ന്യൂഡല്‍ഹി: ഒരു രാജ്യം ഒരു തെരഞ്ഞെടുപ്പ് ബില്ലുകള്‍ പരിശോധിക്കുന്ന സംയുക്ത പാര്‍ലമെന്‍ററി സമിതി രൂപീകരിച്ചു. ബിജെപിയുടെ പി.പി.ചൗധരിയാണ് സമിതിക്ക് നേതൃത്വം നല്‍കുന്നത്.
കോണ്‍ഗ്രസ് നേതാവും എംപിയുമായ പ്രിയങ്ക ഗാന്ധിയും ബിജെപി എംപി അനുരാഗ് ഠാക്കൂറും ഉള്‍പ്പടെ 31 പേരാണ് സമിതിയിലുള്ളത്. ലോക്‌സഭയില്‍നിന്ന് 21 എംപിമാരും രാജ്യസഭയിൽ നിന്ന് പത്തുപേരും സമിതിയിൽ അംഗങ്ങളാണ്. കഴിഞ്ഞ ദിവസം നിയമമന്ത്രി ലോക്സഭയില്‍ അവതരിപ്പിച്ച ബില്ലുകള്‍ ജെപിസിക്ക് വിടണമെന്ന പ്രതിപക്ഷ ആവശ്യം സര്‍ക്കാര്‍ അംഗീകരിച്ചിരുന്നു.
പി.പി.ചൗധരി, സി.എം.രമേശ്, ബന്‍സുരി സ്വരാജ്, പര്‍ഷോത്തം റുപാല, അനുരാഗ് ഠാക്കൂര്‍, വിഷ്ണു ദയാല്‍ റാം, ഭര്‍തൃഹരി മഹ്താബ്, സംബിത് പത്ര, അനില്‍ ബാലുണി,വിഷ്ണു ദത്ത് ശര്‍മ, പ്രിയങ്ക ഗാന്ധി വാദ്ര, മനീഷ് തിവാരി, സുഖ്‌ദേവ് ഭഗത്, ധര്‍മേന്ദ്ര യാദവ്, കല്യാണ്‍ ബാനര്‍ജി, ടി.എം.സെല്‍വഗണപതി, ജി.എം.ഹരീഷ് ബാലയോഗി, സുപ്രിയ സുലെ, ശ്രീകാന്ത് ഷിൻഡെ, ചന്ദന്‍ ചൗഹാന്‍, ബാലശൗരി വല്ലഭനേനി എന്നിവരാണ് ജെപിസിയിലെ ലോക്സഭാ അംഗങ്ങൾ.