തിരുവനന്തപുരം: കടുവയുടെ ആക്രമണത്തിൽ തിരുവനന്തപുരം മൃഗശാലയിലെ ജീവനക്കാരന് ഗുരുതര പരിക്ക്. പരിക്കേറ്റ സൂപ്പർവൈസർ രാമചന്ദ്രൻ ആശുപത്രിയിൽ ചികിത്സതേടി.
വയനാട്ടിൽ നിന്നും തിരുവനന്തപുരത്തേക്ക് കൊണ്ടുവന്ന ആറു വയസുള്ള ബബിതയെന്ന പെൺകടുവയാണ് ആക്രമിച്ചത്. വെള്ളം ഒഴിച്ച് കൊടുക്കുന്നതിനിടെ ഇരുമ്പ് കൂടിന്‍റെ കമ്പികൾക്കിടയിലൂടെ കൈയിട്ട് കടുവ ആക്രമിക്കുകയായിരുന്നു.
പരിക്കേറ്റ രാമചന്ദ്രനെ ആദ്യം ജനറൽ ആശുപത്രിയിലും പിന്നീട് തിരുവനന്തപുരം മെഡിക്കൽ കോളജിലേക്കും മാറ്റി. പരിക്ക് ഗുരുതരമല്ലെന്നും തലയിൽ നാലു തുന്നലുണ്ടെന്നും ആശുപത്രി അധികൃതർ പറഞ്ഞു.