ന്യൂഡൽഹി: സൈനിക വാഹനം താഴ്ചയിലേക്ക് മറിഞ്ഞ് അപകടം. ജമ്മു കാഷ്മീരിലെ ബന്ദിപോര ജില്ലയിൽ ആണ് സംഭവം.
അപകടത്തിൽ രണ്ട് സൈനികർ വീരമൃത്യു വരിച്ചു. മൂന്ന് സൈനികർക്ക് ഗുരുതരമായി പരുക്കേറ്റിട്ടുണ്ട്. വുളാർ വ്യൂ പോയിന്‍റിന് സമീപമാണ് അപകടം നടന്നത്.
റോഡിലെ കനത്ത മഞ്ഞുവീഴ്ചയാണ് അപകടത്തിലേക്ക് നയിച്ചതെന്നാണ് വിവരം. സൈനികർ സഞ്ചരിച്ചിരുന്ന വാഹനത്തിന്‍റെ ടയറുകൾ മഞ്ഞിൽ തെന്നി താഴ്ചയിലേക്ക് മറിഞ്ഞതായാണ് വിവരം.