധ​ത്തി​ൽ ത​ന്‍റെ കൈ​യി​ൽ​നി​ന്നു വീ​ണ കു​ഞ്ഞി​നെ ര​ക്ഷി​ക്കാ​നാ​യെ​ങ്കി​ലും സ​മൂ​ഹ​മാ​ധ‍്യ​മ​ങ്ങ​ളി​ലെ ആ​ക്ര​മ​ണ​ങ്ങ​ൾ​ക്കു മു​ന്നി​ൽ ആ ​അ​മ്മ​യ്ക്കു പി​ടി​ച്ചു​നി​ൽ​ക്കാ​നാ​യി​ല്ല.

ക​ഴി​ഞ്ഞ​മാ​സം 28ന് ​ചെ​ന്നൈ തി​രു​മു​ല്ല​വ​യ​ലി​ലു​ള്ള അ​പ്പാ​ർ​ട്ട്മെ​ന്‍റി​ലെ ബാ​ൽ​ക്ക​ണി​യി​ൽ​നി​ന്ന് ഭ​ക്ഷ​ണം കൊ​ടു​ക്കു​ന്ന​തി​നി​ടെ​യാ​ണ് മു​പ്പ​ത്തി​മൂ​ന്നു​കാ​രി​യാ​യ ഈ ​അ​മ്മ​യു​ടെ കൈ​യി​ൽ​നി​ന്ന് ഏ​ഴു മാ​സം പ്രാ​യ​മു​ള്ള പെ​ൺ​കു​ഞ്ഞ് അ​ബ​ദ്ധ​ത്തി​ൽ താ​ഴേ​ക്കു വീ​ണ​ത്.

ഒ​ന്നാം നി​ല​യു​ടെ പാ​ര​പ്പ​റ്റി​ലെ ത​കി​ട് ഷീ​റ്റി​ൽ ത​ങ്ങി​നി​ന്ന കു​ഞ്ഞി​നെ അ​യ​ൽ​ക്കാ​ർ സാ​ഹ​സി​ക​മാ​യി ര​ക്ഷ​പ്പെ​ടു​ത്തി​യി​രു​ന്നു. ഇ​തി​ന്‍റെ ദൃ​ശ‍്യ​ങ്ങ​ൾ പ​ക​ർ​ത്തി​യ​വ​ർ അ​ത് സ​മൂ​ഹ​മാ​ധ‍്യ​മ​ങ്ങ​ളി​ല​ട​ക്കം പ്ര​ച​രി​പ്പി​ച്ച​തോ​ടെ അ​മ്മ​യ്ക്കെ​തി​രേ സൈ​ബ​ർ ആ​ക്ര​മ​ണം രൂ​ക്ഷ​മാ​വു​ക​യാ​യി​രു​ന്നു.

ബ​ന്ധു​ക്ക​ള​ട​ക്കം സ​മൂ​ഹ​മാ​ധ‍്യ​മ​ങ്ങ​ളി​ൽ കു​റ്റ​പ്പെ​ടു​ത്ത​ൽ തു​ട​ർ​ന്ന​തോ​ടെ​യാ​ണ് വി​ഷാ​ദ​ത്തി​ന​ടി​പ്പെ​ട്ട യു​വ​തി ജീ​വ​നൊ​ടു​ക്കി​യ​ത്. കു​റ്റ​പ്പെ​ടു​ത്തി​യ​വ​ർ​ക്കും ശാ​സി​ച്ച​വ​ർ​ക്കു​മൊ​ന്നും ആ ​ജീ​വ​ന്‍റെ വി​ല മ​ന​സി​ലാ​യി​ല്ലെ​ന്ന​താ​ണ് യാ​ഥാ​ർ​ഥ‍്യം.

മു​ഖ‍്യ​ധാ​രാ മാ​ധ‍്യ​മ​ങ്ങ​ള​ട​ക്കം സം​പ്രേ​ഷ​ണം ചെ​യ്ത ആ ​ദൃ​ശ‍്യ​ങ്ങ​ൾ ക​ണ്ട​വ​രി​ലെ ചെ​റി​യൊ​രു വി​ഭാ​ഗ​മാ​യി​രി​ക്കാം സൈ​ബ​ർ ആ​ക്ര​മ​ണ​ത്തി​നു മു​തി​ർ​ന്നി​ട്ടു​ണ്ടാ​വു​ക. എ​ന്നാ​ൽ, സ​ഹ​ജീ​വി​ക​ളു​ടെ വേ​ദ​ന​ക​ളും പ്ര​യാ​സ​ങ്ങ​ളും തീ​ർ​ത്തും ക​ണ​ക്കി​ലെ​ടു​ക്കാ​തെ ന​ട​ത്തി​യ സൈ​ബ​ർ ആ​ക്ര​മ​ണം തി​രു​ത്താ​നാ​വാ​ത്ത വ​ലി​യൊ​രു തെ​റ്റാ​യി പ​രി​ണ​മി​ച്ചി​രി​ക്കു​ന്നു.

ഇ​ത്ത​രം സൈ​ബ​ർ ആ​ക്ര​മ​ണ​ങ്ങ​ളി​ൽ മ​ല​യാ​ളി​ക​ളും ഒ​ട്ടും പി​ന്നി​ല​ല്ല.​സൈ​ബ​റി​ട​ത്തി​ലെ വ‍്യ​ക്തി​ഹ​ത‍്യ​ക​ൾ പോ​ലെ സാ​മ്പ​ത്തി​ക ത​ട്ടി​പ്പു​ക​ളും കു​ത്തൊ​ഴു​ക്കാ​യി മാ​റി​യി​രി​ക്കു​ന്നു.

വി​ദ‍്യാ​സ​മ്പ​ന്ന​ർ​ക്കു​പോ​ലും വ​ലി​യ തു​ക​ക​ളാ​ണ് ന​ഷ്ട​പ്പെ​ടു​ന്ന​ത്. കേ​ര​ള​ത്തി​ൽ ക​ഴി​ഞ്ഞ സാ​മ്പ​ത്തി​ക​വ​ർ​ഷം 215 കോ​ടി രൂ​പ​യു​ടെ സൈ​ബ​ർ ത​ട്ടി​പ്പു​ക​ൾ ന​ട​ന്ന​താ​യാ​ണ് പ​രാ​തി ല​ഭി​ച്ച​ത്.

പ​രാ​തി​പ്പെ​ടാ​ത്ത കേ​സു​ക​ളും നി​ര​വ​ധി​യു​ണ്ട്. ര​ജി​സ്റ്റ​ർ ചെ​യ്ത പ​രാ​തി​ക​ളി​ൽ​പോ​ലും 20 ശ​ത​മാ​ന​ത്തി​ൽ താ​ഴെ കേ​സു​ക​ളി​ലാ​ണ് പ്ര​തി​ക​ളെ പി​ടി​കൂ​ടാ​നാ​യ​ത്. സ​മൂ​ഹ​മാ​ധ‍്യ​മ​ങ്ങ​ളി​ല​ട​ക്കം കാ​ണു​ന്ന പ​ര​സ‍്യ​ങ്ങ​ളി​ൽ ആ​കൃ​ഷ്ട​രാ​യി സാ​മ്പ​ത്തി​ക​നേ​ട്ട​മു​ണ്ടാ​ക്കാ​മെ​ന്നു വി​ശ്വ​സി​ക്കു​ന്ന​വ​രാ​ണ് ച​തി​ക്ക​പ്പെ​ടു​ന്ന​തി​ൽ ഏ​റെ​യും.

ഈ ​ച​തി​ക്കു​ഴി​ക​ളെ​ക്കു​റി​ച്ച് പോ​ലീ​സും മാ​ധ‍്യ​മ​ങ്ങ​ളും നി​ര​ന്ത​ര​മാ​യി മു​ന്ന​റി​യി​പ്പു​ക​ൾ ന​ൽ​കു​ന്നു​ണ്ടെ​ങ്കി​ലും ത​ട്ടി​പ്പു​കാ​രു​ടെ വ​ല​യി​ൽ വീ​ഴു​ന്ന​വ​രു​ടെ എ​ണ്ണം കൂ​ടി​ക്കൊ​ണ്ടേ​യി​രി​ക്കു​ന്നു.
പി​ടി​ക്ക​പ്പെ​ടാ​നു​ള്ള സാ​ധ‍്യ​ത​ക​ൾ കു​റ​യു​ന്ന​താ​ണ് ത​ട്ടി​പ്പു​കാ​ർ​ക്ക് വ​ള​മാ​കു​ന്ന​ത്.

സൈ​ബ​ർ കു​റ്റ​കൃ​ത‍്യ​ങ്ങ​ൾ നേ​രി​ടാ​ൻ ന​മു​ക്ക് ശ​ക്ത​മാ​യ നി​യ​മ​മു​ണ്ടെ​ങ്കി​ലും തെ​ളി​വു​ക​ൾ ശേ​ഖ​രി​ക്കാ​നു​ള്ള സം​വി​ധാ​ന​ത്തി​ന്‍റെ അ​പ​ര‍്യാ​പ്ത​ത വ​ലി​യ പ്ര​തി​സ​ന്ധി​യാ​ണ്. അ​നു​ദി​നം പെ​രു​കു​ന്ന സൈ​ബ​ർ കു​റ്റ​കൃ​ത‍്യ​ങ്ങ​ൾ നേ​രി​ടാ​ൻ കേ​ര​ള​ത്തി​ൽ നി​ല​വി​ലു​ള്ള സൈ​ബ​ർ സെ​ല്ലു​ക​ളും സൈ​ബ​ർ പോ​ലീ​സ് സ്റ്റേ​ഷ​നു​ക​ളും തീ​ർ​ത്തും അ​പ​ര‍്യാ​പ്ത​മാ​ണ്.

സൈ​ബ​ർ കേ​സു​ക​ളു​ടെ എ​ണ്ണം പെ​രു​കു​ന്ന​തി​ന് ആ​നു​പാ​തി​ക​മാ​യി സൈ​ബ​ർ പോ​ലീ​സി​ന്‍റെ എ​ണ്ണം കൂ​ട്ടു​ക​യും അ​ന്വേ​ഷ​ണ സം​വി​ധാ​ന​ങ്ങ​ൾ വി​പു​ലീ​ക​രി​ക്കു​ക​യും വേ​ണം. സൈ​ബ​ർ പോ​ലീ​സി​ലേ​ക്ക് സ്പെ​ഷ​ൽ റി​ക്രൂ​ട്ട്മെ​ന്‍റ് ന​ട​ത്തി കം​പ‍്യൂ​ട്ട​ർ സ​യ​ൻ​സ്, സൈ​ബ​ർ ഫോ​റ​ൻ​സി​ക് വി​ദ​ഗ്ധ​രെ കൂ​ടു​ത​ലാ​യി നി​യ​മി​ക്ക​ണം.

സ​ബ് ഇ​ൻ​സ്പെ​ക്ട​ർ, കോ​ൺ​സ്റ്റ​ബി​ൾ ത​സ്തി​ക​ക​ളി​ൽ ഇ​ത്ത​രം വി​ദ​ഗ്ധ​ർ കൂ​ടു​ത​ലാ​യി ഉ​ണ്ടെ​ങ്കി​ലേ സൈ​ബ​ർ കേ​സ​ന്വേ​ഷ​ണ​ങ്ങ​ൾ കാ​ര‍്യ​ക്ഷ​മ​മാ​കൂ. പി​ടി​കൂ​ടു​ന്ന കേ​സു​ക​ളു​ടെ എ​ണ്ണം കൂ​ടി​യാ​ൽ കു​റ്റ​കൃ​ത‍്യ​ങ്ങ​ൾ കു​റ​യും. അ​തു​പോ​ലെ​ത​ന്നെ ത​ട്ടി​പ്പു​ക​ളി​ൽ വീ​ഴാ​തെ​യും സൈ​ബ​ർ ആ​ക്ര​മ​ണ​ങ്ങ​ളി​ൽ പ​ങ്കാ​ളി​ക​ളാ​കാ​തെ​യും ജ​ന​ങ്ങ​ളും ജാ​ഗ്ര​ത പു​ല​ർ​ത്ത​ണം.

സ​മൂ​ഹ​മാ​ധ‍്യ​മ​ങ്ങ​ളി​ൽ മാ​ന‍്യ​മാ​യ ഭാ​ഷ​യും മ​റ്റു​ള്ള​വ​രു​ടെ സ്വാ​ത​ന്ത്ര‍്യ​ത്തെ​യും അ​വ​കാ​ശ​ങ്ങ​ളെ​യും മാ​നി​ക്കു​ന്ന ഇ​ട​പെ​ട​ലു​ക​ളു​മാ​ണ് സ​മ​സ്കാ​ര​സ​മ്പ​ന്ന​ത​യെ​ന്ന് മ​റ​ക്കാ​തി​രി​ക്കു​ക.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.