കോഴിക്കോട്: ദേഹാസ്വാസ്ഥ്യത്തെ തുടർന്ന് ആശുപത്രിയിൽ പ്രവേശിപ്പിച്ച മുസ്ലീം ലീഗ് നേതാവും
കൊടുവള്ളി എംഎല്‍എയുമായ എം.കെ. മുനീറിന്‍റെ ആരോഗ്യനിലയിൽ പുരോഗതി. അപകടകരമായ രീതിയില്‍ പൊട്ടാസ്യം ലെവല്‍ താഴ്ന്നതിനെ തുടര്‍ന്നാണ് എം.കെ. മുനീറിനെ ആശുപത്രിയിൽ പ്രവേശിപ്പിച്ചത്.
ഇന്ന് പുറത്തുവന്ന മെഡിക്കല്‍ ബുള്ളറ്റിനിലാണ് ആരോഗ്യ നിലയിലെ പുരോഗതി വ്യക്തമാക്കുന്നത്. എംഎൽഎ നിലവിൽ വെന്‍റിലേറ്റര്‍ സഹായമില്ലാതെയാണ് ചികിത്സയിൽ തുടരുന്നതെന്നും മരുന്നുകളോട് നല്ല രീതിയിൽ പ്രതികരിക്കുന്നുണ്ടെന്നും മെഡിക്കൽ ബുള്ളറ്റിനില്‍ പറയുന്നു.
അപകടകരമായ രീതിയില്‍ പൊട്ടാസ്യം ലെവല്‍ താഴ്ന്നതിന് പിന്നാലെ എം.കെ. മുനീറിന് ഹൃദയാഘാതവും സംഭവിച്ചിരുന്നു. തുടര്‍ന്ന് ദിവസങ്ങളായി തീവ്രപരിചരണ വിഭാഗത്തില്‍ ചികിത്സയിലാണ്.